Biak Zungzal Awk Asi mi Pathian

By Tluang Peng

Baibal Cangthim : Rev. 14:6-7

Ruahtiawk Biatlang hna:

1. Zungzal Phuan Awk Asi mi Thawngtha (v. 6)

2. Zungzal Biak Awk Asi mi Pathian (v. 7)

Baibal Relnak

Vawlei cung mi vialte, phun kip, ram kip, holh kip le mi kip sin i thanh awk a simi, zungzal Thawngtha aa phorh i vanlai i a zuangmi vancungmi pakhat kha ka hmuh. Aw thang piin, “Pathian kha tih u law a lianhngannak kha thangthat u. zeicahtiah amah nih minung vialte bia a ceih hna lai caan kha a phan cang. Van le vawlei le rili le tiput a sertu kha bia u,” a ti. (Rev. 14:6-7)

Biadomhnak:

Chan nih a kal pi bantuk in vawlei cung ah Khrihfa hna kan biaknak hi a tum chuk chin lengmang in ka hmuh. Hlan ah cun zei tluk in dah Khrihfa kan corrupt hi a theih in kan theih atu cun kan mit in kan hmuh khawh cang. Western, Europe tbk ram pawl ah zei tluk in dah Pathian biak an huam lo le mah duhnak ah caan an hman ning pawl zong kan hmuh theih khawh mi asi. Lailei biafang

in kan chim ahcun tlangrian tuan kan ihnek chih khawh lo bantuk khi asi. Kan biaknak hi tlangrian tuan in kan tuan ti ko usih. Kan tuan lo/biak lo zong ah zei poi lo tiah kan ruah. Sual a tam i dinfelnak a kawl tu kan tlawm. Hi ban tuk chan ah zei tin dah Pathian biak hi Khrihfa mi hna nih kan rian si le kan tuah ding si hi kan theih khawh la i kan huam khawh la ti hi biapi ngai ah chiah awk in ka ruah.

1. Zungzal Phuan Awk Asi mi Thawngtha (v.6)

Ka Baibal cacaang thim kan zoh than asi ahcun Biathlam/hmuhnak pekmi asi kan hmuh. Caan donghnak kong he pehtlai in tialmi asi cu kan theih dih mi asi. Caang 6nak ah kan hmuh mi cu “Thawngtha phorh in vanlai i a zuangmi vangcungmi” ti kan hmuh. A phorhmi Thawngtha cu caang 7nak ah khan tha tein kan hmuh. Pathian nih misual a kan dawt hringhran zia fiang te in alang. Hika Thawngtha phuannak nih a ka theihter thanmi cu Neniveh khua i Jonah phuanmi Thawngtha kha asi. Zei tluk in dah Pathian nih misual a kan sian lo ti hi hi Neniveh khuami hna tuanbia zoh hin a faing tuk mi asi. An luatnak ding caah zei dang tuah a hau lo Pathian sinah an sual ingaihchih i kir than kha asi. Rom. 10:14 ah kan hmuh mi cu asinain, an zumh lo ahcun zeitindah a min cu an auh khawh lai? Cunn bia kha an theih lo ahcun zeitindah an zumh khawh lai? Cun bia cu chimh an si lo ahcun zeitindah an theih khawh lai? tiah a ti. Tuchan a rawk cuahmah mi kan chan ah Thawngtha hi kan thutpi sawh sawh ko hnga maw? Nangmah le keimah diriamhnak men ah kan iceih lengmang mi theology kong ahhin maw kan buai peng rih ko lai. Pathian nih a kan duh piak mi teh zei dah asi hnga? Ka sual ti thei ko na in sual chung i a peih cuah mah ko mi hna sinah zei bantuk Thawngtha dah a herh…ti hi teh kan tuak bal maw?

2. Zungzal Biak Awk Asi mi Pathian (v. 7)

Pathian nih tuah hna seh ti a kan duh bik mi cu kan lungthin dihlak le nunnak dihlak i Amah biak/zumh kha asi. Caang 7nak ah kan hmuh mi cu Pathian kha tih u law a lianhngannak kha thangthat u. zeicahtiah amah nih minung vialte bia a ceih hna lai caan kha a phan cang. Van le vawlei le rili le tiput a sertu kha bia u. Atanglei kan zoh chih asi cun zeitluk in dah minung hna kan lungkhon, sual kan duh le Pathian nih zei tin dah a kan tuah lai ti kha kan hmuh. Zeitluk in dah lungrawk a va si Pathian nih luatlatnak a kan pek mi kha kan ilak riangmang i kan mah duh poh i kan hman tik ah zei tluk in dah Pathian a lung a fah hnga? Israel mi hna Izip ram in an rak kir lio Pathian nih Moses nawlbia pahra a pek kar i ami hna nih sui cawfa an biak kha Pathian zei tluk in dah a lung a fah. Moses hmanh nih a lungtlap khuai dih tiang in a tuar. Kha lio i sual ngaihchih in a kir duh lo pawl biaceihnak cu thah/hngawng tan asi. Daniel le a hawi le hna nih Babylon siangpahrang doh in a kan khamh zong khamh lo zong ah Amah cu kan biak ko lai an ti mi Pathian nih meiphu chungin a khamh hna i zumhmi le bochan awk tlak minungah a cawi san hna. Cucu van le vawlei le rili le tiput a sertu Pathian kha asi. Atu ah nang teh zei bantuk Pathian dah na biak? Na biakmi na Pathian nih nitin na tonmi harsat nak in an khamh kho maw? Kan biakmi kan Pathian zei asi ti hi kan theih le ka hngalh hi a herh ngai ngai.

Biadonghnak:

Tuchan ah thawng tampi kan theih. Baible nih a kan chimhmi cu caan donghnak caan kan phan te lai ti asi. Nang le kei Khrihfa nih kan zumh mi cu Pathian Bia Baibal asi i kan nunnak lam a kan hmuh sak tu asi. Thawng tampi kan theih hna – a ra lai ding mi kum tlawmpal ah ni ka nih cu cu a taih lai i vawlei cungah rawhnak a chuah kho mi si tbk ozone a rawh caah kan ni khua a rawh i ni a linh chin leng mang zong kan kut tongh bak asi ko. Micheu nih le caan dongh ti a um lo an ti fawn. Vawlei pi cu irawk tak seh law teh cu cu caan dongh kan ti kho hnga maw? Bia tampi hal ding a um ziah ti cun minung nih hmai lei a cang ding thil a hman te in kan theih cia khawh lo ruang ah asi. Hi bantuk caan lio hin nang le kei teh zei dah kan tuah. Kan thu sawh ko in kan zoh sawh ko hnga maw? Phungthluk I a ummi cu “A good opportunity never come twice” ti asi khah. Hi bantuk in ni kan hmuh lo caan hi phan tak seh law ti na tuak bal maw? Siloah.. ei tam tuk ka rak tuah cang, mi zong tampi ka thlen cang hna tiah maw na ti in na daih ko lai?

Tu ni ah Jonah le Neniveh kong kha tuak than hna usih ti ka duh. Misual cungah zaangfahnak le dawtnak in a khat mi Pathian kan nei ti hi philh hlah usih. Daniel te zei tin dah an luat ti zong kha thei hna usih law Pathian nih zei dah tuah hna she ti a kan duh ti kha philh hlah usih tiah sawm kan duh hna.

Tampi ka lawm………….

(October 17, 2010) Online Sermon.

By Thla Bik Lian

Bible cangthim Marka 4:11

Jesuh nih cun aleh hna i, Pathian pennak biathli cu nannih cu pek nan si cang, sihmanhsehlaw lenglei i a um mi hna cu bianabia lawnglawng in cawnpiak an si.

Jesuh chan lioah Judah mi nih theih an duhbikmi thawngtha cu Pathian pennak kong asi, Gospel 4 hi Jesuh sermon asi a tlangtar cu Pathianpengnak or Vancungpennak or Zungzal nunnak hi a si tiah Bible thiamsang pawi nih an ti. Pathian pennak kong Theih an duhbiknak a ruang cu Sal tan in faktuk le hartuk in an hrem hna cah alung adong I ruahchanhnak an ngeih khawh ti lo lio can ah Rabi pawl nih Judah mi cu Pathian thimmi kan si nan lung dong hlah uh atu vulei cantawite kan nunchung te cu kan uk, kan hrem ko hnaseh a pawi lo, vanram tu ah cun a zungzal in kanmah uktu bawi kan si than lai i an kan hremmi nak in fak deuh in kan hrem than ve hna lai tiah i hnemhnak cah an rak i cawnpiak, cu ruangah Pathian pennak kong hi theih le cawnpiak an rak duhbik nak a ruang cu asi.

Ka thimmi bible cang hi Jesuh kaa chung chuak biafiang an si i biafang pakhat hnu pakhat fiangter khawh ka vun i zum lai.

1. Pathianpennak or Vancung pennak or Zungzal nunnak

Secular cheukhat nih Pathian pennak cu hmailei ah atling te ding a si anti, Cheukhat nih ara lio aphan rih lo an ti, Cheukhat nih atu in a thok cang an ti, cheukhat nih Pathian nih apenmi nunnak asi an ti, Jesuh nih keimah hi Vancung pennak cu ka si a ti.

2. Biathli

Jesuh nih Zeiruang ahdah Pathian pengnak kong ah biathli a hman, bible version cio zoh tik ah cheukhat nih secret word, cheukhat nih mastery word tiah an hman. (secret) biathli cu fiang te le thangpi in theih khawh lo mi asi, mastery word cu theih khawh lomi si lo in theih awk ah ahar ttung i theih khawhmi biafang suallam khi asi. Pathian pennak kong hi biathli bantuk theih khawh lo mi si lo in theih khawh mi asi ko ttung i theih awk ah aharmi biathli bantun in a thlam in nan theih rih mi asi ti kha achim duh mi asi.

3. Nannih cu

Jesuh nih nannih cu ati mi hna hi ho te pawl dah an si hnga? A cawnpiakmi minung 5000 an dih lak kha an si lo, Minung 5000 chung ah khan Jesuh cu ka khamhtu le ka tlanhtu asi tiah a zum i a zulmi hna kha nannih cu tiah ati mi hna cu an si. cu nannih cu ati mi hna cu Pathian pennak biathli cu pek nan si cang ati hna.

4. Lenglei i a um mi

Sihmanhsehlaw lenglei i a um mi hna cu bianabia lawnglawng in cawnpiak an si tiah ati mi hna hi minung 5000 chung ah a telmi kha an rak si ve ko, zei ruang ahdah a hmaika ah an thu i nannih cu ati hna he khan a thawngtha chim an ngai ve ko nain Jesuh nih lenglei i a um mi ah a chiah hna kan ti asi cun Jesuh cu a ka khamhtu le a ka tlanhtu asi tiah zumh le zulh si lo in , zei khuaruah har thil dah a tuah hnga tiah an zulh kha atheih hna cah lenglei i a um mi tiah ati nak hna a ruang cu asi. cu pawl cu Pathian pennak kong kha bianabia sawsaw lawnglang in cawnpiak mi cu an si.

Kanmah ta zei ruang ah dah Jesuh kan zulh? Jesuh nih nannih cu tiah Pathian pennak biathli a chimh mi maw kan si, lengei i a um mi dah kan si? Reverence le Pastor si ko zong ah Jesuh nih lenglei i a um mi a ti

mi ah i tel kawh kan si.

Nannih tiah Pathian pennak chungah aum i biathli chimhmi maw kan si, lenglei i a um mi bianabia lawnglawng in cawnpiakmi dah kan si? Jesuh nih vailam cungin nannih cu ka fa le ka ro cotu hawi nan si tiah akan auh.

(October 10, 2010) Online Sermon.

How to Grow in Humility

By Van Ivan

Text: Philippians 2: 1- 11

Introduction

Who is humble among us? I think no one will say, I am a humble one. Ex. Sometime, Women are very difficult beings to understand for me. Suppose I went out with a lady. We are about to cross the road and I hold her hand or arm sincerely because I just only wanted to lead her to the other side of the road. But she thought, I want to get an advantage of her. If I will not help her, she will say again, you are not a gentleman. So it’s hard to understand women. It’s just like humility.

What is humility? According Dictionary, Humility is denying self for the sake of serving others.

But let us learn from the Bible, what is humility? Humility is a virtue more difficult to understand. Once you deeply desire it in your life, you might not be able to have it. Once you claim that you have it, you might end up being too humble to be proud or too proud to be humble. On the other hand, if you pursue it, the more it will go away. Humility is a very virtue that many Christians neglect to pursue now a days.

However, clearly God desires His children to be people of humility. Here are many passages in the Bible, which we can see in Micah 6: 8, Prov 22: 4 and Matt. 18: 4.

In view of above the Scriptures, especially our passage for today Phil: 2: 1-11. I propose that every Christian should grow in humility.

Q. How can you grow in Humility?

You can grow by taking into consideration the following factors.

I. Humility grows out of your concern for others ( 1-4).

The number one enemy of humility is self-centeredness. Once you pursue humility with yourself in the center, you will end up with proud. Apostle Paul said, “Do nothing out of selfish ambition or vain conceit but in humility consider others better than yourselves (3).

How can we in humility consider others better than yourselves? I believe that this is possible by shifting our focus from ourselves to others. We can do that if we show our concern to them. How? You can do this…

A. By sharing what you have to others (1-2).

In these, Paul said, we need to practice sharing what we have to others. When we talk about sharing, we have to talk about hoarding; it’s the opposite of sharing. Why do people hoard things for themselves? Is it for the security? Yes, deep inside of us we want something in extra in case of emergencies. However, I observe that people accumulate things not necessarily for security sake.

Why do some people have many cars or houses? Of course they can afford it. They can afford to hoard things instead of sharing to others out of their abundance. Do they hoard houses or things for security? I don’t think so. I guess it is because of pride. It is so good to the self to own so many things. It elevates you above other people. I believe this is the reason why some people take so much effort to accumulate things such as houses, properties, jewelries etc. People hoard many things, not for security sake but for pride.

Paul said: 1. Being like – minded

2. Having the same love

3. Being one in Spirit

4. Being one in purpose

How can we do these except through sharing???

What you have in this life that you treasured most? Money, Fame, Jewelries, properties, friends and books etc… Can you share these things to others? If you want to grow in humility, grow your concern for others.

B. By seeking the interest of others (4)

Paul said, each of you should look not only to your own interest, but also to the interest of others. How do you handle your own interest? Are you doing it half-heartedly or you don’t really care about anything in this life?

However, all of us here seriously study. We take time and much effort to insure that our lives will improve every day. We want to educate in the best school. We want to give the best that this life can offer to our loved ones. We want to educate our children to the best school. We want to enjoy life much. I believe that it is part of God’s will for us. God wants us to have abundantly. However, this is only one part; the other part is that we will be mindful of the interest of others. God wants us to share the comfort that we are enjoying now to others, may that be in materials, friendships, opportunities, and educations. God wants us to help others succeed in this life. God wants us to enjoy life with others. And God wants others to enjoy life with us.

Some think that humility or humbleness is somehow a kind of weakness. It’s a weakness, wherein people can abuse you. But the truth is humility is not a weakness but strength, Strength to refocus your attention from yourself to others. It is strength to be concern for others. It is the a strength that everyone can’t do it. Therefore, if you want to grow in humility, the right step to do is not pursuing humility itself but it grows out of your concern for others.

II. Humility grows out of your Christ likeness (5- 11).

The word of God says that if you want to grow in humility, be more like Christ. Apostle Paul said, “Your attitude should be the same as that Christ. The more you will be like Christ, the more you will grow in humility.

How can we be like Christ in humility?

A. By sharing Christ’s humiliation (5- 8).

Paul describes Christ’s humiliation in the following words “who being in very nature of God did not consider equality with God something to be grasped (6).

Jesus is God but He didn’t consider His being God as something to hold on or cling on. Now I want you to look to your own life. What is that things that you keep on holding on? Can you let it go? Remember Our Master Jesus who is the highest of all, but made Himself nothing, taking the very nature of a servant.. In King James, “But made Himself of no reputation.”

The greater part of Christ humiliation is Paul said in verse 8, and being found in appearance as a man. He humbles himself and became obedient to death even dead on the cross. How did we people were born and how did people die? I guess we are far better than Christ; the way we were born and die. As if for Jesus, this humble experience is not yet enough, He humbled himself again. This time, it did not only cost of his reputation but his life. Humility is allowing God to take control of your whole life.

Because of Christ’s humiliation, we are here today, studying and enjoying life every day. We need to do the same as Christ. Let’s make others to enjoy good life because of our humiliation. When all these things had been accomplished by Christ, an amazing thing had happened. This is the exaltation of Christ.

B. By sharing Christ’s exaltation (9- 11)

Many people view the death of Christ on the cross at Calvary. It is very tragic death. Is his death stop there at the Calvary? Of course not. Paul said, “Therefore God exalted him to the highest place and gave him the name that is above every name that at the name of Jesus every knee should bow in heaven and on earth and under the earth, and every tongue confess that Jesus Christ is Lord.. How did Jesus exalt to the highest? If he did not go down to the point of human likeness, did not die on the cross, he will not be exalted and that every knee wont bow and every tongue wont confess that Jesus Christ is Lord. As we read in these verses, we already learned and know that how Christ did.

There is one example that I would like to share and meditate on it. If you want to see very tall building or let’s say 100 floors of condominiums, how did the people build? They dig down inside deep foundation. The more they dig out, the more the building can stand high and strong. Therefore, its just like the same that in order to grow in humility, we have to be like that. If the foundation is shallow, then the building can’t stand high. It’s very good example that will help us to understand better how humility is.

Conclusion

Dear friends, If you want to grow in humility, don’t pursue humility itself, but rather it’s

1.by sharing what you have to others.

2. by seeking the interest of others.

3. by sharing Christ’s humiliation.

4. by sharing Christ’s exaltation alone that we can grow in humility. AMEN.

May God bless you all!

Special Sermon.

Without love-nothing

( Dawtnak a um lo ah cun…)

By Rev. Sang Cung Uk

Caangthim : I Corinthians 13:1-13.

Biadomh nak:

Hlei pa khat a um i cu hlei cun motor an liam sual leng mang i, accident an tong lengmang, minung tampi an thi, tampi an i hliam an ti. Tuanvo ngei tu pawl nih khua an khan mi cu “cu hlei kamah zulko- motor pakhat in chiah peng sisehlaw, accident an ton caangkain siizung ah phurcawlh hna seh”an ti i zualko- motor pakhat an chiah. A hlaim chom poh siizung ah a phurh hna. An tla chuahmah a phurh ve cuahmah hna!

Lam dang a um hnga lo maw?!!. Motor an liam tawnnak hlei kam kha kham hna sehlaw,motor a tla hnga lo, zual ko motor zong chiah peng a hau hnga lo. A hliam mi a thi mi zong an um ti hnga lo.Ruah awk ah ka chim mi a si.

Zei thil poh ah hin Major (Biapi) le Minor ( Biate) a um. Biate kha Biapi deuh i ruah sual ah cun khua khan thiam lo asi. Khrihfa zumh nak zongah “biapi” le “biate” a um. Mah kong cu Pual nih 1 Cor. 13 in a fian ter.

Corinth cakuat back ground tawl pal in van zoh ta usih. Corinth khua zumtu hna nih an i buai pi ngaimi thil pahninh a um.

1. Denomination ( Bu) ah, “Peter tanh tu, Paul tanhtu, Appolo party, Jesuh zultu ” ti bak in an i then len, an i sawi len.
2. Spiritual gift ( Thlaurau laksawng) kong ah, “ Phungchim thiam laksawng a biapi, Holh theih lo a bia pi etc…tiin an i el len, an buai len ti an si.

Pual nih a zohkho ti hna lo i, ca kuat( 1 Cor.13) hin a cawn piak hna. Corinth zum tu hna nan buai hnawh lenmi Bu, le Thlarau lasawng nak khan “Dawt nak “ tu hi buai pi awk deuh nan si. Bu le thlarua laksawng hna cu Biate(Minor) an si dawtnak tu hi Biapi(Major) asi. A taktak chim ah cun “ Dawt nak a um lo ah cun a dang kha cu pakpalawng an si” a ti bak ko hna.

Bia chung:

Khrihfa mi hna kan nun ning hi ruah than a hau ve tawn.Kan nih theh zei dah kan buai pi? ‘Biapi’ ah maw kan buai ‘Biate’ ah… ti ruah kan sawm hna. Ka hmuh ning ah cun Khrihfa sinakah a biapi bikmi cu “ Dawtnak” hi a si ko ,ka ti. Kan Bible muru zong hi dawt nak kong asi ko. “ Pathain nih vawlei a dawt tuk caah a fapa ngeih chun a pek... ( Johan. 3:16). Dawtnak ruang ah Jesuh nih a nun a holh. Jesuh nih Peter kha voi thum tiang nawlh in a bia a hal i Peter zong ik thluahmah in a tah phah mi kha “ Peter na ka daw maw” ti a si kha mu. Kan Bible ah Genisis in Bia thiam tiang ah hri bantuk in ai zampi bia pa khat a um i mah cu “dawtnak” asi tiah Bible thiamsang pawl nih an ti . Paul nih a uar khun i, “ Dawt nak lo cun a dang cu papalawng” a ti phah. Kan nih theh dawt nak hi kan sunhsak tak maw?.Biate ah kan buai deuh sual maw? (Vawlei chawva, Holh theih lo, Phungchimthiam, etc…)

Jesuh nih a buai pi mi cu dawtnak asi. “ Pakhat le pathat i daw uh a kan ti.Cu kong cu a nawlh lengmang.A nunnak nak in a fian ter. Cucaah, Dawtnak tu hi buai buai awk tlak a si ti Pual bia hlan in kan sawm hna. Dawt nak kong kan buai tikah a biapi mi thil pa 2 a um.

1.Dawt nak cu dawtnak in leh rul lawng ah sullam a ngei.

Kan Bible tuanbia ah David nih a fapa Absolom( ral a tho i a pa a dotu) kha a dawt peng: Absolom kha fak in nan ti lai lo tiah a ralbawi a chimh hna, a ngai peng, bia neem in a sin ah kir ding in a sawm peng. Ngaih chia tak asi ko. Absolom nih a pa dawt nak a thei lo. A pa dawt nak kha dawt nak in a lehrul lo, huat nak tuin a leh rul …A phi cu Absolom cu kuh thing ah a sam in a thlai i ralkap pawl nih an thah.. A fa thih thawng a theih tikah, Divid cu a taang a cum i Absolom nangmah aiah keimah sining law tiah a tap. David nih chim a duh laimi cu “ Absolom kan dawt nak hi dawtnak in van ka let ve law hi dirhmun cu kan phan hnga lo” ti khi a si ko hnga dah. Dawt nakkong ah i rinh hna hlah u sih.Mah nih thawk hmasa hna usih. Dawt nakin i lehrual hna usih. Mifim Ovid nih “ to be loved , be love able” a ti. Dawt zong i hawlh thiam kan hau . Dawt ai hlawh deuh mi poh dawt deuh an si tawn. Laimi nih” dawt awk tlak lo a kan dawtu” ti hi kan uar. Dawt awk tlak deuh i um zong hi kan i zuam ve a hau cang. Pual nih “ Dawt nak lei tu i ba uh” a ti kha. Dawt nak leiba i cham hna u sih. Pathian sin zawng ah kan i lawm tuk tiah chim hna usih. Mizo hla sak thiam C. Luii nih Jesuh nih dawtve a duh nak hla in fiangngai in a sak mi cu “ Dawt nak nih Dawtnak a ngen ve” ati. Dawt nak cu dawtnak in lehrul lawng ah sullam a ngei.

2. Tangdor nak a um lawng ah Dawtnak sullam a ngei.

Jacob le Esua tuan bia kha drama phunin van zoh ta hna usih. Gen. 27 le Gen.33 kha a feeling a dang ngai lai. Gen. 27 ah cun Jacob nih a u Esau kha a hlen( Sabuti kheng khan in Upa sinak right kha a cawk) i E sau a thin a hang i, a nau Jacob cu ka thah lai a ti i,a zaam. Thinhan nak, huat nak, tliknak, zaam nak, i rem lo nak lawng te a cuang. NAIN, Gen. 33. ah cun Esua le Jacob an i kup i, an i rek,an tap, lomhnak mitthli a luang.

Why ?

Jacob nih a thin a hang tukmi a u kha tangdor nak in a sal le a thlah hna i, ngeihthiam a va hal, dawtnak a va langth ter. Tang dawr nak in a chuak mi dawtnak hi mi nih a celh bel lo. Jacob tangdawrdawtnak nih Esua cu a lung a hno ter i, an u nau an kup , an rek, an tap.A drama a thelng diam ai . Hlannak in an daw deuh. Tangdor nak a um loah cun dawtnak a nung kho lai lo. Khrihfa bu zongah tangdawrnak a um loah cun dawtnak a um kho lai lo. Dawt nak a um lo ah cun Pual bia am in chim ah cun.., kan pumh,thawhlawm, kan thlacam, kan pianthar, kan rawluh etc..zei zong te hi “ zeihmenh lo ” a si ko lai.

Biadongh nak:

Dawtnak kong cu chim ah a dong kho lai lo. Tuah tu ah a sullam a ngei ding a si. Proverb hlun pi pa khat ka lung ah a chuak, “ love is notsomething we find, love is something we do ” ti a si.Jesuh Khrih zong vawlei ah dawtnak a hong kawl lo, dawtnak a hong tuah. Kan ram, ka family, kan community caah dawtnak kawl caan asi ti lo, dawtnak tuah caan tu asi.

Pathain sunpar nak caah si ko seh!

(October 3, 2010) Online Sermon.

A Nung In Pekchanh Mi Raithawinak

By Nawl Hre Cin

Bible rel ding: ROM 12:1

Cucaah ka u le ka nau hna, Pathian nih a kan zaangfahnak nganmi ruangah hin, Pathian sinah a nungin pekchanhmi raithawinak bantukin ii pe tuah u; a rian ah aa pumpe mi le cohlan awk tlakmi si tuah u; cucu biaknak taktak Pathian nan pek awk biaknak cu asi.

Rom 12:1 hi kan zoh asiahcun “cucaah” timi biafang in aa thok. “Cucaah” timi biafang cu biapehtu asi ii hi biafang hlanah rak chimmi biatlang pawl a um hrimhrim a hau. Mi pakhatkhat he bia kan ii ruah tikah zeidang chim lo piin cucaah tiin biahram thok khawh asi lo. Bia a zatawk kan chim hnu lawngah “cucaah” ti phunin biapehtu ah hmankhawh asi. Cuning asiahcun, hi Bible cacang ii “cucaah” timi biafang nih tah zei le zei dah pehtlaihnak a tuah tihi theih hmasa ahau.

Rom cakuat kan rel asiahcun a ngan 1 hi mah le mah ii theihternak le kuttlaihnak cabia pawl ansi. Cu dihin a ngan 12 tiang kan rel ahcun, minung kan tlamtlin lonak le kan sualnak pawl nih Pathian dantatnak chung a kan lutpinak ding kong pawl a hrawmthok lei deuh ah a tial, cun a hnu deuh ah misual kan si ko buah zeitindah Pathian nih khamhnak a hun kan pekthan timi kong kan hmuh. Cu dihin cun atu ii “cucaah” timi biafang hi a hun hman. A tawinak in chim ahcun minung hi kan sualnak nih Pathian dantatnak chungah a kan kalpi ding kan si, asinain Pathain nih a kan dawt tuk caah khamhnak lam a kan sialpiak than. Cucaah Pathian dawtnak a theihmi hna nih cun kan nunnak hi a nunin thawimi raithawinak bantuk in ii thawi ding asi tihi Paul nih a chim duhnak asi.

Raithawinak timi cu tah zeidah asi? Mitampi ruahnak ah raithawinak ti poah ahhin thil sual pakhatkhat kan tuah ruangah Pathian sin ii sual ngaihthiamnak ding caah sa thah khi kan lungah a um bik tawn. Cucu sual raithawinak tiah ti asi. Asinain Bible chung ii raithawinak timi hi sual ruang ii thahmi lawng khi raithawi ti asi lem lo. Bible chungah ahmasabik raithawinak kan hmuhmi cu Kain le Abel nih Pathian sinah an hmuh hmasabikmi thawinak an tuahnak kha asi. Kain le Abel nih an satil le an theitlai Pathain sin ii an pek kha sualnak an tuah ruangah ngaithiam halnak ca ding ii an tuahmi asi lo. Pathian dawtnak an temcomi chungin Pathian sinah lawmhnak bia an chimthannak tu asi. Cucaah Rome cakuat chungah Paul nih raithawinak timi biafang a hmanmi zong hi kan sual ruangah Pathian sinah kan nunnak nung na bu in va ii thawi ding tikhi a sawh duhmi asi lo. Cunak cun misual kan si ko buah Pathian nih khamhnak lam a kan sialpiak caah Pathian dawtnak a theimi nih cun kan nunnak le kan pum hi cu Pathian sinah lawmhnak kan langhternak kan laksawng, kan raithawinak siseh tikhi a chim duhmi asi. Paul nih Pathian dawtnak a nganmi ruangah nan chawva kha tampi in Pathian kha pe uh ti sehlaw, mi sifak pawl cu pekawk kan ngei hnga lo. Asinain Paul nih pek a kan fialmi cu kan nunnak tu asi, a nun in pekchanmi raithawinak bantuk in ii pe uh titu asi deuh. Raithawi tikah do a tla lomi thil kha thawi asi bal lo. Cucaah kan nunnak le kan pum rai kan ii thawi tik zongah do tla lo buin ii thawi phung asi lo. Paul zong nih, Pathian caah do a tlami, cohlan a tlakmi, Pathian lung a lawmhtermi raithawinak bantuk in ii pe uh tiah a kan fial.

Cucaah Pathian dawtnak a theih taktakmi caah cun kan nunnak hi kan mah ta asi ti lo ii Pathian sin ii kan pekmi, Pathian lung a lawmhtertu raithawinak tu ah aa cang. Nifatin kan nunnak ah kan sining hi Pathian ii cohlan ding a tlakmi, Pathian lung a lawmhtermi raithawinak kan si maw tihi ii check zungzal a hau. Bible chungah hin cutin kha tin nan nung lai ti a kan cawnpiakmi hi a tling lo ngai. Bible nih night club kal a tha lo ti zong a kan cawnpiak bal lo. Bible chan ah night club a rak um rih lo. Zu ding hlah uh ti ii a kan chimhnak zong kan hmu fawn lo. Asinain, kan nunnak le kan pum thurhnawm tuk buin hin Pathian lung a lawmhtermi raithainak kan tuah kho hnga maw? Pathian caah cun chim lo kan pawngkam a ummi kan hawi le ca hmanhah do kan tla lai lo. Cucaah zeithil kan tuah poah ah kan nunnak hi Pathian sin ii pekmi, pathian cohlan awk tlakmi, Pathian lung a lomh ter khomi nunnak asi maw tihi ruat cio hna uh sih tiah kan sawm hna. Paul nih cun, Pathian nih a kan zaangfahnak nganmi ruangah hin, Kan nunnak le kan pum hi Pathian lung a lawmhtertu raithawinak asi awk asi ati. Cun, a rian ah aa pumpe mi le cohlan awk tlakmi si tuah u a kan ti fawn. A hmanungbik ah, cu ti kan tuahmi cu biaknak taktak Pathian kan pek awk biaknak cu asi a ti. Keimah pumpak ii telhchih in, PCCF u nau kan zapi te nunnak hi, Pathian hmaiah do a tlami raithawinak siter ii zuam cio hna uh sih. Cucu kan biaknak taktak asi awk asi.

Pathian nih thluachuah in pe cio ko hna seh.