Sunday, May 13, 2012

Hringtu Nu Le Daw Hna Usih

By Tha Chin Sung
Bible ca thiam mi- Johan 19: 26-27,Exodus 20:12 Mother’s day kan phak can poh ah cun Nu le nih an kan dawt nak a hun kan theih ter khun I kan um nak khua le ram cio in kan nu le ngeih nak a zual ter chin , hring tu nu nih a liam tak cang mi hna nih a thar in an zun an tuar than. Hringtu nu le nih a kan dawt tuk ti cu a ho poh nih chim hau lo in kan theih cio mi a si. A si nain kan nu le nih a kan dawt tluk in kan daw kho ve hna maw ?.Jesuh khrih vailam I an tah lio ah khin zei tluk in dah a nu Marry a lung a fah lai I a ngeih a chiat tuk lio ah khan Jesuh nih a nu cu “ka nu khaka khan na fapa a um khah” tiah a van ti I dawt mi a zultu cu “khaha ah khan na nu a um khah “tiah a vun ti ve. Johan 19: 26-27. Jesuh nih vaw lei mi kan sual vial te khenhchih in a thih lai tiang zong ah anu kha aphilh lo cu nih an kan cawn piak mi cu zeitluk in dah Hringtu kan nu le hi a bipit I kan dawt hna awk a si ti hi a si. Cu caah hringtu kan nu le he Kan um nak a dan a si ah , sau pi a kan nun pi ti lo ding an si ah , zei tin dah kan dawt hna lai ti hi ka theih peng a hreh. Kan mah le kan ti khawh tawk kan dawt khawh chung hna in dawt ding an si .Dawt ning cang a phun phun in a um mi lak ah a bia pi tiah ka ruah mi hna cu atanng lei ban tuk hin an si. 1. Na hmurka in na dawt lai.Humkhat um mi na si ah cun ni fatin tein ka nu kan dawt tuk tiah tip eng. Zeitulk I na dawt tuk ko zong ah na hmurka in kan dawt tuk tiah na ti mi kha a lung a lawmkhun lai. Pa tam mi ni an chim tawn mi cu kan dawt tuk kan duh tuk ti cu chim ahau lo tuah ser nak in ka langh ter ko tiah an ti tawn a si nain nu nih theih kan duh bik mi cu kan dawt tuk ti hi a si. Cu ve ban tuk in an fa le zong nih kan dawt ti cu theih an duh .cu ca’h cun an hringtu na nu kha ka nu kan dawt tuk tiah ti lengmang law a thin lung a nuam peng lai. 2. Na tuah ser nak in na dawt nak na langh ter lai. Na kuh lai na hnamh lai .Kan nih lei cu kuh le hnamh hi kan hamng lo Philippine ah hin cun an hman ngai an fa le an len lai sianginn an kai lai ah an nu le an hngamh nak hna an kuh tak hna I an cal te ah an nu le nih an tongh piak hna hi bless tiah an ti ta hna . Hi hi kan nih laimi zong nih I cawn awk ah a ttha ngai mi a si. Kan nu le nih bawhte kan si lio ah an kan kholh kan Zun Ek a kan fim an hngap a kan hnawh piak cu cah cun kan mah zung nih an tar I zei an tuah khawh ti lo hnu ah fih lo tein an tak zong kholh ding an Zun le an Ek zong kan fim ve hna awk a si . 3. Lungsau tein na chonhpiak lai. A ho hmanh a tlam a tling dih mi kan um lo “ Nobody is perfect” an ti bang tuk in thil sual kan tuah can le chimh kan ngeih lo can ah lungsau te le thinfual tein an kan chimhring tu le an kan ngai thiam tu kan kan nu le hi an si. Cu ca’h hring tu nu nih a fa le nih kan theih pen awk a si mi cu kan Nu le cu an mah lawng inchungkhar rian vial te zohkhan tu an si caah tlamtlin lo chimabau nak a um sual a si zong ah mawhchiat lo in thla tu kan cam piak hna awk a si. 4. Siangngai in na pek lai. Nu le dawt nak cu fa le nih zeitik hmanh ah kan cham kho hna lai lo bang tuk in an nun chung te ah an duh mi le an hreh mi poh kha tuah piak le pek khawh hi kan I zuam awk asi. Fa le vial nuam ngai le khuasa kho ngai I um ttuang I nu le pa harsat bu I nun ter cu Pathian nih a duh lo . Cathiang nih na nu le na pa lawmh ter hna u a ti. 5. Na upat lai. Exodus 20:12 “Nan nu le nan pa kha upat hna uh cu tin a tuah ahcun, Bawipa nna Pathian nih an pek mi hna ram ah hin saupi nan um lai. Efesa 6 chung ah nan Nu le nan Pa bia ngai han uh a ti. Nu le nih an kan chimh mi bia kha kan ngeih in ka zulh a hreh . Kan nu le nih si ter an kan duh I thlaici an tuh mi cu a theipar kan hmuh ter hna a herh. Kan nu le caah hmaihngal pi tlak fa nu fa pa si kan I zuam a hreh. Kan Nu le cu inchungkhar fa le caah asunglawi bik mi an si. Zeizong vialte kanduh mi le kan hreh mi poh a kan pe I a kan tuah piak tu Pathian changtu ansi. Cucaah daw hna usih law upat hna usih. May 13 ni ( hring tu ni ) lawng ah Mother’s Day si ter lo in kan tlungthin chung ah ni fa tin te in Mother’s day si ter hna usih.