2009 PCCF Election, Seminar & New Year.

2009 PCCF election, Seminar le Kumthar cu December 30 (2009) in January 1 (2010) tiang PCU-UTS Campus, Cavite ah nomhnak a phunphun le lentecelhnak a phunphun he hluanghlai ngai in tuah a si. Hi bantuk in hlawhtling te'n tuahkhawhnak caantha a kan pe i, lam a kan hruai tu Pathian min thangthat si chin ko seh. A ra mi le a tel kho vial te a lawm lo le a nuam lo kan um lai lo tiah zumhnak ka ngei. Minung lei khuakhannak leng in Pathian nih lam a kan hruai i kan tuah mi kip ah kan i nuam khun hna. Cun kan i nuam khunnak hna cu Baguio lei le Luzon lei in ruahnak leng in a kan tel pi hna ca ruang zong ah si ruah tiah ka ruah. A tu hi a cuai ngai mi lunglen phun in a la mi zong um pah dawh kan si rua ka ti ko. A tu bantuk in tlamtling khawhnak hnga khua a khan piak tu, tawl a rel piak tu 2009 PCCF hruaitu hna cung ah lomh lo awk kan tha hrimhrim hna lo. 2009 chung an khuakhannak le a kan hruainak vial te zohthan tik ah PCCF chungtel kan dihlak ca ah thlawchuahnak a kan phorhtu bak an si ti a lang. Khah..si le mah le hmanthlak zoh le download duh mi nih hi ka hin hmet.

2010 Hruitu Thar Hna

2010 kum caah hruaitu thar thim nak cu December 31 (2009) zan ah tuah si i thim mi hna cu a tang lei bantuk in an si hna.
1. President - Saya. Ram Ceu Hnin
2. Vice President - Sayama. Ester Hlei Khia
3. Secretary - Saya. Biak Maung
4. Associate Secretary - Saya. Cung Bik
5. Treasurer - Dr. Roland Ceu
6. Assist. Treasurer - Sayama. Van Cer Cin


Advisor

Advisor pawl hna cu,
1. Rev. Dr. Dennis Shu Maung
2. Rev. Van Bik
3. Rev. Luke Sui Kung Ling
4. Rev. Sang Cung Uk
5. Major. Henry Van Thio
6. Rev. Za Biak Ling
7. Saya. Thla Bik Lian

Auditor

hna ca ah,
1. Saya. Van Thang
2. Sayama. Siang Chin Tial

Moderator

1. Saya. Solomon Van Hmun

hna thim an si.

Pathian nih lam hruai in tlawchuah pe ko hna seh.

By

Moderator

Rev. Dr. Dennis Shu Maung te chungkhar thlahnak

Filippines ram ah a rak phan mi Laimi vial te (a hlei in PCCF chungtel) hna caah a herh tik caan poah ah a herhning poah in NU CAN PA CAN ah a kan dir piak zungzal tu kan nu kan pa a si mi Rev. Dr. Dennis Shu Maung te chungkhar thlahnak cu April 19 ni ah hluanghlai ngai in tuah a si. PCCF chungtel dih lak caah kan thluachuahnak le kan suttung pi a si mi nih ramdang ah a kan thial taak tak hnga ding hi cu sian an um hrim lo. Pathian tu nih an thutdirnak kip ah Laimi hna caah thluachuah chin zungzal ko hna seh. Kan nih zong nih Rev. Dr. Dennis Shu Maung le a chungkhar kan dawtnak hna langhternak ah a biacah mi "zeibantuk harnak nan ton hmanh ah a sungpe hlah uh" ti mi a bia hi philh lo in kan siangca cawnnak ah le nifa kan nunnak ah thazaang caah i lak hna uh sih law i nun pi cio hna uh sih.

Hmanthlak zong ka hin zoh khawh si.

PCCF EC Visiting

April 8 zan in 10 ni zing tiang caan pek in PCCF hruaitu upa (6) nih Baguio i a um mi PCCF member pawl sin ah an va tlawn hna. Hi caan chung ah Baguio i a um mi PCCF member pawl he i hawikomhnak le thazaang peknak hna zong ngeih a si. Cun Baguio i a um mi PCCF member pawl nih Baguio khua i a dawhnak le a nuamnak hmun hna zong ah an kal pi hna i an i nuam khun hna. Tian zan cu i sian lo bu te in le i hawikomhnak cim lo te in tian a si.
Hmanthlak zoh le download a duh mi caah hika hin hmeh i luh khawh a si.

PCCF Cung Pathian nih thluachuah chin seh

PCCF Cung Pathian nih thluahchuah chin seh
A Phuah Tu - Pastor. Sang Vung


A hla bia na duh ah cun ...

Fingtlangsang cung in khuaza cuanhkho dingin laimiphun cu
Cung Pathian nih a thimmi miphun kan si
Khuaza ramkip ah fimnak kawl in vawlei cung kan cul dih
A kan hruaitu Pathian thangthat siseh.

Tlengkhat thuti va bangin lungkhat in kan zuang lai
Pathian pekmi Lairam thanchonnak ding caah
A nungmi raithawinak bang i pumpe cio u sih
PCCF Cung Pathian nih thluachuah chin seh.

Kum thawnghnih kumhnih October thla nikul le niruk ah
Miphun tungtu PCCF dirh a si,
Cung Pathian sin ah thlaza cam in thimmi hruaitu hna nih
Kamlo chuncha bangin an kan dirpi.

Kan tlangsang bangin fimnak sang seh horthuk bangin ruahnak
Thuk ve hnaseh Laimiphun kan dihlak in
Zilthli nem bangin kan lung nem seh kan tithiang hna bangin
Kan lung thiang seh kan ram le mi phun ca'h

2008 PCCF Retreat.

PCCF chungtel pawl Matabungkay beach ah retreat kan kal lio hna a si. 

Photo in zoh a duh mi le zuhlaak a duh mi nih hika hin zoh le zuhlaak khawh a si.

February Thla Pumh

A hmun - Saya. Thawng Peng le hawi le inn. Kamuning, Quezon City, Manila.
A ni - February 15, 2009.
PCCF i February thla pumh cu tlamtling te in kan tuah khawh caah Pathian min thangthat si chin ko seh. Hi pumhnak ah Sayamah. Siang Chin Thial(Siang Siang) nih caan a kan hruai i Sayamah. Hau Hau nih thawngtha(forhfialnak) a kan chimh. A tel kho vial te kan i lawm dih. Thlakhat voikhat te kan i ton mi hna hi cu a sunglawi tuk hringhran ko.


Hmanthla zoh le download a duh mi nih hika hin hmet.

Biapeh chap . . .
Hmaithla(March) pumh cu Cavite ah si lai. A cacawn a dih i a tlung ding pawl thlahnak tuah si lai caah chungtel kan dihlak chuahkhawh i zuam cio hna uh sih.

Tu kum CND ca hla thawh

Tu kum Lai Phunpi Ni caah Saya. Thawng Peng nih a thawh mi hla.
Hla min - Lairam na khangh lai
Hla sa - S. Sui Hnin
Hla phuah tu - Saya. Thawng Peng

A zeilei kap hmanh in a tling mi hla si ko hih.

Thennak Vawlei (The Parting World) - Lai Movie

PCCF caah rothil(chawva si lo in) pakhat a si ve mi THENNAK VAWLEI (The Parting World) movie hlawhtling te'n an zuar le zamp khawh a si cang caah lawmhnak tam pi kan ngei. Hi Lai movie a chuahkhawhnak ah a rethei mi dihlak cung ah Pathian tu nih thluachuah nak pe chin ko hna seh. Hi Lai movie nih hin Laimi caah thiltha tam pi a chuah pi te lai.

Online in zoh a duh mi nih hika hin zoh khawh si.