August 24, 2014 PCCF Weekly Online Sermon

"NUN"

Pastor Bei Rona

Online in thawngttha chimnak caan ka hmuh caah kai lawm. Siaherhnak he chim ka duhmi cu Kei ka caah Nun hi zeidah a si? Kei ka caah Nun cu Khrih a si ko (Philipi 1:21) timi cathiang hi thazang lak ding in ka duh ngai.

Paul cu Khrihfami hrem ding le thah dingin a kal lio ah Damaska Hauka ah Khrih ceunak nih a ceuh hnu ah Thawngttha phuan le chimhding in a nunnak dihlak le a can pek in a pum pe bakmi a si. Hremnak, Thongtlaknak, pawttamnak, sifahnak, harnak phunphun hna hi Khrih thawngttha a chimhnak ruangah fiang tein a ingtuarmi a si. A ngaingai lo ahcun cawnnak lei le hrinsornak ah cun mi hrinfa le fimnak lei ah thiamsang ngaimi a si. Nain a chimmi cu kei ka caah Nun cu Khrih a si ko a ti.

Minung nunnak cu rilipi cung i khual a tlawngmi tilawng bantuk a si" a can ah thlichia tilet a tho, a can ah aa dawhtuk mi hmun ah kan kal. tiah Billy Graham nih a ti.
Cawley timi pa nih cun " Nunnak hi cu damhkhawh a si tilomi zawtnak pakhat a si " a ti. Rawl ei a hau i, kan ei awk caah rian tuan a hau, cucu kan thih hlan lo kan tuah a hau. Cucu damhkhawh ti lomi zawtnak a sinak cu a si a ti.
Misifak pakhat nih cun " Nunnak hi zuamnak le rianttuannak a si" a ti kho men, nain mirum pa nihcun " Nunnak hi tangka" a ti ve men ko lai.

Kan nih zumtu khrihfa hna le hmailei ah kan Miphun le Ram caah rianttha ttuan ve tuah ning a ti i, Sianginn a kai liomi hna nih Nunnak timi suallam hi kan nunnak ah zeitin dah sullam kan ilak ning a si hnga?

A cunglei hna nih an chimmi bantukin maw kan si ve hnga? Sihmanhdehlaw cathiang nih fiang tein a kan chimhmi cu Nun hi khrih a si a ti. Hi ka zawn ahhin theih tthan le ruahtthan a hau mi cu Khrih timi sullam cu zei dah a si ? tawinak in chiti thuh ti a si. A si kun ah Nun cu Khrih a si kan ti tikah a sullam a kan cawnpiak duhmi taktak cu zei dah a si ti kha theih cu a herh ngai. Ca hlun ahhin chiti thuh timi hi siangpahrang le Tlangbawi hna kha chiti taktak in an rak thuh ko. An caah hmai a suan ding le an hruaitu hna ding kha Thluachuah an pek a si lo ah nawl ngeihnak an pek.
Kan nih kan chan ah chiti thuh timi a sullam taktak cu Profet Isaih casual timi Bawi Jesuh nih a relmi hi a si ( Isaiah 61: 1, Luke 4:18-19) . Chiti thuhmi cu Sifakmi luatnak, Mit cawmi hna khua hmuhnak,( Ca thiam lomi hna ca thiamnak) paw ttammi hna paw khimnak, Thongtlakmi hna luatnak, lung a kuaimi hna damnak, ngaihchiami hna hnemnak caah thlahmi kha a si, a ti. Kan Bawipa Jesuh khrih cu vailamtah thihnak tiang tuar in kan caah khamhnak or Luatnak caah aa pekchanmi or a pumpekmi a si. ( Philipi 1:21) ah Paul nih Kei ka caah Nun hi Khrih a si ko, a ti. kan nih tah zei tin dah kan ti ve hnga? Paul nih cang 22- 24 a chimmi ah milung a suk ngaimi cu ka thih ahhin ka caah thil ttha deuh hmanh a si ko hnga nain Nun rih hi nan caah thilttha tuahnak caah a herh caah nung ko rih ning a ti.
Pathian nih a kan dawt I, kan phu kan tawk lo pi catang hna kan van kai kho . Kan fimnak le thiamnak, thawnnak le thazang hna hi kan Miphun le Ram caah Nun hram ko hna usih. Khrih thawnnak he cun kan Nun khawh ko lai.

Bei Rona

August 3, 2014 PCCF Weekly Online Sermon

"THAI ZING HRUAITU CAAH NIHIN I TAT KAN HERH!"

 Pastor Timothy Dawt Kham 

Bible Cang Thim: “Bawipa nih vainam bantuk in le cantiang bantuk in a ka tat i a thalbawm chungah a ka sanh. A ka thawh i Israel nang cu ka sal na si nangmah thawng in sunparnak ka hmu lai tiah a ka ti. Isaiah 49:2-3 (amp)

Bawi Khrih ah u nau rual nan dam maw? Bawipa Jesuh min in nan kut kan tlaih hna. Tuzing thawngtha nan sin ah chim ka duhmi cu, “Thaizing hruaitu cu nihin kan itat a herh” tihi a si lai. Ram or miphun siseh a thanchonak tawhfung cu hruaitu a si ko ti cu zapi theih silai ti ka zumh. Bible tuanbia kan rel tik zongah miphun a dernak le a thawnnak cu an siangpahrang cung ah ai hngat.

Kan chimduhmi a fiankhawh nakhnga Moses tuanbia kha Bible in langhter ka duh.A tuan bia kan zoh tikah nunning dot thum a kan cawnpiak.

1. Bawhte si lio ah

Moses a chuahlio hrawng ahhin Israel ngakchia an karh liopi a si. Pharaoh siangparhang nih sal, pa ngakchia karh kha aduh lo caah thah dih dingin nawl a chuah. Asinain Moses nu le pa nih cu nawlpekmi cu an pah chih . Zeicaahtiah Moses cu a dawhngaimi ngakchia a si tiah Bible nih a ti. Ni hin kan nun, dawhngai in hmuhmi si a biapi ngai ti. Pathian nih a kan sawi mi cu kanleng lei muisam a si bal lo, kan ziaza, kan umtu kha a sitawn. Cucu Bawipa nih Samuel sin ah a ti. Samuel nangnih cun lenglei muisam na zoh, kei nih cun thinlung kazoh a tinak kha si.

A nu le pa zumhnak nih hruaitu tha a chuahter. Moses nu le pa hi kan zoh tik ah an iphundang tiah ka hmuh. Siangpahrang nawlpek zong an tih lo. Cucu an zumhnak a si tiah kan Bible nih a kan chimh. Heb 11:23.Thaizing fa le hna si cannak kongah hringtu nu le pa, nihin kan dirhmun nih lai a rel ko. .Zumhnak ah kan dirlo ahcun inn chungkhar ivenkhawh ding si ti lo. Pathia bia le thlacamtinak he kal kan herh ko tiin ka hmuh.

2. Siangpahrangchungkhar ah kum 40 a um

Pathian nih kan ca cio ah tinhmi a ngei tiah Isaiah 29:11 nih a kan chimh. Moses cu Pharaoh chungkhar sin phan hlah sehlaw hruaitu tling a sikho hnga lo. Zeicaah, fimcawnnak a chambau hnga. Cu hmun cu Pathian nih fimcawnnak in taat a duh ruangah, a chiahnak a si. Bible nih Moses cu a thabik mi fimnak (the best education) an cawnter a ti. Acts 7:21.Nihin hawidawt mi ramdang kan um tikah hin mah zalonnak men caah siloin kan ram le miphun caah santlaimi kan sinaklai fimcawnnak ram ah Pathian nih taat a kan duh a si, tiin ka ruah. Kan caansunglawi tein ca zohnak (study) caah hmang hna usih ti kan duh hna.

A can ahmangthiamlomi cu thaizing ah kan chambau kho men. Moses a hlawhtlinnak pakhat cu kum 40 chung cawnnak ah a can a pek khawh caah a si ti usihlaw kan palh lai lo. Moses uar um nak pakhat cu a biachim mi hmual a ngei (Acts 7:21). Mipi a hip khomi cu a biachim hmualngeimi khi an si. Cucaah fimcawnnak ah kan itaat lo cun kan bianih mipi a hip kho hna lai lo i Pathian sunparnak a lang kho lai lo.

3. Ramcar ah Bawipa nih a thial than

A tinh bal lomi ram a phan. Cucu Pathiannih a donghnak training a pekmi a si. A muisam zong aithleng dih. Zeicaahtiah ramcar a si. A sinain Moses nun, hika zawn ahhin cawnawk a tlakmi pathum in vun langhter ka duh.

a. Pathian he an itong. Harnak horkuang zong hi Pathianhmai kanhmuhnak ding caah Amah nih a kan serpiak tawn. Job zongnih ka takpum a rawkdih cikcek hnuah Pathian cu ka hmu lai a ti (Job19:26). Bawipa he i ton hi a pakhatnak step a si. Cu lo ahcun Pathian nih hruai tikhi a um kho lo. Moses cu Pathian aw fiang tein a theih hnu in a mi hna hruaiawkah Pathian nih a thlah. Pathian he i ton nun a kan cawn piak.

b. Thil ton zia a thiam cang. Krifa kan nun ah hrialawkthalomi cu nunzia thiam hi a si. Moses cu ramcar a si cah a harnak nih khan nun a cawnpiak, zohhmanh Israel mipi an phunzai lio ah khan a nih cu Pathian hmai tu a kawl. Kan harlio caan zongah Pathian nih a kal tak lo, mitthli he kan um lio zongah a kan zamtak lo tikha philhhlah u si. Cucu hmai lei kan thiltikhawhnak tu ah a cang telai hawidawt.

c. Zumhtlaksinak nun: Moses nun nih a kan cawnpiakmi lak ah ka duh ngaimi pakhat cu zumhtlak nun hi a si. Israel mipi an phohpian cuahmah lio ah mit in hmuhlomi Pathian lei ah tan cu a fawi lai ti ka ruat lo. A sinain Moses cu a dirpi bak. Ramcar ah kum sautuk a umnak nih khan a dirhmun a fehter. Caansau in hmuh mi cu sau a nguh ve. Nihin mi tampi cu lamphawk zulh i kan I tinhmi hmuh kan duh cio. Moses nun kan zoh tikah can saupi chung a hmailei ton dingmi a cawn. Cu ruangah cun kum 40 chung hruaitutha a can khawhnak a si.Zumhtlak tein kal hna u sih.

Ka dawtmi nan dihlak nang le kei hi thaizing hmandingmi kansi. Pathian nih an tinhpiakmi goal na tlolhnak hnga lo a tu ah na nun itaat hram ko.

Bawipa nih thluachuah in pe ko hna seh .

Timothy Dawt Kham
Baguio

July 13, 2014 PCCF Weekly Online Sermon

PCCF unau hna,
Dam in nan um cio hna maw? Weekly Online Sermon kan rak thlah than. Nithaizing thawngtha a kan chimtu cu kan assistant treasurer a si mi Sayamah Run Tha Hlei Par a si. Union Theological Seminary ah M.Div final year a kai lio mi a si. Pathian thawngthabia akan hrawmh caah kan ilawm tuk.

"NGEIHTHIAM NUN"

 Sayamah Run Tha Hlei Par

Baibal Cangthim: Mathai 6:14 “Mi nih nan cungah an tuahmi thatlonak kha nan ngaihthiam hna ah cun, vancung I a ummi nan Pa zong nih an ngaihthiam ve hna lai.”

Bible Biakamthar kan reltik ah Khrihfabu chungah siseh, inn chungkhar ah siseh ngaihthiamnak nun ngeih a herh zia kha tampi kan hmuh khawh. Jesuh Khrih zong nih a kan chimh pengmi cu ahlei in Dawtnak le Ngaihthiamnak nun hi a si. Paul nih a tialmi cakuat kan rel tik zongah kan hmuhkhawh mi cu kan nih zumtu mi cu khrihfabu chungah le inn chungkhar cio ah lungthin in siseh, tuahsernak in siseh, zumhnak in siseh, thlarau in siseh, ngaihthiam nun in siseh kan nun ding asi tihi a telh dih ve. Zei caah tiah ngaihthiamnak le lungrualnak aum lonak inn chungkhar le khrihfabu cu zeitik hmanhah an tinhmi ah an kal ciahmah kho bal lo. Dinnak a umnak hmun ah daihnak aum ve, dawtnak a umnak hmunah lawmhnak a um ve I ngaihthiamnak a um nak hmun paohah lawmhnak a um ve. Dawtnak a umnak hmun paoh ah ngaihthiamnak a um I ngaihthiamnak a umnak hmun paoh ah thlauchuah a tlung ve. Tinhmi aa khatmi lungthin ruahnak aa rualmi bu kip paoh ah lawmhnak a um I daihnak a um zungzal. Zei caah tiah Dawtnak cu sualnak a kawl lo I ngaihthiamnak nun nih remnak le hnangam a chuahter zungzal.

Mathai 18:19-20 ah kan hmuhkhawh mi cu Hi vawleicung ahhin nan halmi thil kongah pahnih nan lung aa khah ah cun nan halmi thil cu vancung I a ummi ka Pa nih an pek hna lai, zeicaahtiah ka min in pahnih pathum nan I pumhnak ah kei zong nan sinah ka um ve” tiah ati. Lungrualnak umnak dingah ngaihthiam nun ngeih a herh hmasa. Ngaihthiam nun nih lungrualnak le dawtnak le zawnruahnak a chuahter. Cu caah Mathai thawngtha nih a kan chimh bantuk in pahnih pathum lungrual tein ka sinah nan halmi cu kan pek hna lai a ti. Khuazing Pathian thluachuah cu lungrual tein Amah a thagthat timi sinah aa phuang/ a tlung ton.

Mithiang Paul nih Korin Khrihfabu sinah ca a kuat mi hna cu 2 Korin 7:10 chungah “Ngaihthiam nun nih khrihfabu a dam ter, a kekkuaimi ruahnak le ruahnak khah lonak hna kha a remhter” tiah a ti. A ngaingai ti ah cun inn chungkhar ah siseh, khrihfabu ah siseh hawikom cungah siseh ngaihthiam khawh lomi thil a um kho lo kan ngaihthiam duh hna lo caah ngaihthiam lonak lam kawl asi ton. Ngaihthiamnak a um lonak hmun ah sualnak kawl a um sualnak I kawlnak nih lunghrinnak a chuah pi i lunghrinhnak um ah cun tinhmi ah an kal ciahmah kho bal lo.

Bible Biakam Hlun chungah Ngaihthiam nunnak hmanthlak dawh Genesis chungah Esau le Jacob tuanbia le Joseph le a unau sinah kan hmuh khawh. Jacob nih fater sinak kha Esau sin in a lak. Esau zong a thin a hung tuk ko nain caan le ni a rauh deuhdeuh ve tikah le an karlak ah palhnak I theihthiam in sual phuannak an tuah hnu in cun ngaihthiamnak lawnglawng nih a zulh cang hna. Pakhat lei ngaihthiamnak lawngin hnangamnak le lawmhnak hmuh khawh a si lo, kaphnih ngaihthiamnak a um lawngah hnangamnak le lawmhnak taktak hmuh khawh a si. Esau le Jacob tuanbia ah hin an pahnih in ngaihthiam nun an ngeih caah an pahnih in an I nuam an chungkhat pahnih cungah lomhnak a tlung I Bawipa thluachuah an co veve.

Ngaihthiam nun a umnak hmun paoh ah dawtnak a leng zawn ruahnak a um I thatlonak le palhnak vialte cu philh a si cang. Dawtnak mit in zeipaoh cuanh/zoh a si cang I hnangamnak le lawmhnak a leng. Cu tikah khuazing thlauchuah a tlung. Jerimiah 31:34 chungah “ an thatlonak kha ka ngaihthiam hna lai I an sualnak kha ka hngal camcin ti lai” ati. Ngaihthiamnak cu sual cinken a si lo sual cinken cu ngaihthiam a si ve lo. Ngaihthiamnak nun um nak ah cun sualnak le ralnak nih hmunhma an ngei ti lo.

Ngaihthiamnak cu a voi in tah a si lo a zungzal in ngaihthiam a herh. Mathai 18 chung kan rel tikah voikhat cu Peter kha Jesuh sinah ara I “Bawipa ka unau pa pakhatkhat nih ka cungah sualnak tuah sehlaw voi zeizat dah ka ngaihthiam lai voi sarih maw? tiah a hal. Jesuh nih cun a leh I “si hlah ee, voi sarih si lo in voi sawm sarih” tiah a leh. Judah cawnpiaknak ah cun minung pakhat kha voithum tiang na ngaihthiam lai ti a si. Peter nih fiang deuh seh tiah voi sarih maw? A ti nak a si. A si nain Jesuh khrih nih cun si hlah ee voi sawm sarih le voi sarih a ti. Voi sawm sarih le voi sarih cu voi 490 tinak a si a chim duhmi cu ngaithiam zungzal ko tinak a si. A ngaingai ti ah cun voikhat voihnih thangchiatnak, kongceihnak te hna ngaithiam khawh lo cu khrih thlarau kan nunnak ah a um lo caah asi ko lai.

Mark thawngtha chungah kan hmuhkhawh mi cu “Midang kha an sualnak nan ngaihthiam hna lo ah cun vancung I a ummi nan Pa zong nih nan sualnak an ngaihthiam ve hna lai lo” ati. Khrihah dawtmi PCCF u le nau hna kan nih pumpak pakhat cio hmailei kan karhlan tinak le khua kan khantinak, lai kan reltinak ah Ngaihthiam nun a ngeimi zumtu, ngaihthiam nun a ngeimi u le nau kan si nak lai Bawipa nih thlau kan chuah hram seh.

Lawmhnak tampi he
Tha Tha
Cavite.

June 29, 2014 PCCF Weekly Online Sermon

"Unau Thinlung Ngei Usih"

By Pastor Duh Sang

Bible Cangthim: Unaurual I rem tein khuasak ti hi zeitlukin dah a that I a nuamh. Aaron luthlung in a khabe ah, a khabe in a angkihngawng ah a rung luangmi Oliv chiti bantuk a si, Hermon tlang dap, Zion tlangcung ah a hongtlami bantuk a si,Bawipa nih bia a kan kamh, zungzal nunnak cu.” (Psalms 133:1-3)

Biahmaithi: Voikhat cu unau hna kha sianginn an kai. A u pa nih a nau kha a ke a bai caah a liang ah aikhinh. Cu ti cun nichiarte in sianginn cu an kai. Zinglei ah sianginn khan tiang a nau cu a chiah. Zanlei lawicaan ah a nau cu a liang ah aikhinh than i inn ah alawi pi. Cucu an saya pa pakhat nih a hmuh tikah, a upa kha bia a hal, “Nifatinte inn na nau na liang in khinh lengmang hi na batuk lo maw?” a ti. A upa nih cun, “Saya pa, kaba lo. Kanau a si” tiah a leh. Unau sinak hi I hnek nak ah alang, dirkamhnak ah a lang. Zeitindah Khrihfami hna nih unau thinlung kan ngeih lai? Hi bialehnak ahhin kan Bible cang chirhchan in (3L) in zohhna usih.

L1: Lungkhahnak/ lungrualnakngeih a herh. Ps. 133:1 “Unau rual lungrual tein khuasak ti hi zeitlukin dah a that i a nuamh” ti ah a ti. Lungrual cu thawnnak a si. Chiandeih hmanh saram lak ah a thawngbik a sinain, naa run nihcun an teiko. Unau thinlung ngeihnakdingah lungrual a herh. Keimah duhmi lawng in siseh ti a sithiam lo. A thami a si ko ahcun midangduhnak kha hmuhthiam a herh. Zapi hruainak kha cohlankhawh a biapituk. Mah dang in peu a sikho lo.

L2: Lung Siaherhnak Ngeih a Herh. Ps. 133: 2 “Aaron lutlung in a khabe ah, a khabe in aangkihngawng ah a rung luangmi Olive chiti bantuk a si.” Lungkhahnak nih a chuahpimi unau sinak cu a um sawhmi a si lo. Hmundang ah a luangthanmi a si.Lu in angkihngawng, angkihngawng in khabe ah a luangthanmi a si. Amah sinak ah a di a riamcolh lo.Siaherhnak he hmundangah rian a tuanthanmi a si. Midang fahnak kha Oliv chiti bantukin a thlopbultu asi. Midang hma a portertu a si lo. A damtertu a si deuh. Kan nunnak hi midang sin tiang a phankhomi a si a biapi ngaingai.

L3: Lungthumhnak a herh. 133:3 “Hermon tlang dap Zion tlangcungah a hongtlami bantuk a si. Bawipanih bia a kan kamh zungzal nunnak cu.” Hermon he a tahchunh. Unau lungrual tein khuasaktinak ahcun a sannak in a niamdeuhnak thumhkhawh a hau.Thumh duh loin tlangcung lawngah um peng ahcun sullam a ngei lo. Dap ti khal cu a zor I midang caah thatnak a chuah pi bantukin, zumtu hna kan nun hi, midang caah thumh a herhnak ah thumh, zor a herhnak ah zor ngam kha asi. Chinmi nih phungtluk kanngei, “Unautha le liangdantha” ti a si. Liangdan cu midang fahnak chawnnakdingah thing putmi tangah a um lawngah mi dang liangfahnak a chawn. Midang harnak chawn hi kan lung kan thumh caan hna hi a rak si. 

Biadonghnak: Zumtu hna nih Unau Thinlung kan ngeihkhawh nakhnga, Lungrualnak a herh, Lung Siaherhnak a herh, Lungthumhnak a herh. Tukum kan hmuitinh/ tlangtar cu, “Unau Thinlung Ngei Usih” ti a si. Pathian Sunparnak Caah Si Ko Seh!

Pastor Duh Sang

April thla pumhnak Activity

Pathian hi Laimi bantukin mi tampi/mibu sin lawngah ai phuangmi le ai nuam mi sisehlaw April thla kan ipumhnak hna ah hincun aiphuang in ai tel duh naisai hnga lo i kan pumh zong a nuam men hnga lo. Aruang cu milu in kan tlawm lio caan te a si caah a si. Sihmanhsehlaw Abaraham, Isac le Jacob Pathian cu milu in kan tlawm ah siseh kan tam ah siseh thinlung tak tein a biami hna sin poah ah ai phuangmi Pathian a si caah tutan PCCF pumh cu milu in kan tlawm nain thlarau riantuannak hmual alang khun i aipum mi hna pakhat cio nih kan ilunghmuih ngaingai cio hna. Atang lei hna hi kan cawlcangh ning le kan ipumhning caan kan hmanning hna an si...

Pumh kal pah ah kan van zikzek ta>>>

 

Kawl nih "a sah kaung mah a hnaung techia dae" an ti bantukin pumh tehna zong ah hin pumh hruaitu nih pumhnak a thawk dan hi a biapi taktakmi a si ve. Tutan kan pumh cu a thawkka hrimhrim in kan tluang cang. Tutan pumh akan hruaitu cu Pastor Mose Van Nun Ceu a si.

Kan hlasak khi kanmah le kanmah nih cun kan awk a tha tiah kan itingam lai lo nain akan ngaitu hna rak um hna sehlaw khoika gospel team dah an si hnga tiah pakhat pakhat an ihal hrimhrim hna lai...hlasak a nuam, a tui bak in kan tui hna... 

Kan secretary pa bia siaherh he herh lo he a chim lio a si...

 Thawhlawm caah Saya Tluang Zel Thang nih thla acam lio a si. Milu in kan tlawm ngai nain kan thawhlawm cu voidang tawn tluk te a si ve thiamthiam ko...

Kan thinlung dihlak te le kan awzai te he Pathian kan thangthat lio...

Pastor Cung Bik Thawng nih Zapi caah thla a cam lio... Khualtlawng lamli mi kan unau vialte hna caah thla kan incampiak peng ko hna...

Tutan cu gospel team kal lai i hla a cawngmi hna kan lo pah. Aruang cu kan dihlak ten groupsong kan sak a tam...

Dr. Ngun Biak Nawl nih Bible ca aithim mi a rel lio a si...

A ngaingai tiah Bili Graham  hmar ka ngai hrimhrim lo....Mi kan tlin lo cu a va pam hringhran kan ti cio...

Tutan pumh i Saya Khen Lian Thang nih rawl a kan danghmi cu hramhram in ithloh lo ahcun a ngol ti lo ding kan tam ngai... inn phan kho deng lo mi hna kan um pah len...

Taal in kalh lo ahcun a tho ti lo ding lawngte an si ko hna hih...

Tutan kan ipumhnak ah zeipoah te tuanvo a kan lak piak i retheih a kan inn piak tu hna innteek Saya Khen Lian Thang le Pastor Bei Rona an si...

Inn tin lai ah kan van zikzek ta hna... 

Country song sakthiam concert ah an sawm i a va zulmi hna kan lo pah rua...

Then lai cu kan isiang cio hrimhrim hna lo. Sihmanhsehlaw thennak a um lo ahcun tonthannak a um kho lo ti a si bantukin hmai thla ah iton kan duh tthan caah hiti te hin tian zai kan rel hna... 

Taylor Swift he hlasak an sawm hna i a rak phan rih lo a hngak mi hna a lo pah lo maw???

PCCF nih pa can taktak ah kan iruah mi Rev. Paul Thaung Tin a si. 

Rev. Paul Thaung Tin nih a timi cu hihi bak hi bawi inn ipumh cu a si a ti... voidang i kan ipumh tawn ahcun kheng le pakaan hna nan mah ten itawl uh chia ta hlah uh ankan ti lengmang nain tutan cu tawl hrimhrim hlah uh tiah kan tawl hnik mi hmanh akan lakpiak than dih, bawi inn pumh timi cu mah bak hi a si a ti...Saya Khen Lian Thang bantukin rinh awk tlak le bochan awktlak, zeibantuk rian hmanh nautat lo tein a tuan i a phun zai bal lo mi hruaitu nih kan hruai peng hna sehlaw zeitluk in dah a va that hnga a ti mi kan tlawm te lo... 

 Sayamah Mac Awlin nih hramthawknak caah thla a cam lio a si... amah te lawnglawng hi far fangkhat kan ngeih chun mi a si...

 Kan chairman pa nih kan pumhhruainak caah Bible ca a rel lio a si... a zoh dan khi a mit tha dih pah mi a lo nan ti cio dik maw, a ngaingai tiah tulio cu Premier League le Champion League zoh a tui cingling cu sikaw khitluk tal cu a si ve hau ko hnga...

April thla pumhnak ah a rak chuak kho mi pumpak pakhat cio cungah hruaitu aiawh in kan lunglawmhnak roca kan tial. Hmaithla ah damten itong than hna usih...

April 13, 2014 PCCF Weekly Online Sermon

!!Jesuh Nih Na Ka daw Maw Tiah Bia A Kan Hal?!!

By: Pastor Charles Cung Bik Thawng

Pastor Charles Cung Bik Thawng

Jesuh nih Johan fapa Simon na ka daw maw?(Simon Son of John Do You Love Me?)Cun Jesuh nih cun "Johan fapa Simon na ka daw maw? tiah a ti tthan hoi.Jesuh nih voithum tiang na ka daw maw, tiah a hal caah khan Peter cu a ngaih a chia i "Bawipa nangmah nih zeizong vialte na hngalh dih kan dawt cu na hngalh ko hen cu a ti.Jesuh nih cun Ka Tuu kha zohkhenh hna. (John 21:17). "Thihnak in a thawhter a si hnuah atu hi Jesuh nih a zultu hna sinah a langh voi thumnak a si.Rawl an ei hnuah Jesuh nih Simon Peter cu a thawh i "Johan fapa Simon na ka daw maw? tiah a ti."A si,Bawipa kan dawt kha na hngalh tiah a leh.Jesuh nih a thawh tthan i Johan fapa Simon na ka daw maw tiah a ti tthan.Asi, Bawipa kan dawt cu na hngalh tiah a leh.Jesuh nih Johan fapa Simon na ka daw maw? tiah voithum tiang a hal caah Peter cu a ngaih a chia i,Bawipa nangmah nih zeizong vialte na hngalh dih, kan dawt cu na hngalh ko hen cu a ti.(Lord you know everything; You know that I love you).

Jesuh le zultu kong tlawmpal te an tuanbia kan zoh ahcun zeidah kan hmuh khawh?Minung an si ve caah Jesuh an zul ko nain an chambaunak a um tawn. cucaah Jesuh nih Simon zong voithum tiang na ka daw maw tiah bia hal ve.Zultu hna lakah zumbik mi Treasurer Judas hna kha kan zoh ahcun Jesuh kha a hnam hmasa hnuah ral kut chungah petu a si.Judah phung ahcun Hnam cu dawt bikmi long hnam khawh a si.Judas nih Jesuh a rak hnam kha a dawt tuk rua anti nain Dawtnak si loin huatnak or chiatserh(hrawk le thah) duhnak kha a rak  si. Cucaah Jesuh nih Judas cu a nu paw chungin a chuak lo hmanh a ttha deuh a ti. Cu ve bantuk in Peter zong Jesuh an tlaih lioah khan an tlaih ve i Jesuh zultu na si maw an ti. Ka si lo a ti hna. Na aw cawi hi Jesuh zultu na si ko an ti zongah ka si lo a ti rih hna i ar voithum a khuan hlan ah Peter nih Jesuh cu voithum khelte a hlawt ve.

Dawtmi zumtu vialte hna Bawipa rian saupi kan ttuan,kan piangtharnak saupi,thla kan cam tawn ko.Thawngttha kan chim tawn ko.Crusade,Campign le Revival ah caan saupi kan um ko.Bible Sianginn kan kai ko.Evangelist kan ttuan ko.Missionary kan ttuan ko.1/10 kan pek ko.Tlamtling ko lo maw? Cu vialte kan tuah ko buin Jesuh nih maw ka fa dawt na nunnak taktak in na ka daw maw? tiah bia a kan hal ve.zeitin na leh ve lai.Nan pastorpa chimhmi maw na chim ve te lai. A si lo ah, Piangthar le thlacam tthawng deuh maw na zoh hmasa hna lai.

Jesuh nih ka fa dawt na ka daw maw tiah bia a kan hal ve kan nunnak i check ve hna usih.The very Important question a si.sianginn kai lio a thiam deuhmi le mi nih ca firmi copy btk khan awn khawh a si lo.Nan Pastorpa le piangtharpa, nan chungkhar na nulepa nun zong hrawm a ngah lo.Jesuh nih na ka daw maw? tiah nangmah an hal.

Jesuh nih Simon Peter voihnih na ka daw maw? tiah a hal lioah a lehmi cu Bawipa kan dawt cu na hngalh ko hen cu a ti.A donghnak ah Jesuh nih Johan fapa Simon na ka daw maw? tiah a hal lioah a lehmi cu Peter cu ngaihchia bu tein Bawipa nangmah nih zeizong vialte na hngalh dih kan dawt cu na hngalh ko hen cu a ti.(Lord you know everything; You know that I love you).

Bawipa Jesuh nih maw ka fa dawt Na ka daw tak maw? tiah a kan hal ve.Minung hmai ahcun kan piangthar ngai,Thawngttha chim ttha ngai,thlacam a ttha ngai,kan si ning zeizong vialte hngalh dihtu Bawipa a si.Peter btk in Bawipa kan dawt bak hi aw kan dawt hi na hngalh ko lo maw? kan ti ngam ve lai maw?Cun Bawipa zeizong vialte thei dihtu na si i kan dawt le dawt lo cu na hngalh ko kan ti kho ve lai maw?a biapi cemmi cu Bawipa nih kan sining vialte a thei dih ko caah kan nunnak hi Bawipa nih a cohlangmi si dingah kan nunnak Bawipa pe hna usih..Bawipa kan dawt ko na fa misual ka si.Ka nunnak hi ka cohlang ko law na caah pumpek(sacrifice )zumhawktlak (Faithfulness) ka nung cang lai ti hna usih.Ka nunnak ngeitu na si i na sunparnak caah ka hmang cang lai.

an dihlak caah Bawipa nih thlua kan chuah piak ko seh..

Lawmhnak tampi he...

Pastor Charles Cung Bik Thawng

March 30, 2014 PCCF Weekly Online Sermon

JESUH NIH PATHIAN PENNAK THAWNGTHA KHA A CHIMH HNA

By

Salai Paul Khin Maung Thein

“A can kha a phan cang,Pathian Pennak cu a phan dengmang cang.Nan sual nak kha kal tak hna u law thawng tha kha zum tuah u” tiah a ti hna" Mathai4:17

Bia Domhnak

Pathian pennak ram chung luhnak dingah hin midingmi pakhathmanh kan um hna lo caah Jesuh hi vawlei ah nunnak pek tiangin misual  tlanhding in a ratnak a si. Jesuh a chimmi Pathian Pennak thawngtha nih zei lam dah zul hnaseh ti akan duh biak ti hi bible vun zoh hna u sih.

Jesuh nih A Pa rian tuan ai thok tikah  a chim hmasami bia a si: Mathai4:17

 
Jesuh cu a Pa a Pathian nih a fial mi rian tuan ai thok tik ah a chim hma sa bik mi bia cu Pathian pennak kong a si.Pathian pennak ram a luh duh mi hna nih zei hi dah Pathian pennak luh cu a si tiah ai ruat palh mi hna sin ah biatak chim hram ai thok.Judah cawm piak tu hna le Farasi mi hna nih cun Pathian pennak cu thilthal an tuah nak thawng in kan lut kho lai tiah an I ruah.An mah tluk thil tha a tuah kho lo mi hna tu kha an nihsawh hna.An hrial hna.Thla an cam hmanh ah an mah bantuk in ka sual lo caah ka lawm tiah an thla an cam.Thil tha tuah nak in Pathian pen nak ram chung luh an I tim.Jesuh nih a chim mi Pennak ah cun “nan sual nak kha kal tak hna u law thawngtha kha zum tuah u,” tiah a ti hna.Pathian pennak a ti mi cu Pathian uk nak tinak a sual lam a si.Jesuh nih a chim mi thawngtha nih Pathian pen nak nih a uknak kha vaw lei cung ah a thawk cang ti a langhter.Khamh nak nih minung sual nak le khuachia dohnak kha a tei tiah Pathian pennak nih a chim.Minung kan tuah ser nak nih Sehtan pen nak cu kan tei khawh lo ding ai fiang tuk caah Jesuh hi vaw lei ah a rak chan cu a si.Kan mah te in thil tha kan tuah thluah mah lai I kan thih hnu hlawng ah pei vawlei ah kan rak tuah ser nak hman tlak in Pathian nih bia an kan ceih te lai .tiah thih hnu vawcung pen nak kong ah ai ruat mi an um ve.Jesuh nih cun  Pathian Pen nak cu a tu hi a ra lio tiah a thanh.Luke10:9 ah  Pathian Pennak cu nan pawngte a phancang,tiah va chim hna u a ti.Kan um nak vaw lei ah Pennak pek kan si cang nak thawngtha kha athanh..Amen…….

Pathian Pennak ram luh ai palhmi cawmpiaktu  hna 

Mathai23:13 Phungbia cawm piak te saya hna le Farasin mi hna,nan caah ngaihchia a va si dah!Midepde hna.Van cung pemnak cu mi kha nan kharkanh hna.asinain nan mah cu nan lut duh tung lo I luh a duhmi zong nan awmh tung hnalo.
Pathian pennak luh nak ding ah cun Nansualnak kha kaltak hna u ti hi nan sual nak kha I ngaihchih u ti nak a si.Nan lung I thlen u ti nak a si.Lungtlen ti tik ah sual nak nih a rak uk ton mi a thinlungnih a rak duh bik mi sual nak he ai ciahmi pa nih sual nak a huat I akal tak kha sual ngaihchih le lungthlen a sullan cu a si .Pathian velngeih nak lo in khamh nak a um kho lo.

Pathian Pennak luh ding in mah nun I chek ta a hau

 
Mirum tlang val pa nih cun “Saya ,hi nawl bia vialte hi cu ka ngak chia lio in ka zulh leng mang ko cang hna” tiah a ti.cu caah Jesuh kha,Zeidah ka bau rih “tiah a hal.Jesuh hmai ah a mah cu Pathian nawl bia ka buar lo I a sual lo mi hmai zarh awk tlak le midik a si ti kha a langhter.Jesuh nih dengteo in a vun zoh I,”Pakhat lawanglawng nabau,va kal law na gneih mi vialte kha va zuar law tangka cu sifakmi khat va then hna:cun van cung ah rothil na ngei lai: cun ra law ka zul’tiah a ti.Jesuh le mirumtlang val pa khar lak I a um mi cu a ngeihmi thil vialte kha a si.Zung zal nun nak co awk ah a caah dawntu cu arum nak kha a si.Pathian I bochan lo in a rum nak kha a bochan.Pathian biak lo in a rum nak kha a pathian a si I a biak ti kha Jesuh nih a hngalh.Mah fim nak hnga kan I bochan tuk sual maw.Bible sianginn ka kai tiah mah cawmnak kha a pakhat nak ah chiah in Pathian tu kha a pahnih nak hna  kan chiah sual  maw?Khrih fa bu  le peng le followship kan dawt kan ti nak ah thla rua tlau chanh chuah manh  lo  in kan um  sual maw? Mathai 16:19 ah Jesuh nih Peter cu. Vancung pennak hun nak tawhfung cu kan pek lai I vawleicung I na hrenhmi cu vancung zong ah hrenh a si lai I vawlei cung I na awmhmi cu vancung zong ah awnh a si lai,tiah a ti .Zei kan tuah mi poah ah an kan hmu tu kan  Pathian hi tih ko u sih.Vawi lei hmanh ah zumh awk tlak in kan nun lo ah cun a tianghlin tuk mi van mi hmanh nih a thiang,atiang ,a tiang,tiah ah  an thang that peng mi  vancung um ding  ah awnh an si lai lo tiah bible bia a si.A thawh I,Zungzal nun nak hmunh awk ah pakhat te hlawng na bau.Jesuh nih mirum thlang valpa cu a herh mi thleng te kha a chimh.Na ngeih mi thil vial te kha va zuar hna.Na zuarmi tangka cu misifak kha vape hna law ,cun vancung ah chaw na ngei lai.Cu ti I na tuah hnu ah cun ra law,rak ka zul,tiah a ti.

 
Pathian nih minung hi a mah Pennak chung luh nak ding in a kan awh tik ah minung kan sining te in an ka awh.Cheu khat cu sifak,hlawh hlang,mifir,a zaw mi hna le nga tlai ,ngun khuai khawl tu ti an si cio hna.Minung an si caah pakhat le pakhat a awhhna ning an I lo cio ve loh.Jesuh nih mirum tlang val pa cu zul tu hna bu chung I luh ve awk ah a sawm.Zultu hna bu chung I luh ve awk ah cun,a hmasa bik ah a ngeih chiah,chawva le thilri vialte khan a hilh phuah a hau.Mirum pa a awh nak hi phun (2) te in zoh tuah u sih law,pakhat ah cun mirumngai ngai a si caah a ngeih mi chaw va le thil ri vial te kha a zuar dih I tang ka kha misifak pek a fial.Cun mirum pa cu uk tu pakhat a si caah toidornak a si hnga mi vai lamtah nak I put I am ah zulh kha a fial ,Jesuh nih zung zal nun nak Pathian Pennak cu co ding in a chim ,sihmahsehlaw a ruah ning kha a khup le thal a leh.Kan nih cio zong Pathian Pennak kan co khawh nak ding ah vaw lei thil nih an ka tleih rih mi a um maw.Kan thlau kho rih lo mi keimah ti lung put ,ka fim ka thiam ,ka rum ,a ruang phun phun tam pi lak ah thil pakhat te hna nih Pathian pennak chungluh ding ah donkhan tu hna kan I ngeih rih sual maw? Mathai.5:3 ah “Michan bau ka si ti aa hngalmicu lung laawmmi nan va si dah.Van cung pennak cu nan mah ta a si.” Haleluijah.. 

Thiltha tuahnak in Pathian Pennak ram luh khawh a si lo.

 
Mat19:16 nih cun “Saya zungzal nunnak coawk ah thil tha zei dah ka tuah awk a si?” tiah a hal a ti. Mah pa hal pa hi(Mat19.22) ah cun “A mah cu tlangval mirum ngai ngai a si tiah a ti .Luka18:18 ah cun “A mah cu Judah mihruai tu a si tiah a ti.Nikodemu bantuk in pumpak in Jesuh cu zan ah thli te in a fuk lo.Mizapi hmai ah langhngan te in lamka lai ah khan a khuk aa bil I Zung zal nun nak kong ah tuah ding mi a hal mi pa a si.Mirum tlang valpa nih zung zal nun nak co aduh caah a hlat hlai .Thil tining le zia za ning cang kha a ngei tak tak.A lungchung ah thla rau lei thil duh nak a um tak tak .Cucaah zung zal nun nak co awk ah zei dah tuah a herh tiah a tik ah Jesuh cu fak aa zuam hma sa I “Saya,nangmah cu mitha na si.Zungzal nun nak hmuh awk ah zei dah ka tuah lai? Tiah a hal.Mitha ti cu nemnak in fak nak bia a si.Jesuh nih cun”zeicah dah ,saya tha,na ka ti?Pathian dah ti lo cua hohmanh a tha mi an um tung lo”.Jesuh nih mirum tlangval nih hin a ka fak ti kha a hngalh I a fak nak cu a hlawt.A men…Jesuh cu Faknnak bia theih kha a duh lo.Minung hlawng hi fak a duh mi kan si.Mah rian ka tuan lio ah le Hruai tu ka si lio ah  mah thil tha ka tuah mi a si.Kei mah umhlah ning law mah rian pi hi a tlam tling hna loh’.A can ah kan si lo mi kha cu cu na si,na thiam,na hngal, naa dawh,midawh iangei na si tiah an kan fak tik ah kan I lawm I faknak cu theih kan duh chinlengmang.Jesuh cu fak a duh lo.A men………

Miphun kip le khua za kip ah Pathian Pem nak ram kauh ter kho tu si ding in Pathian rian tuan khawmh nak tha zang thar thla chuah kan  pe ko seh..Amen.

 
 Khrih ah U pat nak he,

Khin Maung Thein

March 23, 2014 Weekly Online Sermon

ZEIRUANGAH HRINTHAN A HERH

By: Pastor Hrang Kulh Lian

1.                  Minung cu a thi ding kan si.

Mi vialte cu kan sual dih cio ko i Pathian sunparnak kha kan bau dih cio ko. (Rom 3:23; Eze 18:4). Kan nih nih sualnak kan ngei lo kan ti ahcun kanmah le kanmah kan i hlen a si i kan chungah bia tak a umlo(1Jn 1:8). Cucaah nifatin kan nunnak ding caah rian tuan kan hau. Cu kan tuan mi rian cu sullam a ngei i man zong a ngei fawn. Cucaah zei thil paoh hmanh nih man an ngei dih cio. Cu bantukin sualman cu thihnak a si (Rom 6:23). Cu thihnak nih cun mi nung a kan thlei dang lo i mi zei paoh kha a kan huap dih. Cu thihnak kong kan van ruah tik paoh ah hin a thi hmasa ding mi cu zawtnak a ngei mi, mi zaw zual, le tar nu tar pa hna kan mit thlam ah kan cuan ter hna i kan mah cu i telh chih kan duh lo.  Sihmanhsehlaw cu thihnak fak bik cu taksa thihnak lawng si lo in zungzal thlarau thihnak tiang a chuhpi caah tih nung bik a si. (Gen 2:17). Cun hell chungah pum he tlarau he a that kho tu Pathian tu kha va tih u (Mtt 10:28b).

2.                  Pathian sin in kan tlau

Luke 15:1 ff, kan zoh tik ah thil tlau pathum kong kan hmuh.  Pakhatnak ah kan hmuh mi cu Tuu tlau kong a si. Kan nih cu kan dihlak in a tlau mi tuu bantukin kan si. (Isaiah 53:6a). Tuu tlau cu a Bawi pa le a hawi le sin in lam hlat nak ah a kal. Amah te lawng a si caah ai nuam ngai. Caan a hung rauh deuh i khua a hun muih tik ahcun thil dang tihnung mi a van ton i thin phang in a um caah ai chir. Asinain kir nak ding lam a thei ti lo. Cuve bantukin mi tampi sualnak chungah kan tlu, kan thi cang lai ti kan i thei ko nain sualnak chung in kan chuak kho lo i kir thannak lam zong kan hmu kho lo. Satan nih kan nunnak a uk caah a si.

 Pahnihnak cu tang ka tlau kong a si. Tang ka cu a ngei tu nih inn chungah a thlau mi a si. Sihmanhsehlaw a tlau mi tang ka nih a tlau le tlau lo ai thei lo. A tlau nain tang ka a si nak a man a zawr hlei lo. Asinain hman khawh a si ve lo. Cu bantukin mi tampi kan Khrihfabu chungah, kan phanhnak hmunkip ah kan tlau. Hman awktlak, bochan awktlak, le zumhawktlak lo tiangin kan nun a tlau ko nain, kan  tlau le tlau lo kan i thei lo. Kan khrihfa sinak men lawng a tang.

Pathumnak cu fapa tlau kong a si. Pa inn chungah le Pa duh dawtnak chungah umnak in mah te in um kha kan duh deuh. Sual chungah a nuamh khawh chungin kan vak vai i kan i nuam. Sual si a har zia le a thei par a khat zia kha kan van theih tik ahcun kan nunnak a donghnak ah a phan cang. Cucaah Pathian thluachuah he a tlau kho mi kan sinak a langhter.  Pathian he nuam tein a leng ti ding kan si nain kan sual ruangah Pathian he kan i then, cucaah Rom 1:18, “Pathian thin hunnak cu van cung in a rung lang i minung sualnak le that lonak dihlak cungah khan a rung tlung; cu an that lonak cu biatak kha langkho loin a dawntu an that lonak kha a si.”

3.                  Taksa hrin cu taksa a si.

Cucaah nu le pa nih hrinnak cu taksa hrinnak lawng a si caah, cu taksa nunnak a dih ahcun thlarau caah tih nung a si. Kan dihlak in thihnak kan hrial kho lo. Kan chuah ah kan tap i kan thih ah kan tap. Cucaah taksa nun lawng ai rinh mi paoh cu taknak in kan i thok i tahnak in kan nun a dong than. Vawlei ah nun man kan ngei lo. Minung ti mi hi cu vial lawng maw kan can tawk a si kun? Cu vial lawng kan si ding ahcun ram sa he kan i dannak a um tung ne lo.  Cucaah Joh 3:6, chungah kan hmuh mi cu; “Pumsa lei in ti ahcun mi cu a nu le a pa chungin a chuak mi a si, asinain thlarau  hrin si awk ah cun Thlarau in a chuakmi a si awk a si.” Cu bantukin taksa in voikhat lawng hrinnak cu zungzal thihnak a si. Cucaah cu a thimi thlarau cu zei hmanh a tuah kho mi a si ti lo caah, bawmtu a herh cang. Cu thlarau thihnak in a kan thawhter kho tu cu “Jesuh Khrih thiangthlarau” bawmhnak thawng lawnglawng in a nungthan mi kan si. Cucaah Eph 2:5 chung ahcun, “A nawl kan ngeih lo ruang i thlarau lei in kan thih ko lio ah khan  Khrih sinah cun a kan nun ter. Khamh nan sinak cu Pathian vel thawng in a si. Cucaah Pathian pennak chungah kan luh khawh nakhnga hrinthan/ pianthar kan herh ko. (Jn 3:3).

March 16, 2014 Weekly Online Sermon

“Living a Life of giving”

Text: Acts 20:32-35:  

by 

Saya Kio Nawl Hmung 

There are different kinds of giving in the life of each believer. Jill Briscoe says, “Beyond giving of our material possessions, God calls upon us to give ourselves away-our time, energy and passion.” This statement reminds us to give what we have, what we could and what we are willing to give to others those who are in need. This morning I would like to share with you what I called “Living a Life of Giving.”

Text: Acts 20:32-35:  “Now I commit you to God and to the word of His grace, which can build you up and give you an inheritance among all those who are sanctified. I have not coveted anyone’s silver or gold or clothing. You yourselves know that these hands of mine have supplied my own needs and the needs of my companions. In everything I did, I showed you that by this kind of hard work we must help the weak, remembering the words the Lord Jesus Himself said: ‘It is more blessed to give than to receive.’

The book of Acts chapter 20:13-38 talks about the Apostle Paul’s relationship with Ephesian believers especially with the elders. It talks about how he had cared for them and loved them, he even cried over their needs. Verse 19 says I served the Lord with great humility and with tears although I was severely tested by the plots of the Jews. As Paul was about to leave Ephesus he encouraged the elders to serve the Lord with all their hearts in full commitment to God.  

In this passage I would like to focus on verse 35.... in everything I did, I showed you that by this kind of hard work we must help the weak, remembering the words the Lord Jesus himself said: ‘It is more blessed to give than to receive.’ This is the only direct quote from Jesus’ earthly ministry recorded outside the gospels. This particular word of Jesus is not recorded in the gospels but this teaching is manifested in many other sayings of Jesus. Luke 6:38 clearly tells us that “give, and it will be given to you. A good measure, pressed down, shaken together and running over, will be poured into your lap. For with the measure you use, it will be measured to you.” The words of Jesus teach us to have unselfish character by giving what we are willing to give or what we could give to the needy.

Firstly, giving is a manifestation of a genuine love that comes from God. The bible clearly teaches us the very basic meaning or the most important word is all about God’s love for sinners that He gave His one and only Son. So God also wants us to give our true love to Him and towards others in order to extend His kingdom and to save the lost.  

A missionary in Burma Adoniram Judson was imprisoned for nearly two years. While he was in jail he was not well fed but his wife faithfully visited him and gave him food. Despite his experiences, still he had full compassion for Burmese people. He said that, "I will not leave Burma, until the cross is planted here forever!" After his released from jail, he started his work translating the bible in Burmese and shared the gospel. But because of some political reason he was caught and put into jail again. He was forbidden to speak to his fellow prisoners except rarely, and was denied water and clothing. His fellow prisoners were whipped and led forth for execution. He never knew what day would be his turn. Aside from that, he was hooked by sicknesses. As he went through all these, he breathed out a prayer saying………...

"Lord, let me finish my work. Spare me long enough to put Thy saving Word into the hands of a perishing people." The prayer was answered. He was able to finish what he prayed for and many people came to know Christ.

 A genuine love comes from God and those who truly know Him gave their lives for the lost. Giving is not just about being able to give money or our possessions. Giving can be by a sacrifice of time, effort and abilities for God’s sake. Let’s check ourselves today where we are, regarding giving our possessions, time and effort in serving God and to the lives of others.

Secondly, true Giving is a heartfelt attitude: 2 Corinthians 9:7 says, “Each man should give what he has decided in his heart what to give, not reluctantly or under compulsion, for God loves a cheerful giver.” Christian Giving is an attitude of seeing people through the eyes of God. So, giving must be our attitude, and when we give, we must not expect something in return, instead be happy that we are able to share what we have.

Let me tell you a person who had no money but was willing to give what he had. He was Martin of Tours who contributed to the popularity of monastic ideal. Martin, along with his friends was entering the city of Amiens which is now known as France. An almost naked and shivering beggar asked them for alms but Martin had no money, so what he did was, took off his cape (which is a sleeveless outer garment that fits closely at the neck and hangs loosely over the shoulders) cut it in two, and gave half to the beggar. And according to the story, later in his dreams Martin saw Jesus coming to him, wrapped in half a soldier’s cape, and saying: “in as much as you did it to one of the least of these brethren, you did it to me.” 

This story teaches us that we don’t have to be a rich person to help the people who are in need; we can just share or give what we have or what we are willing to give. Giving must be our attitude in sharing God’s blessing to others and when we give we must not expect something in return, instead, we must praise God that we can be a giver to our fellow friends.

Lastly, Giving is a privilege: Privilege means “A special right that a particular person or a group of people has or having special advantages that all people do not have.” There will be a specific time for us to show our loving kindness to others who are in need of help. Hebrews 13:16 says, “And do not forget to do good and to share with others, for with such sacrifices God is pleased.” This passage clearly tells us to do good and share with others. There will be unexpected time that we will need to give our time and effort for others.

In 2007, the best friend of my sister was seriously sick and she was hospitalized. One day I went to visit her with some of her friends. When we got there, a nurse who took care of her told us that she needs 2 bottles of blood. At that time, I didn’t even know my blood type and so I talked to the nurse and she told me to check my blood type whether I could donate for her or not. So, I checked my blood and fortunately we have the same blood type and so I donated one bottle for her. In this kind of situation, we need to take action at the right time because the same chance for a hopeless person may not come back to us unless we do it at the right time.

Conclusion: Dear brothers and sisters in Christ, we may not be a great missionary, we may not be a rich man, but each one’s has a privilege to share what we have. “Living a Life of giving” comes from a genuine love, it comes from a heartfelt attitude which we respond with love and willingness of sharing our privilege with others. Let us be a blessing to others through giving whatever we could for “it is more blessed to give than to receive.”