(October 16, 2011) PCCF Weekly Online Sermon

Jesuh Khrih Lungput

By

Rev. Than Thio

Baibal Cangthim: Filipi 2:1-11

Filipi Khrihfabu hi Paul nih Rom thonginn chung a um lioah siaherhnak nganpihe AD 61 or 62 hrawngah cakuat a tialmi a si. Amah cu thonginn chungah harnak tongin a um ko nain, Filipi Khrihfabu hi Europe ram ah a dirh hmasa bikmi Khrihfabu a si caah, a dawt khun hna, an zawn a ruah khun hna ruangah a kuatmi hna a si. Filipi Khrihfabu ca a kuatnak hna a ruang cu: (1) Amah harnak a ton lio caan an bawmhnak a lung a lawmhnak langhternak caah a kuatmi hna a si. (2) Khrihfabu kha riantuantu a dang nih an doh i cawnpiaktu ding lomi nih Khrihfa mi a hlen hna nak a theih tikah a lungre a thei tuk i a kuatmi hna a si. (3) Khrihfabu chungah hruaitu a simi nu Upa Euodia le Sintikhe an i rem lo ruangah lung khah lonak a um lio caan ah a kuatmi hna a si. “Euodia le Sintikhe, zangfahnak in kan nawl hna, Bawipa chungah unau bantuk tein lungkhat in um i zuam u” (Filipi 4:2). Amah cu harnak tong ko hmanhsehlaw Filipi Khrihfabu cu lungtthawnnak le lungfehnak nan ngeih awk a si tiin forhnak ca a kuatmi hna a si. Bawi Jesuh bantukin toidornak lungthin ngeih kha a forh hna. I porhlawtnak le mah zawn lawng ruahnak nih minung a pingah a kan kalpi tawnnak kha ral rinnak a pek hna. Hi cakuat ah hin lawmhnak, hngangamnak, lungkhahnak le Khrihfa zumhnak le ziaza ah i biatak a herhnak kha kan hmuh. Cu pinah Paul nih Filipi khua Khrihfabu hi a dawt ngaingai hna ti hi fiang tein a lang.

Filipi 2:1 chung kan rel tikah bia halnak in a thok hmasa. 1. Khrih chung i nan nunnak nih khan an tthawnter hna maw? 2. A dawtnak nih khan nan hna a ngamter hna maw? 3. Thlarau he hawikomhnak nan ngei maw? 3. Pakhat le pakhat nan i daw in nan i zangfah maw? Kei zong nih bia hal nak tuah ka duh vemi cu, Khrih ah zumtu hawi dawt vialte hna: Khrih chungah kan nung ve hna maw? Khrih dawtnak nih kan umnak le kan Khrihfa sinak ah kan hna a kan ngamter ve maw? Pathian thiang thlarau he hoikawmhnak kan ngei hna maw? Ho he dah kan i hawi komh? Pakhat le pakhat unau bantuk tein kan i daw in kan i zangfah ve hna maw? Tihi fak deuh in ruat ve hna u sih ti ka duh.

Khrih nih a kan fialmi cu: Lungthin ah i khat u, pakhat le pakhat i daw u, lungrual tein um u law kaa lawmhnak hi tlinter u a kan ti. Khah si cun nihin ah kan nih zumtu unau vialte hna Khrih nih a kan fial bantukin kan nung maw? Kan lak ah thinlung ruahnak i khah lonak, lungrual lonak le i dawt lonak a um ding hi cu phan a um tuk. Khrih nih a kan fial bantukin Pakhat le Pakhat i daw hna u sih, lungrual tein um hna u sih law Pathian duhning in le Pathian nih si hna seh ti a kan duhning in hmai lei ah kar hlang tti hna u sih. Pakhat le Pakhat i entainak le mah pumpak thangthat kawlnak kha nan lak ah umter hlah u tiah Khrih nih a kan ti bantukin kan tuahmi thil cungah mah pumpak min langh duhnak le thangtthat kawl duhnak thin lungput kan ngeih sual a si ahcun Khrih min in hloh khawh i zuam hram hna u sih. Filipi Khrifabu chung zongah khan Nu Upa hruaitu a simi Euodia le Sintikhe kar lakah rem lonak a um tikah Khrihfabu chungah buaibainak le than cheuduhnak thinlung a chuak. Cu lawng si loin Party in an um hna. Cu bantuk dirhmun kan phak nak hnga lo Khrih nih a kan fial bantukin thinlung khat tein kan kan I hawikomhnakbu chungah siseh Pathian he kan i pehtlaihnak ah siseh lungthin khat tein dir tti hna u sih. Cun Khrih nih a kan fial rihmi cu midang nakin ka ttha deuh tiah zeitikhmah ah va ruat hlah u. Midang duhning kha hmuh thiam i zuam u law nanmah duhnak lawng kha ruat hlah u tiah a kan ti bantukin kanmah le kanmah kha ka tthabik, ka thiambik, ka hngalbik timi lungput hi hloh khawh i zuam hna u sih. Nan lungput ning cu Khrih nih a rak ngeihmi lungput kha si seh tiah a kan ti. Cuve bantukin, Khrih lungput hi zumtu kan dihlak nih ngeih khawh i zuam cio hna u sih. Khrih nih a rak ngeih mi lungput cu:-

1) Mah le mah sinak kal tak i, sal sinak i lak ( Self emtiness or Kenosis Mind)

Jesuh Khrih hi Pathian fapa sinak kha a ngei zungzalmi a si ko nain hramhram in Pathian tluk si awk kha ai tim bal lomi a si. (Paul States that He was “equal with God” Heb.1:3). Paul zong nih Pathian he ai tluk in a chiah. He did not consider His equality with God as “something selfishly to be held on to”. Pathian thluk a siko nain hram hram in Pathian fa sinak kha ai tlaih lo. “Jesus did not think of himself, He thought of others” Jesuh nih amah pumpak caah a ruat/ttuan bal lo, midang nih nunnak duhdim, khamhnak kan hmuhnak dingtu kha a ruat/ttuan. Pathian fa sinak vialte kha a kal tak i, sal sinak tu kha a lak i vawlei ah a niam nakbik hmun Bethlehem cawrawl einak kuang kha aa thim. Nangmah le keimah khamh awkah Calvary vailam ah a nunnak a pek. Amah le amah kha sangah ai chia lo. Amah le amah kha a lawnter. Kemah (I) timi lungput a ngei lo. Nihin Khrihfa kan nung ning le kan sining kan zoh tikah Khrih Jesuh a biami kan sinain, Khrih nih a ngeihmi lungput hi kan ngei kho cio hna lo. Keimah (I) timi lungput nih kan ram le kan miphun kan Khrihfabu hi hrawh dih a timh cang. Keimah I-Specialist pawl kan tam tuk. Keimah (I) timi hi mirang holh (Pride) porhlawtnak le (Sin) Sualnak a lai lak te i a ummi biafang te khi a si. Phun dangin kan chim ahcun keimah (I) timi hi porhlawt ruam kainak le tthat lonak sual tuahnak in a chuak ti khawh a si. Minung nih kan tei khawh lobikmi kan ral cu (I) keimah timi te hi a si. Kan ral ngan bik zong a si. Keimah timi thinlungput kan tthumh hlan lo paoh cu, kan kan miphun lakah buaibai nak le hna hnawhnak le i rem lonak a um zungzal ko lai. Keimah tuahmi, keimah ka fimbik, keimah ka tthabik, keimah ka hngalbik, keimah ruahning, keimah ka tthawngbik timi lungput kan hloh hlan lo paoh cu kan miphun kan khua kan ram kan i hawikomhnak bu a ngan a dam bal lai lo. Cucaah kan nih zumtu unau vialte hna zong Khrih nih a rak ngeihmi mah le mah i lawnter thinlungput hi ngei kho ve ding in kan sawm hna.

2) Toidornak (Humbleness )

Church Father Augustine nih a rak chimmi cu; “The essence of Christian faith is humbleness” Khrihfa kan zumhnak ah a muru bik cu pakhatnak in pathumnak tiangah toidornun hi a si tiah a rak ti. Nihin kan Khrihfa sinak ah kan ngeih awk a simi toidornun hi kan thlau/hlauh cia mah cang. Kan biakmi Khrih Jesuh zong nih a thih tiang toi dor tein a um. Khrih nih toidornun a ngeihnak bik a langhnak cu a zultu pawl kha an ke a tawl piak hna. Paul zong nih Khrihfa mi kan uniform cu toidornun a si awk a si tiah a ti. Kan nih Khrih a zumi vialte hna zong hlan kan pi kan pu hna nih an rak ngeihmi an nun zia ah ai dawh tukmi lungput toidornun te kha kawl than ve tuah hna u sih.Toidornun ai thok khawh nak ding ahcun keimah timi lungput kha kan hloh hmasa a hau. Cu lawngah Khrih nih a ngeihmi lungput toidornun kan ngei kho ve lai.

3) Nawlngaihnak (Obedience)

Jesuh Khrih hi Pathian sinak le minung sinak a ngeimi a si. Minung a si ve bantukin vailam cung thih ding hi a ttih tuk ve. Vailam cung thihnak in a luat khawhnak hnga Gethsemane dum ah thla a cam. Jesuh nih thla a cammi cu; “Ka Pa, na hna a tlak ahcun hi hrai hi ka tthialpiak ko. Sihmanhsehlaw keimah nawl si loin nangmah nawl si ko seh,” tiah a ti (Luke 22:42). Jesuh duh ning cu Vailam cung thihnak in luat ding kha a si. A pa nih a duh piakmi cu mi sual nangmah le keimah kan caah ah vailam cung thih ding kha a si. A pa nih vailam cung thih ding kha a thim piak, cucu el lo tein Jesuh nih a pa nawl a zulhnak kan hmuh khawhmi a si. Cu ruangah Paul nih nawlngaihnak lam kha vailam cung a thih tiang a zulh tiah a ti khawhnak kha a si. Hi ruangah cunglei a sannak bik hmun ah khin Pathian nih a cawi i min vialte lakah min cungnung bik kha a pek. Nawlngaih thluachuah hmuhnak a si zia zong kha Salm 1:1 ah kan hmuh; “Mitha lo hna khua khannak ah ai tel lo i Pathian a nih sawhmi hna sin ah a tthu lomi cu mi thlua chuak an si, an tuah mi thil kip ah khua awng an tong”. Kan nih zumtu vialte hna zong nawl a ngaimi si ve hna u sih. Biaknak lei in hruaitu kan ngei hna, uknak lei zong in hruaitu kan ngei hna. Hawikomhnak a phun kip in hruaitu an um cio dih hna an bia kan ngaih hna le a kan hruaining le saduh thah ning tein Jesuh Khrih nih a Pa nawl el lo tein a ngaih bantukin kan zulh le kan ngaih khawh ve ahcun kan i tinmi kip ah khua awng a tongmi kan si ko lai. Cun teinak a hmumi zong kan si ko lai. Jesuh Khrih nih a pa nawl a ngaih ruang ah thihnak a tei. Bawi vialte lak ah Bawi bik sinak le min vialte lak a sang bik min pek a sinak kha a si.

A cung lei i Khrih Jesuh nih a ngeihmi thinlungput phunthum Mah le mah sinak kaltak, Toidornak le Nawlngaihnak kan langhermi hi zumtu kan dihlak nih kan ngeih khawh ve ahcun Pathian nih thlua a chuahmi le a umpi mi khrihfabu le miphun kan si ve ko lai.

Kan Thawngttha chimi a tthami aum ahcun Pathian nih sunparnak co seh law kan dihlak caah thlua kan chuah piak ko seh…A men

(October 9, 2011) PCCF Weekly Online Sermon

Title: HOW TO WORSHIP GOD IN SPIRIT AND IN TRUTH?

Text: John 4: 23-24

Theme: Worshipping in spirit and in truth

By

Mr. Van Ivan

Worship simply means giving honor, adoration and reverent devotion to God.Every born-again Christian has planted within our hearts the desire to worship. There are many styles or ways which the men of God were offered to Him, but God did not accept the worship or sacrifices.

In Old Testament, Cain worship was rejected by God because it was not according to God’s but rather it is the standard of Cain what and how he wanted to worship Him. Genesis 4:3-5.

In New Testament, Jesus said in Matthew 15:8-9, “these people draw near to me with their mouth and honor me with their lips but their heart is far from me and in vain they worship Me”.

We have learned from these two examples therefore, we must be very careful in worshipping Him. So how can we worship God in spirit and in truth?

I. We can worship God in spirit by experiencing the following:

1. Liberty: II Corinthians 3:17 tells us “where the Spirit of the Lord is, there is Liberty” if we are entering the presence of God we will have liberty or a free spirit in our praise and worship. The Lord does not us to have a spirit of bondage where our heart seems to be in a prison. Let us learn to have a free spirit like King David who could dance before the lord with all of his strength.

2. JOY: Psalm 16:11 tell us, “In thy presence is fullness of Joy”. As we enter God’s presence, the spirit of heaviness, sorrow, problems, and sighing will flee away. Our Lord Jesus is an example to us of someone who was often so full of the joy of the Lord that his enemies accused oh Him of being drunk, (Mtt: 11:19).

3. The peace of God: Col, 3:15 tells us, “let the peace of God rule in your heart”. After we have experienced the freedom and joy then the peace will come to our heart. It will rule over us. One of the meanings of the word “rule” is arbitrate or referee. In soccer game, the referee will be quiet as long as the game is being played well but if the rules are broken then he needs to disturb the peace by blowing a whistle and he need to solve what is incorrect or problem then the game continues on. In a similar way, if we don’t precede the worship properly, the peace of the Holy Spirit in our heart will be disturbed. Then we need to find out what’s the problem and continue in the flow of the Holy Spirit.

4. Unity: Psalm 133:1-2 tells us that the unity of the brethren is like the anointing oil flowing down. If all the people in the worship are continuing together in unity, this can be another indication that the anointing of the Holy Spirit is flowing.My fellow worshippers, it is very important that we worship God in spirit. If we have these four works of the Holy Spirit operating together in harmony, we will find that our worship in spirit will lead us deeper and deeper into the presence of God. However, if we don’t have all these ingredients working in harmony, then we will go in a wrong direction in worshipping in spirit. Therefore, I like to exhort to accept the work of the Holy Spirit in your heart.

II. We can worship God in truth by experiencing the following:

1. The True Worshiper

To become a true worshiper, we must first be saved believers or we must accept the Lord Jesus Christ as our personal Savior. That is why the lord Jesus told the woman at the well that the Samaritans did know how to have true worship. In the OT times, salvation had been given to the Jews,(Jn4:22). Other religions have followers who attempt many kinds of worship but to be true worshipers we need to receive Christ who is the Truth (Jn 14:6). And we must also have to know that we worship the right God.That is what qualifies us to acceptably going to the presence of God and offer Him true worship. And the highest worship, we can offer is a heart and life that obeys to the will of God.

Furthermore, we must also be walking in the truth(IIIJn 3-4). Salvation is not sufficient unless we are presently seeking to live in light of His truth.

2. True Worship

While our life must qualify us to be a true worshiper, our Lord also said that our worship itself must be in truth. In John 17:17, Jesus said, “Your word is truth”. This means that, our worship must also be according to the truth of the Word of God. We cannot just prepare the worship according men’s standard but only His will.

There are many examples in the Bible, who offer and worship God, but God didn’t accept the worship. It is because the worshiper is not true, which is he does not accept Christ, or God denies the worship because the worship itself is not true according the Word.

Therefore, My fellow worshipers, let’s be aware and pay attention and be true ourselves in worshiping God. So that we become the worshipers that God the Father seeks. Amen!

(September 2, 2011) PCCF Weekly Online Sermon

A HO SAL DAH NA SI?

Rev. Dr. Dennis Shu Maung

2 Pet. 2:1-3, 10, 19b, Cawnpiaktu hmaanlo

Hlan lioah Israel mi hna lakah nal prophet a rak chuah tawn bangin, nanmah lak zongah hin cawnpiaktu hmanlo a chuak ve lai. Thil hrawktu a simi le a hman lomi zumhning kha an chuahpi lai i anmah a tlantu hna kan Bawipa kha an hlawt lai i Cucaah an cungah a rian a rangmi rawhralnak kha an i tlunter lai. An ziaza tthalo kha mi tampi nih an i cawn lai i cu hna ruang ahcun biatak lam kha thangchiatnak a hmu lai. Cawnpiaktu hmaanlo hna cu, hakkaumi an si caah an phuahchommi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai. V.10 Cu hna cu an pumsa duhnak fihnung a zul i Pathian zei i a rel lomi kha an si khun. Hi cawnpiaktu hmaanlo hna hi an ral a ttha i an i porhlaw, cunglei van i a ummi hna kha Zeiah an rel hna lo, an serhsat lehlam hna. V. 18-19 An holh tikah an bia a puam, an i porhlaw i lawkihmi chungin a chuakka tete pawl foihnak ah pumsa duhnak kha an hman. Luatnak nan hmuh lai tiah bia an kam hna, sihmanhsehlaw anmah hmanh kha, rawhralnak a phakpitu hna an ziaza sal kha an si minung hi a teitu poh sal a si ko.

Biahmaitthi

Tuzing caan ah hin Paul nih, "zetindah kan nuncan a si ti kha a ttha tein i zoh u" tiah a kan ti bantukin aho nihdah a kan uk i aho sal dah kan si ti kha zoh ka duh. Nunzia uktu hi mah thimnak in a ra chuakmi a si. Zeidah kan i thim? Ti kha ruah ah a tthami a si. Thim kan thiam lo ruangah harnak kan in tawn caah thim kha i palh loding in a duh.

Dalkhatnak: Kan lung fim a hau

Paul nih Efe. 5:16 ah "atu kan ni khua hi canchia a si" a ti bang artificial le genuine hi tthen a har cang. Nu le pa zong hngalh a har cang. Thim thiam lo ruangah harnak le fahnak a si i micheu cu an thih tiangin an intuar ti kha kan hmuh. Ruahnak ah: nungak thim kha na palh i na duh, na duh i na tthit tikah na nun chung vialte harnak na tong. Kawl nih "ttawngza khuk hma' tahnit, Mingmah Yu hma' Ta tetlong hmoh" tiah an ti. Thim kha kan rak palh hmasa caah kan tuahmi zong kha a pakpalawng lawngte an si dih. Cuccah lungfim tein um kan herh cang. Lungfim ti tikah hin kawl nih "tadih ngapa shihttha yahme" an ti tawn bantukin a zeipaoh ah ralrin tein kan um a herh cang. Ralrin kan herh tuk ningcu: Ruahtuaknak, chimrelnak, cawnhlaannak, cohlaannak, pekchanhnak, cawkphiarnak, hawikomhnak, nihkhehnak, tlunkalnak, ihzaunak, eidinnak, tuahttuannak le duhdawtnak, hna ah hin ralrin tein kan um a hau cang.

Nifatin kan nunnak ah hmuhtonnak a phunphun a tongmi kan si caah hmuhtonmi nihhin lung thin ruahnak le chimrel tuahnak hna kha phun dang piin a kalpi tawn caah hmuhtonmi cungah khan kan lungthin put le kan cohlaan ning kha lungfim tein kan cek a hau.

Cawnpiaknak Chung i kan va um tikah, lung thin ruahnak Rawl kan va hrawn khi a si caah lungthin a pial sualnak hnga lo le lungthin a rawhnak hnga lo kan i ralrin a hau. Lungthin a pial ahcun palh a si cang caah a poi ngaingai tawn. Cubantuk tthiamtthiam in lungthin a dik le a feh ahcun thilttha ngaingai a si ve tawn. Hi kong ah hin cawnpiaknak nih hin lai a rel bik tawn caah "cawnhlannak" kan ngeih tik paoh ah hin, kan lung an kan suk ning le an kan bengh ning khi a ttha tein tuaktan a herh. Mirang nih indoctrination tiah an ti i cucu lung cumh cu a si. Kan cawnpiak ning tein nung hna seh ti khi a si caah cawnpiaknak hmaanlo pawl kha hngalhthiam a hau. Cawnnak tahnak cu: Ka caah a ttha maw? Ka chungkhar caah a ttha maw? Ka rualchan ka sahlawh hna caah a ttha maw? Zatlang nunnak ah a ttha maw? tiah tuak le zoh a si. Dawtmi mino kafa le hna "thildik, thilttha hngalh khawhnak le tuah khawhnak ding caah lungfim tein nun i zuam u."

Dalhnihnak: A ho sal dah Ka si?

Fa le nau hna cathiang nih "minung hi a teitu poh sal a si ko" tiah a kan ti ko i kan nunnak ah hin zei nih dah a kan tei ti kha cek a hau. Pumsa, lungthin, ruahnak, le Thlarau lei in kan zoh tikah ahodah ka Bawi a si i a ho sal dah ka si ti kha kan zoh zungzal a hau. Kuak kan duh tuk ahcun kuak kha kan Bawi a si i Kannih cu kuak sal kan si. Zu kan duh tuk ahcun zu kha kan Bawi a si i Kannih cu zu sal kan si. Khaini kan duh tuk ahcun khaini sal kan si tthan. Paisa kan duh tuk ahcun phaisa sal kan si hoi. Pathian kan duh tuk ahcun Pathian sal kan si ve. Zei nih dah kan nunnak kha a uk?. Porhlawt ruamkainak hna le mah duhnak lawng zulh le tuah nih a kan uk sual maw?. Mi huatnak le nahchuah ziarngeih paanthlaknak hna, soiselnak, thangchiatnak le rawiphiarnak hna nih an uk sual dah ra?. Duhfahnak hakkauhnak le mah zawn lawng i ruahnak hna nih dah an uk ko hi?. A ttha tein i zoh tuah u sih law kan Bawi a tthat lo ahcun hlaw u sih. Bawittha sal kha ttuan u sih. Atu ah hin a ho sal dah na si?

Biadonghnak

Matt. 6:24 chungah "Bawi pahnih hna sal cu a ttuan kho lai lo" tiah a kan ti bantukin Bawi hi i thim kan thiam a hau. Pathian tu kha i thim u sih. Pathian tu nih in uk sehlaw Pathian sal tu kha si i zuam ko. Hi bia a theimi fanau hna nan dihlak tein Pathian nih thluachuah in pe ko hna seh.