(September 27, 2009) Zarh Online Sermon

Tuufa Hna Aw Ngai In kan Nun I Thlen I Social Zong

Ttuan Pah Cang Hna U Sih.

By Fr. David

Phillipines cu pastor hna sianginn kai nak a si i pastor deuh hi kan si. Tu lio cu civil ca tang ngei pawl nih let ko in an kan tengh lio caan te a si i phungchim ding zong hi a har ngai. Cucaah contextual deuh a si ding ah “Tuufa hna aw ngai in kan nun i thlen i social zong ttuan pah cang hna u sih.” Kha tuufa hna aw cu vung ngai ta hna u si.

Kan hnu lei Salai Chan Bik nih (YCCF-International@yahoogroups.com ah a ttial mi Laiforum ah September 2, 2009) hung thlah chin mi bia hi vung zoh ta hna u sih.

Pathian zumh nak taktak he pastor, missionary tuan mi - 20 %
Thawh lawm tlawm deuh poh ah a hmaichia mi pastor - 93.99 %
Mirum inn nak in sifak inn ah a kal tam deuh mi pastor - 10 %
Pathian tihzah nak he mi toidor pastor & missionary - 10 %
Degree sang deuh lak hnu ah Lairam um aduhmi - 5 %
Phaisa hmuh lo in zumhnak bak he atuanmi pastor & missionary -10 %
Pastor hi nan fel lo ti i soisel tik ah thlatu cam piak loin heh tiah uifir bang a phuhrung i a rak au ve peng mi Bible degree la pawl - 75 %

Cu ka ah Cehrep nih 2009/9/1 ni ah avun nolh chih mi cu Bible degree lak hi:
1. Ramleng chuahnak
2. Ramdang Bible sianginn peh i tlung duh ti loin innchungkhar auh hna i taan thainak
3. Kawl hngakchia khomh riangmang hna i hngaktah ka cawm ti i ramdang bomhnak halnak le
4. Innchung vampang ah sahrang kap nih alu atar bang in pumpak uanthlarnak caah tar ding mi B Th, M Th, Dr degree tiang lawng asi sual maw?

Cun Pualva nih “ (pastor pawl nih)Laimi vialte dollars kawl an kan fial, ramdang pém dih an kan fial, SPDC he i’ rem an kan fial, kan nunphung an doh, kan chanbia zei ah an rél lo, kan zalonnak ding tha an pe lo, Kawl pem an kan fial, Sodam-Komorah bantuk Malaysia kal an kan fial, kan thih zongah, harnak phun zakip kan ton zongah kal an kal fial rih”.

Cun David Tawk nih hi tin a vun chap rih “Pualva, na vun chim mi le na tial mi hi asi mi bak te asi. Ni hin ni ah lai mi an kan then thek tu bik le kawl ralkap uk nak ahna tlak pi bik mi atam deuh cu bb siang in kai le pastor cu asi hrim ko ti cu kan lai ram ah si seh vanrang tawi khua za ah mit hmuh in an um ko hi ta”.

Kei cu hi tin an chim mi hi an palh ka ti thlu lo, cun an hman ti zong ka ti thlu lo. Assignment pakhat ah ka hmuh. ‘ The voice of the people is the voice of God’ ti chim ton mi a um bang in Pathian aw ah ka hmuh.. Laitlang pastor nunning kha vun ruat tthan hna usih. Kan riannganbik cu pakhat le pakhat i doh, bu khat le bu khat i doh kha a si deuh ko lo maw? Kan i hmanter nak ah (“justified ) kan tuah nak ah social work ti mi mipi ca tthatnak tuah ding zong kan tlolh phah a si ko lo maw? Lai tlang lawng a si lo, hi ka tiang a hung phan. Nai te kan una Brother Dal nih a thlah mi hi hung zoh ta hna u sih,
“And the uniqueness is by faith alone.
Although some forms of bhakti Hinduism
and Pure Land Buddhism do teach that
salvation cannot be attained through one’s own efforts
but rather is a gift from another being, Islam,
along with most other religious traditions
including Theravada Buddhism, teaches
that salvation is based on one’s own deeds.
This is also almost the teaching of
Roman Catholic teaching nowadays”

A tu kei hika ka hung phan tik ah kaa chap ngai mi theology cu khamhnak cawnpiaknak hi a si ve. Annih cawnpiaknak cu a kau tuk cang.“For salvation to be real there has to be a genuine experience of wholeness, of wellbeing, of humanization.” Jose M. De Mesa and Lode L. Wostyn: Doing Christology. P.33. Cun kan Bwipa zong nih John. 10: 10 “I have come that they may have life, abundance of life” a ti ve. Cun Psalms 16:11 “Thou will show me the path of life: in thy presence [is] fullness of joy; at thy right hand [there are] pleasures for evermore” a kan ti rih.

Cun Doing theology, a ttial tu hna nih an ti rih mi cu “If the story of Jesus is to be kept alive, it must be once again liked with the longing of humans for salvation.” Bible bia in zoh ah cun Judah mi caah khamhnak hi thlarua khamhnak a si tuk lo. Pumsa khamhnak deuh a si. Egypt ram in khamhnak, Rom uknak tang in luat I zalon te in umnak ding deuh hi a si.

Isaih 56:10-12 “Bawipa nih a thawh hna i, Ka mi ralrinnak a petu ding a simi an hruaitu hna kha mitcaw lawngte an si. An hngalhmi zeihmanh a um lo. Inn hngaktu ui, a bao lomi bantuk an si—an it sawhsawh I mang lawng an man men ko. Ih cu an duh hringhran. A paw a kau tukmi, a za cang ti a hngal lomi uico bantuk an si. Hngalhnak ngei lo.---- Anmah le an duhning cio paoh khan an um I anmah miaknak lam cio lawng kha an kawl.”

Jeremiah sin in Pathian nih( 50: 6-7) Ka mi cu tuu tlau an si cang, an tuukhal hna nih khan a pingah an kalter hna i tlang cungah khan an duhnak kip ah an vaihter hna; tlang pakhat in tlang dang pakhat ah an kal lengmang i an kawm kha an philh cang. A hmunmi hna paoh nih khan annih cu an ei hna i an ral hna.

Hi Bawipa bia tlang le a cung lei hna mawhchiatnak hna i aa khat tuk ko lo maw. Cu caah dawtmi u le nau hna kan nun hi i tthinh cang hna u si law thlarau lawng si lo in pum pakhatning (whole body) khamh kho ding ah tthanchonak hi bia tak in ttuan cang u sih. Kai lawm.

(September 20, 2009) Zarh Online Sermon

"PATHIAN KAN SIN AH A UM"

By Pastor Dawt Cia


“Khuapi chungah cun biakinn ka hmu lo, zeicahtiah a biakinn cu Lian Ngan Bik Bawipa Pathian le Tuufa kha a si.” (Rev. 21:22).

Bawikhrih min in nan kut kan tlaih hna. Hi thawngtha a rel i a theitu dihlak Pathian nih thlachuahnak in pe ko hna seh!...Ka No deuh lio ah, Biathlam van ti le cang ka, ka ruah mi cu hmai lei ah a um lai ding mi le a cang lai ding mi event pakhat bantuk, a tawi nak in chim ah cun vawlei caan dongh tik i a cang ding mi thil a si ti lawng in fawi ten ka rak ruah. Cun kan laimi phungchim tik zong ah Biathlam cauk chirhchan le hram lak in phungchim hi ka thei tuk theng lo. Ka rel tik zong ah theih harmi le ka nunnak ah apply van i tuah colh awk a um lo bantuk in ka rak theih. Sinain, zohmanh hawidawt, pathian bia a that khawh ning le, zei bible ca cang poh hi tha ten a kawl i a hmu fiang tu hna caah cun nifatin kan nun nak caah sullam a ngeih khawh ning hi. Tuzing ah hi Bible cacang (Rev.21:22) hmang in kan nunnak ah thazang i lak cio hna uh sih ti ka duh.

A hmasabik ah, “Biakinn” van ti le cang ka na thin lung ah zeidah a ra colh? Na thinlung in rak ka leh ding ah ka duh. Nihin zumtu hna kan caah, Biakinn ti mi a biapi ning. Zumtu kan i pumh i Pathian kan biaknak, thangthatnak hmun a si. Si ah cun, kan i thim mi Bible caang ahhin Ziah catialtu nih “Khuapi (New Jerusalem) chung ah cun Biakinn ka hmu lo, tiah ati hnga? Biathlam thok lei (Rev.3:12) kan zoh tik ah, “Tei tu a simi cu ka Pathian biaknak inn chung ah khan tungpi ah ka ser lai i cu biakinn cu zeitik hmanh ah a chuaktak lai lo” a ti cu mu. Cun, Rev.7:15 kan zoh tik zong ah, hremnak nganpi a ingmi hna, tuufa thi chungah an puan a suumi hna cu puan rang aih in “Pathian bawithudan hmaiah an dir i chun zan in biakinn chungah a rian kha an tuan” tiah a ti hoi. Adang zong atampi nan kan langhter thlu lai lo, i a tawinak chim ah cun Biathlam zong nih “biakinn” ti mi a biapi ning hi zumtu (teitu) a si mi hna an in dinh i Pathian an thangthatnak hmun a si zia kha a langhter. Hi thil hna a chim dih hnu ah Johan nih Jerusalem Thar ah Biakinn ka hmu lo tiah a ti than hoi tung (Rev.21:22). A ruang cu a van peh, “zeicahtiah a “biakinn” cu Lian Ngan Bik Bawipa Pathian le Tuufa kha a si” tiah a ti. Zeiruangah dah, Johan nih hin Jerusalem thar i Biakinn aum lo nak kong le A biakinn cu Lian Ngan Bik Bawipa Pathian le Tuufa kha a si tiah a van langhter duhchan nak hi a si hnga? Mah nih hin zeidah a chim le a sawh duh mi a si hnga? Ruah ding thil tampi a kan pek. Hi thil hna fiang in kan theih khawh nak hnga Biakam hlun le Biakam thar in kan zoh lai.


Biakam Hlun: : Israel mipi pawl Moses nih Egypt ram an saltaannak chungin Kanaan ram lei panhin a hruai lio hna, ramcaar chung an um lio ah khan “tonnak thlam” (thialkhawhmi) chungah Pathian le mipi pawl an i ton tawn ti kan hmuh (Exo. 25:8, 33:7). Cutincun, an lam caan chungvialte Kha tonnakthlam kha an i kalpi in cutincun pathian nih a umpi hna kha an theih khawh. Solomon chan ah Jerusalem Khuapi chungah Bawipa caah Biakinn nganpi (thialkhawhlomi) a sak i cu ka cu Pathian le mipi an I ton nak hmun a si than (2 Chanrel. 3:1, 6:2). Curuangah, Israel mipi pawl nih Jerusalem Biakinnpi lawngah pathian a um timi ruahnak rak neih I Babylon sal an taan lio ah khan, “Jerusalem, nangmah kha kan philh ah cun, ka orhlei kut hi car seh,….ka lei hi ka dang ah I beh seh” tiah an rak ti nak kha si (Psalm 137:4-6). Cun, Daniel zong sal a taan lio ah khan Jerusalem lei panh in nikhat ah voithum lengmang thla a camnak kha hi ruangah hin a si (Den. 6:10). Caan arauh hnu ah, pathian thimmi miphunpi nih chimh an ngaih lo ruang le pathian duhning an nun lo ruangah a hrem hna I Jerusalempi he a biakinn he Nebuchanezzar siangpahrang nih a tei i hrawh dih a si (ii siang.25:9,13-15) hnu zong ah khan, mipi ataangmi pawl cu Bawipa biakinn ah an ra i raithawinak an tuah thiam thiam rih (Jer.41:5). Ezekial nih “Hmailei Caan Biakinn”kong langhnak a hmuh zong kha Bawipa nih sal i ataangmi hna anram le biakinn rawh ruangah lungkuai in um mi hna a hnemh hna nak, arak kir than lai i an sin ah a um lai nak kong alanghter nak a rak si (43:1-7). Hi Bible caang hna nih hin, Israel mi hna caah biakinn abiapit zia kha kan hmuh khawh. Zeicaah? Cu biakinn cu Pathian nih ka um lai tiah ai thim nak hmun,a mi hna he i tonnak le i chawnhbiak nak hmun a si caah si.

Biakam Thar: : Phunthum in langhter ka duh…1) Judah mi hna caah Jerusalem Biakinnpi kha rak biapi tuk thiamthiam. Matt.23:21 nih Biakinn cu Pathian um nak hmun a si zia a langhter. Cucaah, Jesuh nih Biakinn cu mipi hna nih chawdawr nak i an rak hman a hmuh tik ah a thin hungtuk i cabuai le thutdan pawl a leh dih hna ti si khah (Matt.21:13)…2) Cun hnu ah, Jesuh hrimhrim nih zeitindah tlangbawi hna le mipi hna sin ah “minung sakmi Biakinn hi ka theh lai i minung nih sak lo mi Biakinn nithum chung ah ka sak than lai”(Mrk 14:15) tiah a chimh hna. Sinan, kha lio ah khan an rak theithiam kho lo. Jesuh nih zeidah achim duh mi si? Azultu hna zongnih an theithiam kho lo. Jesuh thihnak in a thawhthan hnu lawngah zultu hna nih Jesus nih “biakinn” a timi hi amah “takpum” a si zia khan an fiang i an zumh(Jhn 2:19-20). Hinihhin, Biakinn timi cu Minung nih sakmi biakinn lawng si lo in, Jesuh pum hrimhrim zong kha “biakinn” a si ti fiangten a langhter...3) Jesuh nih John 14:23 ah “A ka dawmi paoh nih cun ka bia kha an ngaihlai i kapa le keimah cu…an sinah kan um lai” tiah a ti rih kha. Paul nih zumtu pumpak pakhat cio kha pathian “biakinn” nan si tiah a ti nak kha kan theih cio (1 Cor.6:19), zeicaah tiah Pathian thiangthlarau pei an chungah a um cang cu. Cucaah, biakam thar nih a sawh duhmi “biakinn”cu 1)kutin sakmi biakinn, 2)Jesuh khrih pumpak, cun 3) Jesuh khrih azum tu poh a sawh duh mi si kha kan hmuh khawh. Zeiruang ah an nih cu biakinn tiah kan auh khawh hna? Pathian thlarau an sin i a um caah a si.

Kan Bible caangthim mi Biathlam chungah kan lut than lai. Kan chim cang bangin Khuapi ah cun biakinn a um lo zeicaah tiah Pathian le Tuufa kha a biakinn a si ti si cang khah. Johan nih hi thil hna a chim hlan deuh ah acangmi thil kan zoh than ta lai. Cang 21:2-3 nak ah, khuathiang Jerusalem thar vanin a rungtum sin ah khan aw pakhat a ra i “Pathian umnak inn cu minung hna sinah aum cang. Anmah sinah cun a um lai i annih cu a mi an si lai, Pathian hrimhrim cu an sinah aum lai….”tiah kan hmuh. Si ah, amah Pathian hrimhrim kha vancung in Jerusalem thar he ami hna sin um awk ah rat ah cun zeicahdah hmuhkhawh mi biakinn cu an herh ti reng hnga.pathian pei an sin ah a um cang cu. Jerusalem thar a ti mi teh zeidah si? Tam kanlanghter ti lai lo, Cang 3:12b nak ah, “Teitu” a simi cungah cun ka Pathian min kha ka tial lai i ka Pathian khualipi, a min Jerusalem thar a simi zong kha a cungah cun ka tial lai” ti si khah. Cucaah, hi Bible caang chirhchanh in Jerusalem thar timi cu zumtu a si i, a chungah pathian a umnak,uktu a si nak kha alang (God’s reign in the believer). Ahohmanh Khrih a zumtu hna caah cun khrih chung ah kan um i Jesuh khrih zong kha kan chung ah aum ti kan hngalh. Zeicahtiah, amah khrih thawng lawng lawng in Pathian hmaiah sual lo kan si nak kha a si i amah thawng lawng lawng in le amah chung lawng lawng ah kan Pathian kan thangthat khawh i kan riantuan khawh nak asi. Jesuh Khrih cu John nih Pathian tuufa tiah a khihhmuh nak Jn. 1:29 chungah kan hmuh.

Cucaah zumtu hna, Biathlam 21:22 chung i biakinn ti mi a sullam zeidah si. Pathian ami hna sin ah aum nak kha a hmuhsak duh mi a si (the presence of God with his people). Jerusalem thar (zumtu) sin ah Kan Pathian Lianngan bik Bawi le Jesuh Khrih an um peng. Biathlam 1:9 nih, i zumtu hna an nunnak zohhmanh, JesuhKhrih an zumhnak ruangah tukforh nak, a faktuk mi hremnak an temin nak kha fiangten alanghter. Cucaah ah, Johan nih hin temhin nak hremnak an tuar lio caan zong ah pathian nih an kaltak hna lo, nan sin ah aum i nan tuar nak an theihpiak hna, an tuarpi peng hna, an um peng hna ti mi fiangten a langhter nak le thazaang a pek hna nak a si, cuticun, kha harnak vialte chungin khan an biakmi Pathian hlawloin fehtein a dongh tiang an kal i teinak a hmuh nak hnga caah a si.

Hi bible ca cang nih hin ka nunnak ah thiltampi a ka cawnpiak.Kan nunnak ah Pathian nih a ka umpi zia, amah lawnglawng lamhruai tu a si zia hi a thar in a ka theihter than. Nifatin ka nunnak ah hin tuar ahar tuk ko tiah ka ruah mi thil a tampi ve. Hi lio caan hna ah hin “aw..,Pathian hi ka sin in lamhlapi ah a um i a kaltak cangrua” tiah ruah a fawi te i ka ruah caan zong tampi a um tawn. Kum 14 ka si lio ah ka pa nih a ka thih tak (amahlawng pa pakhat kan neihchun le kan i bochan tuk mi a si lio ah), cun B.th ka dih in Pathian riantuan kai ot ka ah thideng mang in kumhnih dengmang chung sizung ah um in le operation tuah tiang in ka rak um. Kha lio caan hna ah khan pathian nih hin a ka kal tak ko tung, ka sin ah um tung lo tiah ka rak ruahsual tawn. Pathian nih a rak ka kal tak hrimhrim lo. Ka pawng te ah aum i a thami lam a ka sial piak peng ti hi a tu hnu in ka lung afiang chin lengmang. Hawidawt, nangteh harnak na ton caan le tukforh nak na ton caan…na dawttuk mi minung nih an liam tak maw, a faktuk mi zawtfaak nak na ing maw? Na ca cawnnak ah na chanbautuk maw? Na lungre an theih ter tu thil zeidah an si? Hi thil cu ahar tuk ko ka tuar kho hrim lo tiah na ti lio caan ah khan Pathian hi na sin in lam hla tuk ah aum mi, an kal tak mi a lo sual maw. Zohhmanh, Pathian nih kan kal tak bal hna lo a ti dawkaw “an sin ah ka um lai i annih cu ka mi an si lai” a kan ti daw kaw. Cucaah ah cun, Paul nih, cun hlaphuah tu nih a ti kha, “Pathian kanmah lei a tan ah cun honihdah an kan tei khawh lai? Tei nak pe tu cu Pathian a si” a ti kha. Zumtu hna caah ah cun, tuar nak phen ah thlachuah nak nganpi nih a kan hngah peng. Hi thil hna theibu in, hmailei kan nun nak ah raltha in kal hna uh sih tiah forh kan duh hna. Bawipa nih a umpi mi minung le, aumpi lo mi minung cu an i dang peng.

Cucaah, Zumtu, Pathian kan sin ah a um peng ti thei in nifate kan nun nak ah thawng le rak tha in um hna uh sih. Cun, khrih kan chung ah a um bantuk in kan nih zongnih nifatin kan nunnak ah zumh tlak in kan um a herh ve zia hi philhhna hlah uh sih. Pathian a thei tu le, Pathian nih theih mi, Pathian umpi mi minung kan si zia hi kan pawngkam minung nih an hmuh khawh nak hnga ka cawlcangh ning, kan umthut kan hoiher ning ah hin langh ter hna usih, cutincun minih Pathian an hmuh i an thangthat khawh nak hnga. Pathian nih sunparnak co ko seh! Amen.

(Sep 13,2009) Zarh Online Sermon

Vancung Pennak chung I a um dingmi hna cu Hell chungah hlonh an si lai

by Rev. Luke Sui Kung Ling
13 Sep 2009

Matthai 8:12 chung bia hi ruahtti ding ka duh i a tawi khawhchung in ka hun ttial. Hi Bible cacang chung bia hi Laiholh in lehmi ah siseh, Kawlholh in lehmi ah siseh, Vancung pennak chung ah a lut hnga ding cu muihnak Hell chung ah hlonh an si lai ti sullam in a lang. Mah kong hi ka buaipi ngai. Zeicahtiah Vancung pennak chung i a lut hnga ding mi Hell chung ah hlonh an si lai ti cu atungtlang pi ruahhnak hrimhrim ah a si kho lo in ka ruah. Cucaah hi kong hi ruahtti ding kan sawm hna i cang 11-nak he a biafang umtuning zohkemh hnu ah tlawmpal tal kan ruahnak a kan bom hnga maw ti ruahchannak ka ngei.

Ka chim cang bantuk in “Vancung Pennak chung i a um ding mi hna muihnak (hell) chung ah hlonh ding le cuka i ttahnak he hacang rial in an um lai ding” cu ka ruat kho hrim lo. Cucaah hi Matthai 8:12 Bible cacang he pehtlai in “Vancung Pennak” timi le “pennak” (“Kingdom of heaven” & “kingdom”) timi zon hi an sullam aa khat lai lo tiah ka zumh. Acung i cang 11-nak ah “Vancung pennak” (“Kingdom of heaven”) ti a si i cang 12-nak tu ahcun “pennak” (“kingdom”) ti lawng a si. “Vancung” aa tel ti lo.

KJV (in English)

V. 11, …. many shall come from the east and west, and shall sit down with Abraham, and Isaac, and Jacob, in the kingdom of heaven.

V. 12, But the children of the kingdom shall be cast out into outer darkness: there shall be weeping and gnashing of teeth.

NIV (in English)

V. 11, … KJV he an i khat ko. Biafang hmanmi bel an i dang pah.

V. 12, But the subjects of the kingdom will be thrown outside, into the darkness, …

Hi acung langhtermi ah hin cang 11-nak cu Vancung pennak (“Kingdom of heaven) ti a fiang ko i chim hau lo a si. Cang 12-nak i “the children of the kingdom (KJV) le “the subjects of the kingdom” (NIV) hi an i khat kho lai lo tiah ka ruah.

Greek New Testament ah basileia hi “pennak” (“kingdom”) ti sullam a si. Vawlei siangpahrang pennak zong khi a si. Vancung (heaven) aa chap tikah Pathian pennak ti sullam a si i aa tel lo ahcun vawlei pennak a chim duhmi a si ko tiah ka ruah. Cucaah cang 11-nak cu “Vancung Pennak” (Pathian Pennak) sullam a si i cang 12-nak cu “pennak” ti lawng a si ca ah vawlei pennak a chim duhmi a si tiah ka ruah. Matthai 24:7 chung i vawlei pennak he an ikhat tiah ka ruah.

Biakam Thar Gospel pali chungah “Vancung Pennak” (“Kingdom of Heaven”) le “Pathian Pennak” (“Kingdom of God”) biafang kan hmuh tawk tlawmpal in ttial chap ning law:

“A Concordance to the New International Version” zoh tikah Thawngtthabia (Gospel) cauk ttialtu hna lakah Matthai lawng nih “Vancung Pennak” a hman/chim. Cucu Pathian Pennak he aa khat ko tiah chimh le zumh a si. Matthai nih Pathian Pennak (19:24), Na Pennak (6:10), le Amah Pennak (6:33) ti voithum dah ti lo Vancung Pennak (voi 12) a hman. Mark nih Pathian Pennak (voi 3) a hman. Luke nih Pathian Pennak (voi 2) le Amah Pennak (voi 1) a hman. John nih Pathian Pennak (voi 1) le Ka Pennak (voi 1) a hman.

A dihlak in relnak ding ah Relchap kha hmet.

Hakha Bible

11Hihi va philh hlah u: Nichuahlei le nitlaklei in mi tampi an ra te lai i Vancung Pennak chungah cun rawldanghnak cabuai ah Abraham le Isak le Jakob hna he tiah an ṭhu ṭi lai.

*12Sihmanhsehlaw Vancung Pennak chung i a um ding a simi hna tu kha cu, khualeng muihnak ah hlonh an si lai i cuka ah cun an ṭap lai i an hacang an rial lai,” tiah a ti.

Falam Bible

I. From Myanmar Bible Society Website

11Fiangtein ka lo sim: nisuahnak le nitlaknak ihsin mi tampi an ra ding ih vancung Uknak rawl einak puai ah Abraham le Isaak le Jakob thawn an to tlang ding.

12Asinain vancung Uknak co ding a si mi pawl sawn kha ṭahnak le hacang rialnak hmun khawthim sungah hlon an si ding,” a ti.

II. Pathian Thu Thianghlim (Study Bible) by FBCM 2004

11… “Nisuah le ni tlaknak ihsin mi an ra dingih, Abraham, Isak le Jacob thawn cabuai hawi-in vancung lalram sungah an to ding ti ka lo sim. 12

12Asinan lalram fa riangri cu lenglam khawthim lakah hlon an si dingih; cutawk hmun ah tap le hacang rial in an um ding.

Tedim (from Myanmar Bible Society Website)

11Nisuahna leh nitumna panin mi tampi tak hong pai-in vantung ki-ukna sungah Abraham, Isaac, leh Jakob-te tawh an ne-in sabuai-ah tukhawm ding uh hi.

*12Ahi zongin vantung ki-ukna sungah a om dingin a kingaihsun Israel mite ahih leh pualam khuamialna-ah kilawnkhia ding a, tua lai-ah kapin a hagawi ding uh hi,” a ci hi.

Word Biblical Commentary

The references concerning the coming of many from east and west (e.g., Ps 107:3; Isa 43:5; Bar 4:37) were understood as referring to the return of diaspora Jews to Israel. The great family of the covenant people of God would gather with the patriarchs, who symbolize Israel, in the new eschatological kingdom and feast together with them—thus manifesting in this table communion their oneness (cf. Comment on 9:10–11). But now with the coming of the Messiah, that exclusivism is turned on its head in an apparent reversal of salvation-history. It is the Gentiles who are being called from the ends of the earth (contra Davies-Allison; cf. France, Luz). The centurion represents in effect the beginning of a stream of Gentiles who will come from east and west to join the eschatological banquet, while—and consider the offense of this unparalleled teaching—the Jews, “the sons of the kingdom,” will themselves (in large part, i.e., who reject the Messiah) be rejected, although, of course, this does not apply to the OT saints. uiJoi; th`" basileiva", “sons of the kingdom,” means those who belong to the kingdom (cf. “sons of the covenant” at Qumran; 1QM 17:3; cf. Matt 9:15). The true “sons of the kingdom” are now those who respond to the proclamation of Jesus (cf. 13:38; cf. 5:45). The theological point is made in absolute terms (even though hyperbolically; thus Davies-Allison), though of course all of Jesus’ followers and the early Church were Jews and hence “children of the kingdom.” The expression to; skovto" to; ejxwvteron, “the outer darkness,” here refers to the greatest possible contrast with the brilliantly illuminated banquet hall (cf. 22:13; 25:30; for darkness as judgment generally, see 2 Esdr 7:93; 1 Enoch 63:10; Pss. Sol. 14:4; 15:10). “Weeping and grinding of teeth” is Matthew’s favorite language for referring to the experience of eschatological judgment (cf. 13:42, 50; 22:13; 24:51; 25:30).

Zondervan Bible Study

The "subjects of the kingdom" are the Jews, who see themselves as sons of Abraham (cf. 3:9-10), belonging to the kingdom by right. But Jesus reverses roles (cf. 21:43); and the sons of the kingdom are thrown aside, left out of the future messianic banquet, and consigned to darkness where there are tears and gnashing of teeth--elements common to descriptions of hell (i.e., gehenna; see comment on Mk 9:43-48).

Biadonghnak

Nihin Krifami kan zumhnak ah zumtu vialte cu Vancung Pengnak chungah kan lut dih lai ti a si. Vancung Pennak cu kan iruahchan mi a si. Cu Vancung Pennak cu Pathian Pennak a si tiah kan chimmi ah hin a lang cang. Cucaah Vancung Pennak chung ah a lutding mi koko muihnak Hell chungah hlonh an si lai tiah kan Bible ca ah lehmi (relmi) hi ruah ngai hau in ka ruah. Atawinak bik in chim ahcun cang 11-nak le cang 12-nak i Vancung Pennak tiah leh veve a simi hi a dikdeuh rua lo. Aa dangmi a si tiah ka ruah. Cucu ruah hau ah ka ruahmi cu a si. Zeitindah nan ruah cio ve?

(September 6, 2009) Zarh Online Sermon

THLACAM NUN

By Dr. Diana Siang Pen

Biahmaitthi

Hmasabik ah dawtmi PCCF u le nau hna he thawngttha i hrawm tti kho dingin caanttha a kan petu Pathian cungah siseh, PCCF chungttuan lutlai upa nan cungah siseh lawmhnak tampi ka ngei ti vun chim ka duh. Caanttha a kan petu Bawipa min cu thangtthat si ko seh. Amen!

Biadawmhnak

Tuzing caan ah nan nih he thawngttha I hrawm tti dingah kaa thim mi Baibal cathiang cu Jeremiah 33:3; “Nan ka auh ahcun kan leh hna lai I a nganmi le a thukmi thil nan hngalh bal lomi hna kha kan chimh hna lai.”
Biatlang tar ka duh mi cu:

THLACAM NUN

Jesuh le Daniel thlacam nun hi cawnttha ngai an si tiah ka ruah. Zumtu hmasa hna nun kan zoh tthan tikah thlacam hi an rawlthaw bik a rak si (Lam. 6: 4). Kan nih chan tu ah hin cun thlacam hi huam le cam ding, huam lo le cam lo ding mi rian pakhat bantuk ah a ruah mi kan tlawm ti lo. Micheu nih thlacam hi biapi tuk ah kan chia ti lo, mah ca cun an chim duh tuk tawnmi bia pakhat cu “zei ruangah hen thlacam lengmang cu a hau (herh)! Kan chim hlan le kan rel hlan in Pathian nih kan duh mi le kan herh mi vialte a theih dih ko” tiah an ti tawn. Mah zumhnak hi a hmaanmi a lo ngai nain ttih a nung ngai mi le zuumtu nun a hrawktu le daithlan zaangzelnak lam ah a kan kalpi tu zumhnak (ruahnak) tthalo ngai a si i a ngaingai ti ah cun cheuchum lawng a hmaanmi (half-truth) a si kan ti khawh. Cheuchum lawng a hmaanmi bia cu lih phunkhat a si kan ti khawh.

Thlacam hi khrihfa mi hna kan caah cun abiapi ngaingai mi le a herh zong a herh ngaingai mi pakhat a si. Paul nih Thesalon zuumtu ca a kuat mi hna ah kan hmuh khawh mi cu “a zungzal in thlacam u” (1 Thesalon 5:17) a ti hna. Jesuh cawnpiaknak zongah kan hmuh khawh mi cu “…tukforhnak chungah nan tlak sual nak hnga lo thlacam tuah u” (Luka 22:40). Thlacam hi Pathian he pehtlaihnak kan ngaih lawng si loin tukforhnak ah kan tlak sual nak hnga lo caah le khrihfa mi kan nun ziaza hrim zong a si awk a si. Phundang in kan chim ah cun a nun in kan I nun pi awk (life-style) a si awk a si. Ahohmanh tukforhnak a inglo le a tonglo khrihfa kan um lai ka zuum lo. Thlacam mi le cam lo mi tu mah zawnah hin kan I hliahnak (dannak) a si. Mi cheu nih cun thlacam hi kan duhmi hal caan le chim caan lawngah a ruat tawk zong kan um lai ka zumh. Sihmanhsehlaw, thlacam nih a sawh duh ngaingai mi cu Pathian he I pehtlaihnak nu le va bantukin I pehtlaihnak (intimate relationship) tu khi a si deuh tawn.

Efesa cakuat chungah Paul nih thlacam a hrilhfiah rih mi cu kan ral hriamnam tthabik pakhat a si a ti (Efesa 6:18). Cucaahcun thlacam hi khrihfa mi hna kan ralthuam le kan hriamnam tthabik a si bang zungzal in thlacam le lungdong lo tein thlacam hi a theih lawng thei loin a nun hrim in I nun pi hna u si law kan ral a si mi Sehtan hlenthawinak in siseh, Pathian nih Jeremiah chungah a kan kamh bang a nganmi le a thukmi thil nan hngalh bal lomi hna kha kan chimh hna lai a kan ti bang thlacam nun hi thli kan dawp bang or ni fatin ti le rawl kan din kan ei bang biapi ah chia hna u si ti kha tawi te in sawm kan duh hna. Thlacam deuh mi cu zumhnak lei ah an puitling deuh I an nun ah lawmhnak mithmai a leng deuh hrim ko ti hi kei mah pumpak ka hmuh ton mi a si.

Biatlangkawmnak

Laimi hi theih lei le hngalh lei ah cun kan bau hrimhrim ti lo, amah belte tuahsarnak lei tu ah hin kan chambau ngaingai hna in ka thei, zumhnak ah kan pale a si mi hna nih an chim tawn mi cu kum 100 kan reng ti lo nain kan nun ning tu cu kum 10 kan lo an ti ttheu. Cucaahcun thlacam nun zong hi kan theih nan theih sa mi si ko lai nain sawm kan duh mi hna cu a nun tu in I nun pi hna u si law zumhnak ah nu tling pa tling dirhmun tiang a kan phanh pi hrim ko lai ti zumhnak ka ngei. Korea missionary pa bia kan rak hal bal mi cu, “Korea, hi ti nan tthanchonak a ruang cem (secret) hi na kan chim kho hnga maw? A kan lehnak cu, “thla kan cam tuk ruangah a si ko, cun kan theihmi hnihchunte hi kan I nun pi caah a si ko” tiah a kan leh bal mi nih khua fak ngai in a ka ruahter ve. 2 Chanrelnak 7:14, “ka min in kawhmi ka mi hna nih khan an lung an tthumh I thla an cam I ka hmai kha an kawl I an lam tthalo khan an I mer ahcun, van khin ka run theih lai I an sualnak cu ka ngaihtiam hna lai I an ram cu ka damter lai.”
Bawipa nih a bia a thar in thlua kan chuah piak hram ko seh.
Tampi kaa lawm.