“KHRIH DAWTNAK HE CUN
ZEIHMANH NIH A KAN THEN KHO LAI LO” (ROM 8: 35-39)
By
Pastor Hniang Tial
Pastor Hniang Tial
A hmasa bikah damnak
petu Pathian a min thangtha ko seh. PCCF online sermon rel tawntu nan dihlak
cung zongah kaa lawm.
Chin mi hi ramkip
hmunkip ah phanh le um a si cang bantuk in nai hrawng cu Chin National Day nih
ramkip hmunkip um Chinmi vialte cu linsa
ngai in a kan tuah, aa tel kho lomi zong kan umnak cio in peih he lam he kan
rak in zoh hna i a nuam taktak.Cu lakah the Chin land post nih a hun langhtermi
hmanthlak Hakha CND le zuri kha ka vun hmuh hna cu Lai lei kan nun a hlei in
khuate kan nun ning a niam rih ning le zu din dan hmanh a thiam rih lomi, kan
lai pa cang thatha hna ka te le ka pu le telh chih in ka mit thlam ah an cung
thup. Hi tluk in minung fim thiamnak a than tuk lio caan le Lady Ga Ga hna
outer space ah hla sak aa timh lio caan ah hin kan khua tarnu pakhat nih cun “cut
cut eih” hi zei tin dah an ser cawk hnga kan mah chungkhar nih kan hmanmi hmanh
a tlawm ti lo a ti ve hawi, aw kan uknak that lo ruangah mu ka ti. Khel khat
lei in thanchonak nih kan khuh ve sehlaw tah zeidah kan lawh hnga ti khi ka
ruat, chim duhmi cu minung hi an fim chin lengmang biaknak a herh lo a timi le
Pathian a um lo a timi (Atheist) pawl zong an tam chin ve. Hi caan chungah a
nungmi kan si tikah Khrih dawtnak he a kan thenkhotu ding thil hi a tam
taktak ti hi nai hrawng cu khua a ka ruahter ngai.
Rom. 8: 39, ah Paul
nih, “kan ta a simi Pathian dawtnak he a kan then kho tu ding cu sermi thil
dihlak ah hin zeihmanh a um lo” a ti. Nain a kan then tu hi sermi thil lawng te
an si cang, a biana ah ka umnak CLSU hrawng hrang i Philippines pawl hi Khrihfa
lawng te an si ko nain Biakinn a phan lomi an tam taktak, zarhpi ni zongah ni
dang he dang loin rian an tuan ko.
Cucaah Pslam 14: 2-3 khi ka lungah a
chuak “an dih lak in an tlau dih cang”. A si ah an zumhnak a tlau cang a
si hnga maw, ka hawi nu sinah kan nih Lai lei Pathian kan biak ning zarhpi ni
kan hman ning hna ka chimh i, a ka leh mi cu a hlan ahcun kan si ve ko a ti.
Chim duh mi cu than chonak nih Pathian he a hlahter ngai cang hna ti hi a
fiang. Athiest Paul nih hin Pathian a um lonak kong fak pi in an dirpi chin
proof tampi an lak i an chim. Rechard Dawkins nih “The God Delusion” timi cauk
a tialmi kong he pehthlai in Oct 3, 2007 John Lennox he debate an tuah mi kha a
ngaimi nan um theu lai, Khrihfa biaknak hi tih nung ah a chiah, a ruang cu
Khrihfami hna kan nunning ruangah a si ti cu a fiang. John Lennox nih a lehmi
ka uar ngai mi cu Pathian a um ko nak cu ka nunnak nih a teh, ka nunnak ah
lawmhnak le hna ngamnak ka ngei a ti. Chim duhmi cu minung kan si caah Pathian
he a kan hlat tertu or a kan thentu thil hi sermi thil in si hna seh, tonmi
thil in si hna seh an tam liang luang ko men lai, hi lio caan ah kan mah nunnak
hrimhrim nih Pathian Pathian a um ko ti le Pathian a dawtnak cu ka ta a si ti
khawh i lawmhnak, hna ngamnak ngeih khawh hi a fawi lo. Paul nih nunnak hi ka
caah Khrih a si (Phil. 1: 21) a ti bantuk in ti khawh hi cu a har hringhran ko.
Cucaah u le nau hna ni
tin kan nunnak ah Khrih dawtnak he a kan then kho tu thil, phun dang in, Khrih
he kan i pehtleihnak a fehter lo tu thil hi kan nunnak i, i pai in a um lio
caan ah, nunnak hi ka caah Khrih a si ti
le Khrih dawtnak he cun zeihmanh nih a ka then kho lo ti hi kan thinlung ah vun
nunter zau in kan cungah a tlungmi thil vialte a tei kho tu si hna u si law,
fek tein dir zungzal ko hna u sih ti hi thazang pek kan duh hna.
Kaa lawm.
Pastor Hniang Tial
CLSU
No comments:
Post a Comment