Stop complaining and start praising to God

Dear PCCF hawi le hna

 

Bawipa thawhṭhanzingah thawngṭhabia a hrawm mi zumtu nan dihlakcungah Pathian thluachiah a tharin tlung ko seh! Tu zingah thawngṭha a kan chim tu hi Shalom Biak Hlei Sung , Ngaknu feltaktak mi a si.   UC (B.S nursing) Baguio, a kailio mi a si. Stop complaining and start praising  to God ti mi he pehtlai in thawngṭha bia an kan chimh caah thazang kan la cio i a pumpak cung zongah kan i lawm tuk. Bawipa nih hmai lei a rianṭuannak ah lam hruai in umpi zungzal ko seh tiin PCCF zong nih thlaza kan cam piak. A tang hla te hi rakngai ta law cun thawngṭhabia van i hrawm colh te.

http://www.youtube.com/watch?v=8_UiqBA-YTQ&feature=related

"Stop complaining and start praising  to God"

Jeremiah 29:11. ”Nan ca i ka tinh mi cu keimah lanwglawng nih ka hngalh, tiah Bawipa nih a ti. Cucu vanchiatnak si loin thluachuahnak a si lai i nan hnu i a rung um ding tefa tampi kong a si lai”

 (I have a good plan for you; I don’t plan to hurt you. I plan to give you hope and a good future)

Philippines ah Sianginn ka kai ka ah harnak tam pi ka tawn.  Class chung ah anmah holh (Tagalog) lawngte  an hman.  Cun, Assignment te hna, course requirements, te hna, tuah tik zongah harnak tampi  ka tawn. Zeica’htiah Kawlram i ca an kan chimh ningcang (teaching methods) le Philippines ram i an hman mi Methods cu aa dang tuk,  a rak i thlau tuk hringhran.  Classmates pawl karah biakchawnhnak le activities hna tuah tik zongah remcanglonak, a sinpi lonak tampi ka tawn. Annih Filipino pawl cu Mirang holh holh peng hi an huam lo i anmah holh deuh an holh theu. Khuaimaw caan ahcun ka hawi le saya/mah te pawl he i theithiam lo cann hna ka tawn. Ka lung re a thei tuk tawn. Sianginn in ka rak tin caan hicu ka caah thilrit phurh bantuk, ka lung a rit tuk cann a si tawn. Keimah tein ka thin hna a hung thulh, Kawlram lei tlun hmanh khi ka duh i, ka lung a nuam lo cann a tam ngai tawn.

Pa Pathian zei caah dah, asinpilonak tampi ka tawn? tiah ka hal.

Pakhat ka thei mi cu, keimah ka thiamnak le fimnak in cun ramdang lei ca cawn kal kho ding cu ka si lo.  Amah Pathian nih a ka thimmi a si tihi ka lung chung in ka hun thei than/khansa than. Pa Pathian nih hi bantuk ca cawnnak  cann tha a ka pekmi hi cu a sunglawi tukmi thlachuah a si ti ka hun thei. Jeremiah 29:11 (I have a good plan for you, I don’t plan to hurt you. I plan to give you hope and a good future) hi Bible bia hi keimah caah cun thazang ngan bik a si.

Ka hawi le hna zong nan nunnak ah nan lung retheihnak, nan ruat bal lomi harnak  nan tawn tikah Pa Pathian sin ah hal ding philh hlah uh. Nan harnak lawng kha ruat loin zei bantuk thluachuah dah nan nunnak ah nan hmuh ti kha nan ruat than tik ah /nan zoh than tik ah, lunglawmhnak tam i nan hmuh than ko lai.

Pa Pathian nih thluachuah in pe cio ko hna seh!