“Ka mit ka auter ko”
Text: 2 Siangpahrang 6:17
Cun Elisha nih thla a cam i, “MAW BAWIPA, a hmuh khawh nakhnga, a mit hi hun auter ko,” tiah a ti. Cucaah BAWIPA nih tlangvalpa mit cu a auter i a hmuh; cun zohhmanh, Elisha velchum ah cun, tlang cu rang le mei rangleng in a khat.
Vanlawng voikhat hmanh a hmu bal lo mi khua pakhat a um. Nikhat cu, vanlawng an khua cung in a zuan. Vanlawng cu sangpi in a zuan ca’h, a hme te long in a lang. khau chungmi dih lak in in zoh ceu. Mipa pakhat te zong a ra zoh ve. A hmuhlo nain, mitampi nih “vanlawng te cu a dawh ngai” an ti caah, a hmuh ve bantukin “aw si ngai” a ti ve. A liam deng te ah, mi pa te nih a vum hmuh ve. Cuti’n a hmuh tikah, aa lomk tuk i a aw ringngai le thangngai in, “Wow!!! Vanlawng ka hmuh cang!!” a ti. Cuvebantukin, kan nunram ah Jesu kan hmuh taktak ah cun, kan nunram aa tlen i nunman kan ngei.
2 Siangpahrang 6:17 hi, profet Elisha le a salpa kong a si. Siria Siangpahrang nih ralkapbu nganpi hna, rang hna le rangleng hna cu Elisha tlaih ding ah a thlah hna. Dothan khua ah Elisha cu a um ca’h, ralkapbu nganpi nih an khua cu an dum. A salpa nih ral pawl nih an dum mi a hmuh tikah, a lau tuk i ,“Aize, ka bawipa zei tin kan tuah lai?” tiah a ti. Cuvebantukin, kan nun nak ah, harnak le bawibainak nih an kan dum tikah, kan thin a phang i kan lungre a thei. Zeicatiah, kan thlarau mit a au lo i Bawipa kan sin a um kha ka hmuh kho lo. Elisha nih tlangvalpa caah, thla a cam hnu ah Bawipa nih tlangvalpa mit cu an vun auter i, an sin ah Bawipa lei a um tikha a hmuh. Cutikah, hna ngam nak he aa khat.
Dawtmi u le nau hna, kan thlarau mit a au rih lo a sin ah cun, vawleicung bawibainak le hnahnawhnak lawng na hmunh lai. Na nun nak ah dainak na hmuh khoh lai lo. Nain, na thlarau mit a au ah cun vawleicung bawibainak pin lei ah Jesu thawnnak lei, Jesu nih nifa a kan um pi timi na hmuh khoh lai i, hnangamnak na hmuh lai.
“… khuaruahhar biatak kha ka humh khawh nakhnga, ka mit ka auter ko” (Salm 119:18).
Van Nun Thang
No comments:
Post a Comment