Bawipa thawhṭhan zing damte le lunglawm tein a kan phanhtertu, Kan nun nak lam a hruaitu kan Pathian a minthiangthangṭhat sikoseh! Tu zingah Pathian 
bia thaw te in a kan chimhpiak cu hi Sayamah Saing Zi a si. Caan a lawngdingkha a si khawh lo caah zangfah kan van nawl lunglawnmte in an van kan timhpiak khawh caah a cungah kan I lawm tuk ti zongkha van langhter ta kan duh. A singinn kai nak le a cawlcanghnak ah bawipa nih thluachuahnak he lam hruai chin ko seh. Tuzing thawngṭhabia cu a mak kho tuk e… rel lo hna in maw um sual lai ci na chir tuk lai.. A tlangtar cu Thawngṭha le Biaknak timi a si. Amah sinah caan kan van pek colh ko lai…
Thawngṭha le Biaknak
Lamkal tu 17:22b, “Nannih cu biaknak lei thil paohpaoh ah zuamnak lungthin a ngei ngaingai mi nan si kha ka hmun 22b”
Paul nih Athens mihna hi ruahnak thukpi, kaupi a ngei mi ansi zia kha fiang tein a chim; Lamkaltu 17:11. Athens cu khuaruah khomi tampi an chuahnak hmunhma a si. Cun Athens khua chung ah siasalbiaknak tampi a um minih Paul a awlok a chonter. A awlok chonnak cu Paul ca ah Thawngṭha phuan nak ahrampi a si ṭhan “Nannih cu biaknak lei thil paohpaoh ah zuamnak lungthin a ngei ngaingai mi nan si kha ka hmun 22b” a ti. Vawlei cung mi vialte hi biaknak a ngei lo kan um lo. Free thinker pawl zong, hihi an biaknak cu a si an ti theu.
Thawngṭha le biaknak hi mitam pi nih a ṭhen awk kan thiam tawn lo. A khat mi ahkan ruah ṭheu. A sining ai dang ngaingai mi a si. Thawngṭha cu Pathian nih minung caah a tuahmi a si i, Biaknak cu minung nih Pathian caah tuah mi a si. Tim Keller nih (Gospel in Life Study Guide ,Grand Rapids: Zondervan, 2010, p. 16) Ah a ṭial mi cu:
1. Biaknak : Kazulh hnu ah, ka cohlan. Thawngṭha: Ka cohlan hnu ah ka zulh.
2. Biaknak:Lungthawhnak cu ṭihnak le thinphan nak ah hram a bunh. Thawngṭha: Lungthawhnak cu velngeihnak le lawmhnak ah hram a bunh, a ti.
Thawngṭha le Biaknak hi aiding ngaingai nain ṭhenawk a ṭha lo mi phaisa Kawng le Pan bantuk a a si. Caantam pi ahcun Pathian kan ṭanhngai rua tiah kan ruah mi hi, kanbiaknak tu kan rak ṭanh a si deuh sual tawn. Phungbia cawnpiak tu le, Pharisee pawl zong kha biaknak cu an rak ṭanh taktak. Cucu Samaria miṭha pa tuan bianih fiangngai in a kan chimh. Biaknak rak ṭanhtuk ah hin, Pathian duhnak rak nganh sual a fawi te.
Phetwin nih ca a ṭial mi pakhat kalung a kasu ngai mi cu England ram ah biaknak leiah ai zuam ngaimi, mirumnu pakhat a um. Cu nu cu chungnitlak zankhuadei in Biakinn ah thla a cam khomi a si. Voikhat cu England ram a kikbik lio caan ah biakinn ahcun thla a cam, a rang lengmong pa nih innleng in a hngah a kihtuk caah minu thla a cam dih i a chuahtik ah cun a rak thi diam cang.Hi minu hi biaknak a tanhngaingai mi cu a si ko lai, sihmanhsehlaw Pathian nih zeidah tuah hna seh ti a kan duh ti kha a hngallo, Pathian riantaktak zeidah a si ti a fiang lo. Pathian rian kan timi hi le Pathian ṭanh kan ti mi hi, Pathian i a duhnak va tuah le ṭuan hna hi a si tawn.
Cu ca-ah nihin i Pathian rianṭuan kanti mi hi Pastor, evangelist, Khrifabu hruitu tuah ding ṭuan ding lawng a silo. Piangthar kanti mizong hi Biakinn chung i pumh le lam nakin tah awk aṭha hngalo. Mtt. 5:6 “Pathian duhnak tuah kha nan duhnak ngan bik i a chia mi cu lunglawm mi nan va si dah! Pathian nih nan duhnak cu a tlin ter lai.” Kantuah mi thil paoh ah Pathian duhnak asi hngamaw tiah ruah ding tu kan si deuh. “Think twice before you speak” an ti bangin kanchim rel ah siseh, kan tuan mi kipah siseh, “hihi Pathian duhnak a si hngamaw?” tiah ruat hmasa dinghi abiapi tuk mi a si.
Biaknak kanti micu, kan nunnak nih a herh bikmi hmuh khawh dinghi a tinh zungzal mi a si. Cu kan herhbik mi cu Pathian a kan dawtnak thawngṭha lawnglawng nih tlam a tlin ter khawh. Cu thawngṭha nih ai tinh mi cu zungzal nunnak calawng silo in, vawlei ah nun duhdim kan hmuhkhawh veding hi a si (Johna 10:10).Hlan liochan i Athens khua mi hna bantuk in Laimi kan pi/pu hna hi biaknak a tanhngaingai mi, biaknak lei ah a fekngai mi an rak si kha an tuanbia nih a kan chimh.. Nuncan leiah thilchia tuahlo ding le a sifak harsami bawmhding nunziaṭha a ngeimi anrak si. Nuncan cawn piaknak ah “Thlachiatruat” aa nunpi mi miphun kanrak si. Chiatnak ah siseh, thatnak ah siseh minun aahrawm kho mi miphun kanrak si. Tah chun nakah Mi pakhat nih Sa akah tikah ‘tlangzar or Tlangzaam’ khuami dihlak a phaw vemi dawtnak, zawn ruahnak nun ziadawh a ngeimi, zumhawk tlak in a nung mi kan rak si. Hlan kan pi/pu chan biaknak i nunzia dawh cu Khrifa biaknak nih a dawh ter chinchin, nihin Pathian nih akan fialmi rian kha akan hmuhfiang ter khun. Khrihfa sinak kum 100 a tling cang mi laimi nih kan ruah deuh awk a herh mi cu:
1. Khrihfa kan sinak ah biaknak a tanhmi nak in, Pathian nih tuah hna seh ti akan duh mi hi zeidah a si ti a kawl thiam i, a hmuthiam mi kan si ding hi a biapi deuh.
2. Biaknak phungphai a zultuk mi sinak in Pathianduhnak a tuah zungzal mi kan si a herh cang.
3.Pathian kan biak hi ka ṭihphan mi a um ruangah si lo in, a kan dawtnak a vel kan tinco mi ruangah a si deuh awk a si. Cucu thawngṭha i a hmual taktak cu a si.
Sayamah Siang Zi
No comments:
Post a Comment