Thoṭhan Bawipa He Nan i Ton Maw?

Dear Dawtmi PCCF Unau

Tuzing Bawipa thawhṭhan zingah damte le lawmtein a thawngṭhabia a hrawmtu zumtu nan zapicungah Pathian thluachuah a tharin um ko seh! Pathian dawtnak le PCCF dawtnak thinlung he thawngṭhabia a kan chim tu Saya Van Nun Thang  cungah lunglawmhnak langh ter kan van duh.Thoṭhan Bawipa He Nan i Ton Maw?  timi pehtlaiin an kan chimh i kan i lawmhnak a sang chin. Mahthawngṭha na rel dihbak ahcun nanunnak ah thlennak le thazangthar tampi na hmuh ko lai.

Thoṭhan Bawipa He Nan i Ton Maw?

Biahmaithi

April Thla hi Krihfa mi kan za te caah, a biapi ngai mi thla a si. Kan Bawipa Jesu a thihnak  le a thothan nak thla a si. Henry H. Halley nih a ti mi cu thawhṭhan hi umhlasehlaw, Bible cathar le krihfa cu zong hi a um men lai lo tiah a ti. Cun, kan bible zong ah hin, Bawi Jesuh a thothannak kong hi Thawngtha pali (the four Gospels) ah hin kan hmuh kho, (Matt 28; Mk 16; Lk 24, John 20).Culongsilo hlanlio Krihfa hna thawngṭha an chimh tikah bawipa thawhṭhannak a tel zungzal (Acts 4:33). A tu chanthar Krihfabu nih biapi ngai an chiami cu, Bawipa chuahlomnak (Christmas) asi. Kei mah ka ton mi ah,Christmas hi sunglawi ngaiinn kan hmang i Bawipa thothan cu a phung man lawng inn kan hman. Bible ah Christmas hi, Matthew chung le Luke kan humh. Cun a ni thla zong a um lo na in, kan mah tein kan tuah I kan sunglaui ter nga. Mahi thiltha ngai cu a si ve. Nainn kei mah ruahnak ah, thoṭhan hi sunglawi deuh in kan tuah ding awk a si, a ni thlazong bible ah aum (John 20). Cucaah, Bawipa Jesu a thawhthannak kong he pektlai in tu zing ah, thazang lak cio hna uh si.

Thawṭhannak Kan Ca A Si

·         Zeicatiah, kanbawipa Jesu thawṭhannak cu kan caah teinak asi. Kan bawipa Jesuh hi thoṭhan hlah sehlaw, Satan kut chung in kan luat kho lai lo.

·         Kan bawipa Jesuh thawṭhannak cu kan caah dingfelnak  asi (Rome 4:25).

·         Kan bawipa Jesuh thawṭhannak cu kan caah ruahchannak asi (1 Corinthians 15:12 ).

·         Kan bawipa Jesuh thawṭhannak Bawipa nih a baikamthar a fekter nak asi.

Kan caah Biapi Mi

Hitlukin a biapi mi thawhṭhan hi kan hman peng i, manngeilo in kan liam ter sawh ahcun a poi ngaimi a si. Abia pi mi cu, kan mah le Bawipa i tonnak a si. Zeicatiah, thawṭhan Bawipa a  tawngmi poh an nun an i tlengh dih. Hmasa bik ah, Peter nunnak kan zoh hna  lai. Peter hi mi lungzang deuh a si. Bawipa Jesuh sin ah na thihnak an ka thi ve lai a ti mi a si. Nain, Bawipa Jesuh an tlaik tikah ka theilo tiin, vei thum tiang Bawipa ahlawnh. (Matt. 26: 70-74, NIV i) simple denial, ii) with an oath, iii) he swore). Na in Thawhṭhan Bawipa he an i tonṭhan tiakah, a nun a tleng i Bawipa caah ah thinak a in. Cun, Thomas, a mahhi Bawipa he kum thum chung an i lengti ko na in, Bawipa a thothan a zumh lo. Siko nain, Bawipa he an i  ton tikah, Thomas nih, “Ka Bawipa le Ka Pathian” a ti (John 20:28). Paul zong Bawipa Jesuh hi Damascus lam ah an i ton hnu ah a nunnak a tlen (Acts 9). Thawṭhan Bawipa he atongmi poh an nunnak a tlen ti mi kan bible ah tampi kan hmuh kho.

Biadongnak

Cucaah, dawtmi unau hna, kan caah, a biapi mi cu, a thawhṭhannak poi a si lo, kanmah le Jesu I ton hi   a bia pi mi asi. Bawipa Jesuh cu kan caah a thawṭhan i a tu tiang kan caah, a um rih ko. a hohman ka sin ah a ra mi pawl cu, manloin an kir lo. Lunglawmhnak, daihnak, hnangamnak, a pe hna (Matt 11:28). Cun, a sin a ra mi poh cu an nun an i thlen! Kan Thawṭhan Bawipa nun ah na tawng cang ma?