A tu caan i kan i ruah ti ding ah ka thim mi bible cacaang  cu Hebrew 11:6, “Ahohmant nih zumhnak loin Pathian lung ton khawh a si lo” ti a si lai.

Kan tlangtar cherhchan ding ah van rel chih ka duh mi bible cang pakhat cu Hebrew 12:2 “Jesuh kha fek tein i zoh chih usih, amah cungah cun kan zumhnak cu a hramthawk in a dongh tiang a um.

Biahmaitthi

Nan nih he i ruah ṭi ding i ka thim mi biatlangtar cu zumhnak (Faith) timi asi. Heb. 11:6 ah “and without faith it is impossible to please God” zumhnak loin cun Pathian lungton khawh a si lo. Zumnak/Faith na ngeih lo ahcun Pathian cu na cungah a lung a lawm lo, phundang in chim ahcun Pathian cu na lomh ter kho bal lai lo. Hlan lio zumhnak lei kan pa le Abraham, Noah te pawl hna nih Pathian lung an rak lomhter, an rak tonnak cu zumhnak/Faith ruangah a si. Cun cathar (N.T) chung ah mitcaw, kebei, hnachet le mizaw tampi an damnak cu zumhnak thawngin asi. Khrihfa nun ah zumhnak lo in zeihmanh tuah khawh asi lo. A sinain zumhnak he cun zeithil paoh tuah khawh a si.

Zumhnak cu zeidah asi?

Zumhnak(Faith) timi cu kan hmuh lo mi thil a um ko ttung mi a um ko ti mi zumh khi zumhnak(faith) timi cu a si. Tahchunnak ah  Minung ah hin Soul, Spirit, and Body tiin tthenthum ah tthen khawh a si. Body cu hmuh khawh tawngh khawh asi, nain Spirit le Soul cu kan hmu kho hna lo nain a um ko ti cu kan theih kan zumh. Cucu kan hmuh lomi a um ko ti kan theih kan zumh khi zumhnak ngeih kan timi cu a si. Cubantuk tthiamtthiam in thil pakhat khat kan hmuh rih lomi thil a um ko kan hmuh te ko lai ti kan ni ruahchan mi khi zumhnak ngeih kan timi cu a si.

Zumnak a bia pit ning.

Mtt. 17:20 “If you have faith as small as mustard seed, you can say to this mountain move from here to there” and it will move. Nothing will be impossible for you.” Zumhnak cu zeitluk in dah a ngan le a hmet ah khan a biapitnak a silo kan zapi tein anṭam ci zeitluk in a hmet le a ngan cu theih dih a si ko. Jesus nih anṭam ci tia/ngaw zumhnak nan ngeih ahcun tlang hmanh nan tthial khawh lai a ti. Zeitluk in dah tlang a ngan i zeitluk in dah anṭam ci a hmet asinain thlagpi cu anṭam ci ngaw zumhnak nih a duh nak paoh ah a ṭhial khawh ko. Jesus Khrih nih kan vawilei pi hi zumhnak in thlen ding rian a kan pek kan zumh ahcun kan thlenkhawh ko lai.

Abraham zumhnak.

Gen. 12:1 “Bawipa nih Abram cu a thawh i, ‘Na ram le na rualchan le na pa inn kha chuahtak hna law kan hmuhsak laimi ram ah kal tuah’”. Pathian nih Abraham a auh tikah hringtuu Nu le Pa innchungkhar chuak tak in kan hmuhsak lai mi ram ah kal a ti. Zeitluk in dah a har hnga? Nu le Pa sahlawh rualchan vial te he i ṭhen ding mah lawng in mi ram dang ah ramdang mi le khual va si ding. Cun a kal nak ding lam ah harnak tampi aum. (a) a sin um kong ah, le a saṭil arva kongah hei ruah uh law a buupi in zul rulhmalh piin an va kal lai va si kaw tu pi chungah riahnak kong ah ei le din kongah a har ngai mi a si. (b) Cu ka ram hrawng ah ral a tampi pakhat le pakhat miphun pakhat le pakhat i doh chan, i tuk i thah chan a si, cun kha kaa ram a um mi hna kha a ca’h hawi an um lo a caah ral lawng te an si. Abaraham caah ttih ding le thingphan ding tam pi a um. Asinain Abraham nih cun cu harnak le ral le lungretheihnak vialte cu a zoh lo “Let us fix our eyes on Jeus” a zoh mi cu Kanan ram ah kal ding in a au/ko tu Pathian kha a si. Cu Pathian nihcun zeizong vialte a tuah khawh ko tiin zumhnak he a mah Pathian zoh in a kal ko. A donghnak ah Abraham cu Pathian nih thluahchuahnak nganpi a pek i, ka hawi ti tiang in a auhnak a ruang cu zumhnak ruangah asi. Bawipa nih a kan auh ve a siahcun zumhnak he a kan fial mi rianṭuan ko uhsih, Pathian nih thluahcuah a kan pek ve ko lai.

Kum hleihnih thi chuak nu zumhnak

Matthew 9:18-22 kan rel tik ah kum hleihnih thichuah zawtnak in a zaw mi nu kong kan hmuh. Hei ruat ve hmanh law kum hleihnih chung thi chuah cu zei tluk in dah a hei har hnga? Hi mi nuu tuanbia kan zoh tikah a ngeih mi vialte cu aa conghnak ah a hman dih nain a dam kho hlei lo. Sibawi pa zeizat sinah dah a kal hnga? A sinain a dam kho tilo kumhleihnih  chung a si cang, minung lei kam cun lungdong in a um lio ah Jesus nih mi zaw tampi a dam ter hna ti thawng cu a theih ve, cu le cangka in mi nu nihcun Jesus puanki ka tawngh ahcun ka dam ko lai timi a zumh colh. Zudah mi hna phung ah nu nih thlakhat ah vawikhat an ngeih mi menstruation/nuuphung an lak lio ah leng chuah phung a silo chuah ahcun lung in thi lak in cheh ding a si. Jesus puanki va tawnghnak ding ah mipi lak in kal a hau fawn. Khat ta lei kam ah damnak khat ta lei kam ah lungchehnak ton ding a si fawn. Minu caah a har ngaingai, kal lo le thichuah in thih ding, kal le lungcheh in thi ding “Let us fix our eyes on Jesus” minu nih mi zeitluk in an tam le lungchehnak vialte cu zoh loin Jesus tu kha a zoh i a puanki te cu a va tongh. Cu le cang kaa a thichuah zawtnak in a dam colh. Taksa, thinlung, Thlarau kan damnak ding ahcun ka hawi nu kan hawi pa a siloah mipi zoh loin zumhnak in Jesus fuh panh uhsih kum hleihninh thichuak nu bantuk in damnak kan hmu ve ko lai.

Biatlangkawmnak.

Paul nih second Corinthian  5:7 ah “we live by faith, not by sight” a ti bantukin kan nih cu a si cang mi le kan mit in ka hmuh mi zoh in a kal mi kan silo a um rih lomi Pathian nih a kan kamh mi tu kha zumhnak in zoh chih in a kal mi kan si, zeitluk in na rum zei tluk in na ṭhawn zeitluk in na dawh ti kha a biapi lo, zumhnak ngeih in zumhngamhnak he kal ding tu hi a biapi deuh. Pathian nih hin kanmah sining zoh in kan cungah rian a ṭuan lo, asinain kan zumhnak  tu kha a zoh mi a si deuh. Cucaah dam lomi nih zumhnak in ka dam cang ti law Pathian nih damnak an pek lai. A thazang a der mi nih zumhnak in ka ṭhawng cang tiah phuang law Pathian nih ṭhawnnak thazang an pek ko lai. A sifakmi kan um ahcun zumhnak in ka rum cang tiah ti law Pathian nih rumnak an pek ko lai. A donghnak bik ah anṭam ci tia/ngaw na zumhnak nih na nunnak an tlenkhawh, na chungkhar a thlen khawh, na Krifabu a thlen khawh, kan ram pi le kan vawi leipi hmanh hi zumhnak in Pathian bochan ahcun a thleng tu kan si kho ko.

Pastor Uk Ceu

Manila