A Nung Mi Cakuat (Living Epistles)
By
Dr. Mang Lian Pau
Caan tha caan sunglawi a kan petu kan Pathian a min cu thangthat si ko seh! PCCF hruaitu hna le u le nau nan dihlak cungah lunglawmhnak chim cawk lo ka ngei. Hi thawngtha hi Bawipa sunhlawinak caah siseh law a reltu kan dihlak caah thazaang thar laknak ah si hram ko seh.
Baibal ca cang:Kan ca kenmi cu nanmah kha pei nan si cu, kan lungthin cungah mi vial te hngalh awk le rel awk in tialmi cu. Hi ca a tialtu cu Khrih kha a si i kannih hi a phortu ah a kan hmanmi kan si. Cu ca cu lung cungah cahang in tial si loin minung lungthin cungah a nungmi Pathian thlarau nih a tial mi a si. (2 Kor. 3:2-3)Bible chungah Zumtu hna hi thil a phunphun he tahchunhnak an sinak kha kan hmuh.
A canah ‘mitsur ruang’ akan ti. A can ah ‘cite’ a kan ti. A can ah ‘ceunak’ a kan ti. Ka dangah ‘Tuu’ nan si a kan ti.Hi ka 2 Kor3:2-3 ah cun ‘Ca zual nan si a kan ti.’Ca zual cu cakuat a si ko. Nang le kei cu anung mi Pathing Thlarau in ttialmi cakuat kan si.
Cakuat nih cun thawngpang pakhat tal cu a ken peng. Hoikom cakuat a um. Lunglawmh biachimhnak caah kuatmi ca a um. Lawmhpinak cakuat aum. Ih ngeihchiat pinak ca a um. Nungak tlangval ca aum. Cubantukcun cakuat a phun phun um ko hmanhsehlaw, kannih khrihfa hna cu sualnak le ttah aihramnak he a khat mi hi vawlei ah lunglawmhnak le ruahchannak a chuah pi dingin a nung mi Jesuh khrih caah a kan timhtuah mi cakuat kan si.
Bible nih nun thianghlim nei dingin an kan cawnpiak lengmang. Zeiruangahdah Pathian nih hin nun thianhhlim nak hi a duh hnga? Romans 12:1;Ephesians 1: 4 ;1 Peter 2:5; Acts 2:4;1Peter 2:9; Romans 16:16; Exodus 2:5.Nun thianhhlim hi tuchan minung nih kan ruat huam ti lo. Cu nakcun politics, economic, fimthiamnak etc. pawl kong caih hi kan huam deuh. Thianhlimnak kong chim le caih ahcun angaih kan huam lo, kan i phetchem diam. Pathian nih cun nun thiang le nun thar in nun ter akan duh. Baibal ah“mi zei hmanh hi Khrih he an i pehtleih ah cun mi thar an si, a nun ning hlun kha a lo cang” a ti .Nun hlun kal tak I, nunthar nun thiang hlim lam kal kha Pathian nih a kan cawn piak peng mi asi. Kan caang thim 2 Kor. 3:2 kha van zohthan than hna uh sih. Zei ruangah dah Pathian nih thianhlim nak hi biapi ah a chiah ti mi hi ka text ah Paul nih a kan chimh mi kan rel ah cun kan piang deuh lai dah ka ti. Verse 2 ah ‘Nanmah cu mivial te nih theih ding ah le rel ding ah kan lungthin cungah tial mi ca cu pei nan si cu’ a ti. Rel awk tlakcakuat kan si maw?Theihawk tlak nun the kannun ah cuang maw?. Paul “nan mah hi a nung mi cakuat nan si” tiah a kan ti hih.
**Nan nunnak ah “kei cu cakuat ka si ti ah na ruat bal maw?
**Nanmah le nangmah a nungmi peh tleihnak a tuah tu ka si tiah na ruat bal maw? Mi vial te nih an rel lai ding mi Bibal( cakuat) cu kan mah kan si ti ruah a kan fail. Paul nih kan nih cu a nungmi cakuatnan si a kan ti. Cu cakuat cu zei tindah a tial ti ah cun minung nih tuah chawm mi cafung, cahang, le cahnah in si lo in ‘Pathian i a thiangthlarau in atial mi kan si. Cu ruangah cun “Maw kapa Pathian na ram le na miphun hna caah rak ka hmang ko. Na rian ah ni fa te rak ka hruai ko” ti peng ding kan si.“Bawipa na ka herh maw?”,“kei mah ka um ko” tiah a chim kho dingin timhtuahnak a ngei peng ding mi kan si. Isaiah 40:8 chung ah “ hramh cu a car, pangpar cu a uai, a si nain Pathian bia cu zungzal in a hmun” a ti. Cu zungzal a hmun mi bia cu Pathian caah thinlung le nungnak dihlak aa pe i thiang thlarau in a khat mi hna caah ah a si. (the Book of Eli)
Cakuat ti mi cu thawng pakhatkhat thanh ding in tial mi a si tiah kan chim cang bang in Pathian nih zumtu kan dih lak hi khamhnak thawngtha chim ding in a kan design mi kan si. Chim a kan fial mi thawngtha cu “Pathian nih vawilei hi a dawt hrinhran caah a fapa ngeihchun te kha a pek, cu caah a mah a zum mi pauh cu an thi ti lai lo, zungzal nunnak an ngei lai”ti hi asi. Kan chim maw?. Kan nun nih ta a chim maw?
Kan nih cu khrih thinlung kha mi vial te sinah pekchanh ding mi in ser mi le vial mi kan si. Mi tam pi nih cun na thawngtha chimmi ngeih duh lo zong in an al khawh men ko. Nain, na nunnak in na langh ter mi khrihfa tette kha cu i theihter duh lo in an um kho lai loh. Vawlei Ceunak na si nak kha fak deuh in langh terlaw mi tam pi nih thatnak na tuah mi kha an hmuh lai i Pathian cu an thangthat lai. Mi tam pi nih nuclear ral thawh lai hi an tih hringhran. Sinain, Pathian rat than lai ding le caandongh lai nakkong cu zei rel lo in kan um hna. Vaw lei pumsa chikhat nun nak maw a biapi deuh zungzal nun nak dah?. Nang le kei nih kan porh mi thawngtha hi thihnak le nunak phur kho tu a si ti kan theih a hau.
Cakuat ti mi cu rel ding ah tial a si i kan nih cu Khrih cakuat kan si bantuk in kan nun ning hi rel awk tlak kan si maw? A nung mi cakuat kan si bang in ruah channak a ngei le mi le Bawipa dawtnak a hngal rih lo mi hna sih ah kan nun rel ter in kan chim kho hna lai maw? Cakuat ti mi cu rel lawngsi loh rel mi kha pian a hau. Kan chim mi le kan nung a khah loahcun kan chim mi nih a fiang kho lai lo. Cu ban tuk thawngtha cu mi vaivuanh ter tu thawng tha a si lai . Cu ban tuk mi vaivuanh ter mi thawngtha kan chim lo nak ding ah cun a thianghlim mi nun hi a herh. Kan nih vial te hi mi vial te nih rel ding ah Pathian nih a kan design mi cakuat kan si. Pathian pennak ram caah advertisement mi kan si. Company pa khat a that le that lo cu a chuah mi thil in chim a si. Lettama a thiam le thiam lo cu a sak mi in in theih a si. Church zong cu a chung i um mi zumtu hna zoh in tah a si. Khrih zong hi a zul tu kan nih hna zoh in midang nih an tah ve te lai caah kan nihzong a nungmi casual ka si nak hna nundawh le nun thiang hlim in Pathian bia cu phur hna u sih ti ah sawm kan duh hna. Kan Bawipa deihnak le velngeihnak cu na cung ah um ko seh.
MangLian Pau
PCU
No comments:
Post a Comment