(February 6, 2011) Online Sermon

Na Ti A Hal Ve Maw?
By
Zing Doi

Bible caang Thim : John 4: 1-27

@ John 4: 9 “Nang cu Judah mi na si kei Samaria mi ka si..” Sorry

@John 4: 11 “ Bawipa ti thannak thawl ka ngeih tung lo” No !

@John 15: “Bawi pa ti cu ka pe law ti hal in um ti hlah ning” Yes, Sir!

Bia domhnak:

Jesuh le Samarianu chunglai cing ling te i, mi um lo nak Jocob ti khur i ton hi mi caihawk tein an um. Samaria nu hi hlawhhlangnu si hoi kaw a poi khun. Jesuh nih a hal mi le a chimi bia kha fawi tein minu a pom duh lo. Mi lung thawng ngainu asi rua. Jesuh nih lung sau in dawtnak bia tak cu a chimh peng. Jesuh zong mi lung thawng ngai a si ve. Lung thawng le lungthawng an i tong. Samaria nu nih “sorry, no” a ti lengmang nain Jesuh nih “Sorry, no” tiah a chimh chih peng ve. A dongh nakah minu nih “Yes Sir” a van ti i , Jesuh nih “ Yes, Ok” a ti ve( tu chan holh in). “Vawlei ti” sitiloin “ Nunnak ti” kong an ceih cang. Lung hrin naklam in lunglomh nak lam ah an leng ti cang. Thlarau ti rawl an i hrawm.

Baichung:Hi hmantlak nih hin zumtu hna nun ah a kan cawn piak tiah ka ruah pa 2 a um.

1.Lungsau in dawtnak a langh ter peng tu cu tei-tu an si tawn .

Jesuh nih Samaria nu hi lungsau tein a cawn piak peng. Mi nu hi mi lung thawng ngai sikaw, fawi tein ‘Yes’ ati duh lo. Sihmenhsehlaw, Jesuh nih dawtnak cu a langh ter peng ko. Minu nih Jesuh lungsau dawtnak cu a tei ti lo. A dawghnak ah cun a lung a tleng. A mit a dei “ Bawipa ti cu ka pe law , hi ka ah ra than ti hlah ning” a ti. Lungsau hi tertu hna nun asi. Cu nun cu nangmah le keimah ca zongah a si kho ve.

Voi khat ah Pastor pa khat pa khual a tlawng. Lampi ah Damiah pawl nih lam an kham i“na ngeih mi tangkaa vial te kan pe” an ti. Saya pa nih lunglawm tein a pek hna i, damaih pawl cu an kal. Tlawmpal an kal ah Pastor pa nih cun a hei auh than i, an rak kir than. “Nan kal khawh khan ka zal ka van i dap i, tangkaa fang 5 ka zal ah ka hmuh than. I lak rih uh a ti hna i a pek than hna. Damaih pawl cu an khua ruah a har.P akhat le pathat an zoh. Cu bantuk mipa cu kan hmu bel lo an ti len. An lung ai tleng, an chuh mi vail te kha an pek than pat i, pastor pa cu an zulh. Lungsau -dawt nak hi Damiah hmenh nih an celh lo. Lungsau dawt nak nun hi “ Teitu Nun” a si.Jesuh nih Samaria nu kha cu nun cun a nun a tei. Lungsua mi cu tei tu an si tawn. AbrahamLincon cu thim nak ah voi 5 a sung. A lung a dong lo. A voi 6 nak ah USA president ah a cang.

2. Lungthawn hi a tha, lung khon tu a tha lo.

Lungthawn le lungkhon hi a dang. Lungkhong mi cu an mah ruah ning lawng in an kal. Ahman le hman lo an tuak lo, anmah duhmi le ruahmi poh a hman bik ah an ruah.An pah chih, an tlu, an tho than ti kho lo.

2.1.Lungthawn hi a tha. Lungthawng mi nih tei nak an hmuh tawn.Lung khon tu a tha lo. Bible ah :-

*Absolom cu a pa David nih dawtnak tein a leem peng ko nain, a lung a thum duh lo. A pa cu a doh peng. Ni khat cu kuhthingkung ah a sam in a thlai rehruah ko.Fei in an nolh chih. Lung khon cu thih nak a si.

* Judah Iscariot cu Jesuh nih nem te in a cawn piak ko nain a co hlang duh lo.Zeiah a rel ter lo. A mah tu nih Jesuh kha a cawn piak. A Bawi pa cu a zuar. Hri in a awk beh. Lung khon cu lohtlau nak si.

2.2. Lung thawn cu a tha. Tei tu an si tawn.

* Peter cu mi lungthawng a si. A ral a tha. Jesuh a tlai tu pa pakhat a hnakhaw khan am in a sah. Simenhsehlaw, Jesuh nih a van sik ah cun a con diam. Voi khat le bang Jesuh nih a mit in a siik i “ a tap ruang mang” khah. A zumh nak a der caan a um, Jesuh mithmai a zoh peng, a dongh nak ah tei tu a si.

Baitlang Kawm:

Jesuh nih kan nih zong Samaria nu bang bia a kan ruah tawn. “Nunnak ti” a kan offer lengmang. Samaria nu a fimnak cu a ti hal ai theih kha si.Samarianu uar aum nak cu mi cu “nunnak ti” a ngei tu a theih khawh kha si. Cunak in lunglom khun a si cu “ nunnak ti” ngei tu pa a hal duh nak lung thin kha si. Nang na ti a hal ve maw?.