Dr. Za Biak Ling le PCCF i tonnak

Dr. Za Biak Ling

PCCF: Na Min, Chuahkehnak le na tthan nak, sianginn nakai nak le Pastor na tuan nak a tawi nak in nan kan chim kho hnga maw?

ZBL: Thantlang peng Lungcawipi khua hi taksa, fim thiamnak le thlarau lei in kachuahnak, katthanhnak a si. Hrintu ka pa nih ZA BIAK tiah a ka sak i, ka hung upa hnupi ah Kapa Pastor Ling Kung min lak in ZA BIAK LING tiah kaa ti.

Ø Sianginn kainak;

ü High school State high school hakha

ü B. A (geography) Kalay University

ü B. Th South India Baptist Bible Collage

ü B. Th Zomi Theological Collage

ü M. Div Zomi Theological Collage

ü M. A (religious studies) Philippine Christian University

ü Ph. D (religious studies) Philippine Christian University

Ø Pastor rian tuannak;

1996- 2000 Lungcawipi Baptist Church Pastor

2000- 2005 Associate General Secretary (B A M)

Note: Sianginn kaichung vial te in-service a si.

PCCF: Nupi Dawh/fel tak mi Pastor nu a ngei an ti kan i lawm, Nu/va in Pastor ṭuan ṭi hi a har nak hna um maw? Khrihfabu nih zeitindah an ruah hnga? Cun Na rianṭuannak ah zei tluk in dah an bawmh?

ZBL: Dawtmi Nupi Pastor Thla Cawi he lungthin khat tein hmunkhat teah Pathian rian ttuantti hi asunglawi khun in ka thei. Pakhat nain pahnih tlamtlingdeu timi hi Khrifabu zongnih an cohlan ngai in ka hmu.

PCCF: Philippines sianginn kai a harnak le a fawinak nan kan chim kho hnga maw?

ZBL: Harnak nih hmailei karkhat aka nor ter. (hardship force me to one step ahead). Hihi keimah statement or saying a si ti zong vun chimchih ka duh.

Philippines sianginn kaichung ka vun ruat tikah kalung chung chuak mi STATEMENT a si.

PCCF: Doctor Of Philosophy in Religion Degree na van dihbak i na feeling na kan chim kho hnga maw?

ZBL: Pathian sinah le aka zohtu, akabawmtu dihlak hna cungah “cham cawk lomi dawtnak leiba ka ngei” timi feeling a si.

PCCF: Ph.D Dissertation a ṭha ngai an ti kan i lawm, A topic le a suallam kan chim law kan i lawm ko hnga?

ZBL: “An Ethno-theological Study in Chin Context: Special Reference to Mara Culture” Chin Miphun hawihin Patianbia zohfianhnak ti hin a fiang lai dah. Dissertation a tthangai timi nak in lawmpi nan thiam mi tu nih atthami alawhter le a si. Kaalawm!

PCCF: Na Dissertation hi a min hmenh ka rak thei bal lo e.. Laimi kan caah sikhoseh ti na duh nak, na tinhmi le na ttial duh channak kha a tawi nak in kan chim kho law kan duh ko.

ZBL: Pathian Bia zohfianhnak nih Chin Nunphung/ Phunglam tthami sullam angeiter lai i, cu chungah thawngtthabia hram bunh in Chin miphun sinak le Khrifa zumhnak fehter in Pathian pennak chung luh ding hi a si. Chin miphun calawng siloin vawleicung miphun dihlak, anmah le miphun hawih in study tuah a herh ngai in ka thei.

PCCF: Laimi caah, Philippine hi Fimthiam cawnnak ah a ṭha ko na ti maw? a ṭha lem lo na ti dah? Na hmuh ning?

ZBL: Education system ankal pining atha kho tuk ka ti. Chin mino tampi nih secular lei cawnnak hma laachin hna shelaw ti zong kaduh ngai. Expenditure tlawm tein Education ttha ngaimi lak khawhnak hmun pakhat in ka ruah.

PCCF: Philippines pawl nih an tuah mi i cawn awktlak a si tiah na ruahmi ?

ZBL: Puitling lungput an ngeih mi hi cawn awk thlak bak a si ka ti.

PCCF: Caan na kan pek caah kan i lawm…

ZBL: Keimah zong kaalawm kho taktak!

Philippine Chin Christian Fellowship
Manila, Philippines