Bawipa thawhṭhanzingah thawngṭhabia a hrawm mi zumtu nan dihlakcungah Pathian thluachiah a tharin tlung ko seh! Tuzingah thawngṭha a kan chim tu hi Saya Sui Chan Lian a si. Amahhi A pa Zang Tlang khua, A nu Haka khuachung an si Kakha khuapi ah a um mi an si. Philippine Christian University ah Master of Art In Theology Studies a dihmi a si. PCCF ahcun kan i bochan taktak mi tlangval no te a si. Pathian Ṭhatnak Khuaruahhar ti mi he pehtlai in thawngṭha bia an kan chimh caah thazang kan la cio i a pumpak cung zongah kan i lawm tuk. Bawipa nih hmai lei a rianṭuannak ah lam hruai in umpi zungzal ko seh tiin PCCF zong nih thlaza kan cam piak.
Saya Sui Chan Lian
Baibal Cacang: John 8:36. Eph. 2:14. Isa. 9:6.
Pathian a tha! ti chim hi A fawibik mi sentence zong si, a harbik mi sentence zong a si. Lungthiang tein van I ruah hna usihlaw, Khahincun, Siahngakchia cio kan si, harsetnak nih a kan den lio le, fangkhat hmanh loin thlahnih-thum kan um lio caah, Kan visa le kan passport hna extension kan tuah khawh lo caan, sianginn enrollment tuahnak zong ngeih lo caan, Lungrethei ngai in kan um caan ahcun “Bawipa A Tha” ti chim cu a har ngai, Kan chim ko hmanh, Chairman pa nih a kan fial tuk caah maw, lungtak lo zong in kan chim caan a um theo tawn. Mah ahhin Pathian nih zeitindah a hei kan ruah hnga. Minung kan si caah, harset lio caan le ruahchannak hna a van donghdeng caan a um tawn, a zeimaw caan ahcun, a zeipoah siseh ka tuah khawh dih lai tibantuk kan ruah caan zong a um. Lungthiang tein minung cu ahopoah kan I khat dih.
Relram deuh le, tlamtling deuh ngai in kan um caan cun, “Pathian na tha” ti chim kha a fawi. Asinain, A cung in “problem” hi zeitindah kan leh “response” lai. Harsetnak le lungretheih nak in kan um lio caan ah, Pathian zeidah a tuah? Kan ruah khawh bik mi cu, “Patience” kan ti, lungsau tein inntuar ko u sih kan ti, thilhme deuh cu kan inntuar khawh, asinain, minung sinak in kan inntuar kho lo ding mi zong a rak um. Cutikah, ruahchannak hna zong an tlau tawn. Cucu kan problem a si caah zeitindah a lam kan kawl lai ti kha I ruah hna u sih.
Pathian nganfaknak le Khrih Zisuh umpinak
Pathian nih minung hi a kan dawttuk, asinain minung nih a lung kan ton lo caah Pathian cu a thinhang I, a ngan a fak tiah cathiang ah tha tein kan hmuh. Khazawn te ah, a mak ngai mi cu, Pathian a thinhangnak le a nganfaknak kan zoh tikah, a van lang mi cu, Pathian nih minung hi a kan dawttuk ruang ah a si ti kha kan hmuh. Mirang in “The pain of God which resolves our pain is “love” rooted in his pain.”. A nganfaknak le a thinhangnak in a dawtnak kha tha tein kan hmuh khawh. Cuti si caah, chiatserh nganfaknak a ing mi le a sual mi minung kha khamhawk ah lam pakhat lawnglawng a um. Cucu, Pathian lila kha minung sinak in a hun thum I, minung nih tuarmi harsetnak le nganfaknak le vialte kha a tuar I, teinak a kan hmuh piak kha a rak si. Sau deuh hrilhfiah kha a sau tuk sual lai caah, relchap a duh mi nih cun, The theology of Love, the theology of the pain of God timi kha rak rel chap te uh.
A cung ah kan chimmi teinak ahkhan, lungretheihnak, lungdonghnak, ngaihchiatnak, harsetnak a phunphun kha aa tel. Sainginn kan kai I, cawva lei ah harsetnak a phunphun kan ton mi, a caan ahcun kan ruahchannak tian zong a dongh dengmang lio, a caan ahcun Bawipa Philippines sianginn kai hi nangmah lamhruainak a si bal lai lo, zeicatiah, ka harsatuk I ramdang hna ah a kal ning law a tha deuh lai kan ti caan, mithli he thla kan cam lio I, Bawipa! Zeicadah na ka kal tak, bawmhnak kan hal mi ning in a tu tiang ka hmuh bal lo. (Zisuh zong nih a rak ton bal ve, Cross ah an tah lio ahkhan, Ka Pa! ziah na ka kal tak a ti ve kha mu)
Mi tampi nih kan ruah zungzal theo tawn mi cu, Zisuh cu misual mi kan caah fung in an tuk I, vailam ah an tah ti tiang lawng kha kan ruah tawn. An tuknak le an hremnak thawng lawng kha, khamhfiannak le thazaanglaknak ah kan hman theo tawn. Cu zong cu, a hman ko. Asinian, thuhdeuh in biaruah kan duh mi hna cu, Zisuh nih zeitluk in dah, lungretheih le lungkuai caan kan um lio ah zeitindah a kan tuarpi ve I, zeitluk in dah thazaang pek a kan duh ti kha I ruah ka duh mi cu a si.
Jesus, the wonderful counselor
Zisuh hi zeiruang ahdah counselor tha a si ti ka ruah tikah, ka hmuh mi cu, harsetnak vialte le tamnak vialte a rak tuar dih ruangah zeitindah mi kha counselor ka tuah hna lai ti kha tha tein a theih. Minung hi kan zawt I kan nganfaktuk lio caan ah le lungretheih khuaruahhar vansan kan um lio caan I kan duh bik mi cu, kan tuarmi harnak hi rak kan theihthiampiak ve hna she ti kan duh, biadang in kan chim ahcun, kan tuarmi harnak kha rak kan hrawmh ve hna seh kan duh, thazaang rak kan pe hna seh ti kan duh. Mah bantuk caan lio te ahhin, Zisuh nunzia ah kan hmuh mi cu, “kan um pi hna, zeitindah vawlei hi na cuah timi hi kan theihthiampiak cikcek ee a ti” miring in cun, “I am with you and I can accurately sense the world as you construe it” ti a va si hnga.
Fiang deuh in kan theih khawh nak ding ah tahchunhnak pakhat in van la ta u sih, Mary le Martha an ta pa, Lazarus, a thi lio I an ngaihchiat le an lungkuai lio kha Zisuh nih a hmuh hna tikah, minung nih kan tuarmi ngaihchiatnak le nganfaknak kha a a hmuh tikah, Khrih Zisuh zong a cei lo ve lo I, a tap. Cucu kharih nih minung kan nganfaknak le kan ngaihchiatnak kha a kan tuar pi ve ti kha kan hmuh khawh.
Mah hihi minung nih thideng in kan zawt lio caan ah le biazong chim kho ti lo dirhmun kan um lio caan ah kan hna hram tein theih kan duh bik mi bia a si. Kan hawi minung kha, genuineness, empathy, acceptance, warmth, positive reinforcement, tein an tuarnak kha kan tuarpi ve hna ahcun counselor tha taktak kan si cio ko lai tiah ka zumh. Thuhdeuh in rel a duh mi nih “offer them Christ” chung ahkhan rel khawh a si.
Mah ca ahcun, a cung lei kan biakha van leh u sih law, sianginn kan kai lio, harsetnak phunzakip kan tuar, khuazei in dah bawmhnak kan hmuh lai ti khuaza kan ruah, lungretheih le lunghno ngai in kan um lio caan, le kan ruahnak a dongh dengmang caan kan um lio ah, kan philh lo ding mi cu, Zisuh a kan um pi ko, a kan tuarpi ve ti kha kan I tlaih peng ding a si.
Biadonghnak
Cucaah, hawi le khom hna, nganfaknak, harsetnak, le lungdonghnak caan kan um lio ah, kan ruah peng awk ding cu, Kharih nih a kan umpi zungzal I, a kan tuarpi ve ti kha kan theih awk zungzal ding a si I, a caan phak tik ah teinak a kan pe lai ti mi kha kan philh hrim lo ding a si. Cucaah, Kharih cu kan I lawm caan le teinak kan hmuh tikah ai lawm ve, harnak le nganfaknak kan tuar tikah, kan mah bantuk tein a kan tuar pi ve ti kha kan theih zungzal awk a si. Mah thil vialte cu, kharih a nun lio le a kong kan rel nak in fiang tein kan theih khawh. Kan tuar mi harnak vialte cu Kharih nih a rak tuar dih cang I, zeitindah teinak lam a si ti kha fiang tein a kan chim cang. Cucaah, Kharih cu kan khamhtu a si kan ti nak cu a si. Ruahchannak a dongh mi hna caah ruahchannak a pet u le, minung kan nganfaknak kha a mah nganfaknak in a kan donh piak I, zeitindah teinak a si ti kha a kan cawmpiak cang. Cucaah, dawtmi u le nau hna, mah leng thawngtha cu zeidah a um ti, Kharih nih a kan umpi nak kha ruah zungzal hna u sih law, hmailei ah teinak tein nawr chin lengmang ko hna u sih tiah kan sawm hna.
A reltu an zate cung tampi kai lawm,
Sui Chan Lian.
No comments:
Post a Comment