Greetings in the name of the Lord

Firstly, I would like to tell thank a bunch for the very special chance to share the word of God. Secondly, I would like to show my greatest love to chin people (especially lai people) again; I would like to tell I love you all because you are a part of my life.

Today ,I am going to preach my favorite Bible story about Nehemiah and the bible verses is taken from Nehemiah 2:18 Then I told them of the hand of my God which was good upon me; as also the king’s words that he had spoken unto me. And they said, let us rise up and build. So they strengthened their hands for this good work.

Nehemiah 1:1-2 The words of Nehemiah the son of Hachaliah.And it came to pass in the Month chisleu,in the twentieth year,as I was in Shushan the palace.

V.2 That Hanani, one of my brethren, came, he and certain men of Judah; and I asked them concerning the Jews that had escaped, which were left of the captivity, and concerning Jerusalem.

Introduction

Israel do not obey God

God chose the nation called Israel to be his special people (Leviticus 20:26). He wanted the people to love him and to worship him. And he wanted them to obey him. In the city called Jerusalem, which was their capital, they built a great temple. The people worshipped God and gave sacrifices to him in this temple. Israel became a powerful nation.

But the people in Israel did not obey God (Nehemiah 9:16-18, 26). They worshipped the gods of the other nations. So God caused the people in Israel to suffer trouble and difficulties.

The Israelites continued to sin against God (Nehemiah 9:28). God sent many prophets to warn them about this. But the Israelites did not listen to these men. Instead, the Israelites continued to do bad things (Nehemiah 9:29-30). So God allowed them to suffer terrible difficulties. God loved the Israelites because they were his people. He only allowed them to suffer like this so that they would remember him. He wanted them to obey him. Then he could do good things for them again. The nation divided into two parts

A .    A Vision begins   at a concern

Let’s look at Nehemiah 1: 1-11
When Nehemiah heard about the condition of Jerusalem, there was nothing he could physically do to remedy the situation. It seemed as if he was in the wrong place, with the wrong job, working for the wrong guy. But Nehemiah was not inactive. The four months between hearing about the condition of the walls and finally being able to do something about it was a productive time for Nehemiah.
Nehemiah did two things to prepare for the time when God would lead Him to pursue his vision.

1. He prayed – Prayer is critical to vision development. Why? Because we see what we are looking for, and often miss what we don’t expect to see. Prayer keeps us looking. It keeps our eyes and our hearts in the expectant mode. When God begins to move, we are only going to see it we are ready and watching. Notice that Nehemiah did not pray for God to rebuild the wall. He prayed for an opportunity to go rebuild it himself. That is the difference between a dreamer and a visionary. Dreamers dream about things being different. Visionaries envision themselves making a difference. Dreamers think about how nice it would be for something to be done. Visionaries look for an opportunity to do something.
2. He planned – Nehemiah thought about what would be needed to accomplish this vision (or at least get started). If God has given us a vision, we need to go ahead and start developing a plan. Assuming you had the resources, what would you do? Assuming you had the time, what would you do first? Nehemiah laid out steps of how to pursue this vision. He made sure that if he got an opportunity to present his vision to the king, he was ready.

Pray for opportunities and plan as if you expect God to answer your prayers.
The problem is that many of us fail to pray and fail to plan..If the person you have been praying for were to ask you about your relationship with Christ, do you know what you would say?
If you suddenly had the opportunity to switch jobs or careers, do you know what steps you would need to make the transition successfully?

Conclusion and application

As we all are appointed to be a leaders, so we need to lead people wisely  and according to the will of God .We need to Cast our vision to the appropriate people at  the appropriate time like Nehemiah did his people. People will give what they can afford to meet a need. But they will give sacrificially toward a vision that bears the marks of God’s involvement. There will always be needs, but when an opportunity comes along to invest our time and resources in something God is up to, it is amazing how much more time and treasure people are willing to invest. When Nehemiah finished casting the vision, the people responded “Good! Let’s rebuild the wall.”

Yours truly

Van Noi Ding @ Angelay

A HMEBIK

Baibalcangthim: Luka 17:5-6; Lamkaltu hna nih khan Bawipa “Kan zumhnak hi ngan ter deuh tuah,” an ti. Bawipa nih cun a leh hna I, “Nan nih antam ci ngaw zumhnak nan ngeih ahcun hi thingtheihmung kung hi, ‘Na hram in I phawi law rili ah khin vaa phun,’ tiah nan ti lai I nan nawl an ngaih ko hna lai,” tiah a ti.

Biahmaitthi:

Thawngttha chimnak caan ttha ka hmuh caah kaa lawm. Vui khat cu LBC( Lai Baptist Church, Yangon) zing pumh dih in Rev. Dr. E Za Bik , Pu Antony le kei tiah lakphak dawr ah kan tthu hna I, Pu Antony nih Mang Hlawn pa kan hnu zarh thawngttha na chimmi kha a ttha bak tiah a ti, zei kong hme ka chimh tiah a hal I ka philh dih cang tiah a ti. A tuzing thawngttha chim ding ka si tikah ka chimh dih in an philh viar te ko ding cu tthatthi zong timhtuah a ho lem lai lo tiah, capo in Rev. Dr Cung Lian Hup nih a rak chim bal.

Ka ruah seklen ve, kei te hna sermon ttial mi hi a ho nih hme a rel hnga! Timhtuahnak zong ngeih a ho lem hnga maw tiah. Nain a si lo, keimah ca zongah ka chim chih ko cu ta, cun pakhat tal nih cun an rel te ko lai tiah lungtho tein ka timh tthan. Ka chimh hnga mi hi a sen he a nak he, a rang he aa cawh dih te lai. Laimi sermon te bak a si ko lai.

Laimi cheukhat philoshophy

Laimi cu raw ei hlan ah kut ttawl lem lo, I ttawl zongah a sawh tein kan in ttawl. Kan ei khawh hnu tu ah chapiat he thiang tak in ttawl kan hmang. Ei hlan keu le kheng ttawl a um lo. Ei dih hnu tu ah chapiat he tleu lakin kan ttawl. Nitin kan hmanmi cu um le kheng cu kan ngeihmi lakah a chia deuhmi kan hman I a ttha deuh poah cu Bizu chungah dawh tein kan fim hna. Puan ttha lo deuh pawl kha zan ah kan in vorh I a ttha deuh kan ngeichun puan hna cu a dawhnak ah a langhnak hmun ah ka chiah salam. Zan ah inn thiang tein hmun phiah kha a chia ah kan ruat. Thil mansung cu kan nun lio ah I hruk lo in kan ruak cungah ithuam kan hmang. Kan zawt lio ah kan ngeihmi thil zuar cu kan siang lo nain kan thih hnu thlanlung donhnak tu ahcun a tawr le cheng kan dih.

Hi nih hin Theology pakhat a hrin rua tiah ka ruah puhmi cu, kan nun lio nakin kan thih hnu kongah biatak deuh kan in cawn piak theo. Vawilei ah rumnak a herh lo, fimnak degree a herh lo. Thlarua zungzal nunnak kan hmuh ahcun a za ko. Vancung khua ah sui tingtang kan tum lai, van hla kan sak lai kan lam lai I kan in nuam lai ti a si. Thih hnu kan kalnak ding lam caah kan nun lio ah timtuahfel a herh tuk ti hi kan philh sual tawn rua.  A ngaingai tiah cun vawlei ahhin sui tingtang hna kan tum cia chung a herh I, van hla hna hi kan sak cia a hau rua. Cu lo ahcun vancung khua ah timing kan palh sual ahcun kan I chuihpah dih te kho.

A chimtu nakin a ngaitu le ttuantu

Philippines ka phan hnu ah ka hmuh theihmi, Laimi tam u cu chimrel ah kan ilep ngai hna. Kei cu Ramkhel rian kong ka hngalh taktak, ka piangthar taktak,mirang karama ka thiam hei tibantuk a tam ngai. Chimrel kho hi a sang bik ah kan chiah sual rua tawn in. Kei cu hi ti hin ka ruah ko cuh! Rev. Dr. Hre Kio nih Pathian thawngttha a chimmi khi kan zapi tein ngai usih law, inunpi usih law, cu kan inunpi mi cu kan tuahttuannak ah langhter usih law Khrifa kan sinak ahhin a za tuk ko lai tiah. Dr. Liang Hmung Sakhong nih Ramkhel kong hi kan chim sehlaw, kan zapi nih ngai usih law, cucu kan ram caah kan zapi tein tuahttuan tti usihlaw kan ram thlennak caah a za ko lai tiah. A chimrel tam nakin zei ah kan ruat lem lo mi a ngaitu tete le attuantu tete taktak hi tam deuh u sih law Pathian pennak tiah kan in cawnpiak lengmangmi hi kan temh tam deuh men lai dahkaw. Cathiam kan ti mi zong khi ka thiam ti hau lem loin a thiamnak kha a ttuannak ah langhter ve sehlaw hmual a fak deuh lai tiah!

Khrihfa cawnpiaknak

Khrihfa kan in cawnpiaknak ahhin kan nu paw chung kan rak in semka tein felfai tein rak I cawn piak le, chungkhar ah fel tein Khrihfa nunzia I cawn piaknak le Biakinn ah Sunday chool cawnpiaknak hna hi a hmete ah ruah sual a fawi nain a rak ngan tukmi le a rak biapi tukmi a si. Kan upat hnu I Camping le Karuseh ah va khumh I hrinthar va hmuh nakin a tthat hnem deuh saumou rua lai dah! Thingkung cu a no te lio in na thlopbul ahcun hman awk ttha aa chuak hrimhrim lai. A tar hnu na kawih thulh ahcun a kiak lehlam lai.

Ni khat ah thlacam vui zeizat dah na cam tinak in thlacam nun ngeih hi a bia pit tuk. Thlacam hi a cam in cam long loin thlacam nuntu ngeih kho deuh u sih law, Baibal chuak lak in rel vui tam nakin Baibal cang inun pi hi a biapi deuh rua. Khrihfa na si maw? Ka si, na hrintthan/piangthar maw? Vun ti ah piangthar ka si hrinthar ka si ti nakin kan tuah serhnak hna nih kan khrihfa sinak cu a langh ter deuh tawn ko seh. Jeush nih an theih tlai in va zoh ko hna uh, tiah a ti.

Kan minung hawi pakhat sin in bia ka theihmi cu, Haleluiah a uar ve mi Khrihfa bu ahkhan micheu nih Haleluiah a tamtuk, hna a chet tiah an ti I Halaluiah a tlom chim duhmi le tam deuh chim duhmi tiah khrifah bu pahnih in a I thencheu tiah a ti. Zeipipa lo tukmi thil hmete ruangah Khrihfa mui kan chiat ter kho. Laimi hi Pathian kan biaknak ah sital kan duh deuh sual rua tiah ka ruat theo. Haleluiah ti theng le Amen tam theng hna hi a thlarau khun ah kan ruah cuh! Pathian hi a sawhsawh (simple) tein zumh le bochan ahkhin a za tuk ko. A zei ti phun deuh in va zumh le vaa bochan phun khi sital tuah a herh rua lo eh! Paul piangthar ning le Peter te pawl khi an minung khi a uar in kan uar hna cuh. Paul hna cu a mah tein a piangthar kho lo mi dawh a si ko cuh.  A herhmi tu, a muru tu kan tlolh sual tawn rua hlah maw? Tiah ka ruat.

Bia donghnak

Laimi cu Laihpuai kan uar ngai. Peter zong nih a uar ve. Peter kha Jesuh nih na ke kan tawl lai a ti ahkhan na ka ttawl vekvek ahcun Bawipa vuihnih in ka ttawl lawlaw a ti. Tipil hna hi vuihnih in ahhin kan I lungsi deuh tawn ve rua cuh! Zumhnak hna hi sei khat lak in phorh kan duh I zal khat lakin I beih hna kan duh men lai cuh. A si loh! Lam kaltu pawl nih Jesuh kha, Bawipa kan zumhnak hi nganter deuh tuah tiah, an ti ahkhan, Jesuh nih a leh mi hna cu- “Nannih nih a hmebikmi antam ci ngaw zumhnak nan ngeih ahcun hi theihmung kung hi, ‘a hram in I phawi law rili ah khin vaa phun, tiah nan ti lai I nan nawl an ngaih ko hna lai,” tiah fiang phut in a cawn piak ko hna hme hih! (Luka 17:5-6). Kan dihlak caah Pathian nih thlua kan chuak piak hram seh! Amen.

KHAR LING

BAWIPA NIH ABRAHAM TIAH AUH AN DUH

Genesis 17:4-5

Biahmaithi:     

            19^th Century lio i Scottish Pastor Andrew Bonar nih a rak chim mi cu, “Pa (Father) ti mi cu fa le caah mah le mah i zumh khawh lonak  dir hmun in mah le mah i zumh ngamnak dir hmun ah a kan hruaitu, ruahchanhnak a ngei lo mi kha ruah channak lam a kan hmuhsak tu le mah le mah thazang dernak hmun in Pathian zangfahnak(God’s Grace) chungah thazang a kan thawn ter kho tu” an si tiah a rak ti. John Piper nih a chim ve mi cu, “ A tling mi pa (a perfect Father) cu Vancung a pa (Heavenly Father) lo in nun aa zuam mi le chungkhar nih a mah keneh zul kho ding in nun a chim kho tu” an si ati.  Cu caah Pa (Fathers) le nihin rian nganbik, duty in si lo in responsibity in chungkhar caah kan i khinh ti hi theih a biapi ngai ngai. PA(Father)  ruangah Chungkhar nih thluachuah an hmu kho i PA (Fathers) hna ruangah miphun nih thluachuah an hmu kho. Bawipa nih PA (Fathers) le vialte caah sihna seh ti a kan duhpiak mi pakhat te a um cu cu “MIPHUN VIALTE PA) si ding hi asi.

PA (Father) cu:

Petu “Provider”: Pathian cu a fa le vialte caah kan herhmi thil vialte petu (God of Provider ) asi bantuk in PA (Father) cu chungkhar caah “PE TU” “provider” rian khinh kan si ve. Adam sual tluk hnu ah Pathian biakhiahnak cu na thlan hri pi he na tuan mi na ei lai ti hi asi. Cu nih cun kan tuan mi (work) kha kan rian (Job) ah a caan ter. Pathian nih a kan duh piak mi cu kan tuan mi (Work) kha lawmhnak (Joy) ah caan ter hi asi. Cu caah Pathian nih kaphnih har nam a kan pek i cu cu kan tuan mi (work) kha rian(Job) kha lawmhnak (Joy) ah can ter ding hi asi. Pa le hna chungkhar caah na tuan mi na rian kha chungkhar caah lawmhnak petu si ko usih. Pa le cu:

1.      Chungkhar caah lawmhnak mithmai panhnak petu PA

2.      Chungkhar caah hmailei a tha bik mi ruahnak petu PA

3.      Chungkhar nih, rosung bik asi mi Zungzal nunnak, Khrih ngeihkhawhnak ding Pathian bia in cawmkeng tu PA

Zokhenhtu( Protector): Zei bantuk chungkhar paoh nih kan herh mi cu chungkhar ah nawl ngeitu bik ti mi kan herh bik mi asi. PA (Father) cu chungkhar caah nawl ngeitu bik asi ti cu a ho poah nih kan pom mi asi ko. Hi bantuk sining a ngei lo mi hna(society) chungah kan hmuh khawh mi cu, mino caah tih nung mi, sii le ai tha lo hmannak(Drug abuse), Mah le mah i thahnak (suicide), nu le pa sualnak kongah(Sexual promiscuity) hna nih hin mino tampi cu rawhralnak a phak ter hna. Cu caah PA( Father) cu chungkhar caah zohchun awktlak(model) asi awk asi. Hi vialte rawhralnak chung in zohkhen le khenkham khawhnak he aa tlak mi nunzia cu PA(Father) nih a ngeih dingah hin a biapi ngai ngai.

Hi ralhrang chungin chungkhar him tein chiahkhawhnak ding ahcun:

1.      Upat awktlak nunzia a ngeimi PA kan si a hau. Cu cu nitin na nunzia nih a co te ding (Earn) asi lai.

2.      Thih hnu zungzal rawhralnak phak lonak dingah PA cu chungkhar caah tlangbawi (Priest), Chungkhar Pathian bia he nitin an nun a zohkhenhtu PA asi awk asi.

Dantat tu( Punisher): Phungthluk i na dawt mi na fa cu va chim hrin, kan lai lei sining tein kan chim ahcun na dawt mi na fa cu a sual tikah fungfek in va tu va chim hrin ti hi asi hnga. Chungkhar ah fa le chimhhrin le dantat tikah PA le tampi cu kan thinhun bu in dantatnak he chimh hrin kan hmang tawn. Child Psychologist Sigmund Freud nih a chim mi cu, “Zeitik hman ah na thinhun lio ah na fa kha dantatnak pek in chim hrin hlah. Fa le chimh hrin le dantat hi kan mah kan sining (pride) diriamhnak caah a si awk asi lo, dawtnak ruangtu ah kan chimh hrin hna awk asi” tiah arak ti. A sual mi cu dantat ding asi cu kan Bible zong nih a kan cawnpiak mi asi. Pathian dantat ning tu hi PA (Fathers) vialte nih kan i cawn awk asi. Pathian dantatnak cu “Sual man cu thihnak asi i a sual ko mi kha a sual lo tiah biakhiahnak” a kan tuahpiak hi asi. Efesa 6:4 chungah “Nu le Pa hna nan fa le kha an thinhun seh tiin ti hna hlah uh, Pathian bia he tu cawnpiak hna uh” ti hi asi. Na fa cu:

1.      Dan na tat i na chimh hrin tikah zohchun awktlak nunzia na ngeihmi le Khrih dawtnak in chim hring.

2.      Nangmah kaa chung in a chuak mi bia nak in Pathian hmurka chung in a chuak mi Pathian Bia in na chimh hrin ah cun Vancung khua a um mi kan PA kan lawhnak a lang deuh lai.

Pastor (Priest): Joshua nih, a mi Israel mi hna sinah a chim mi cu, “ Kei le ka inn chungkhar nih cun Bawipa rian lawng kan tuan ko lai” ti hi asi. PA(Fathers) le hna,  Pathian le chungkhar karah  pehtlaihnak rian a tuantu tlangbawi rian a kan khinh hi kan philh lo awk ah a biapi ngai ngai. Chungkhar caah Bawipa hmai ah kun in bawipa bia  ruah tu, Chungkhar lungkhat rualrem tein khuasaknak ding caah bawipa hmai ah kun in thla a cam zungzal tu, Chungkhar nih Khrih nun an ngeih i zungnzal nunnak a ngeih khawhnak dingah Khrih thawngtha bia phuangtu PA le kan si ding hi Pathian nih a kan duh piak mi cu asi.

Biadonghnak:

            Pathian nih Abram kha Abraham tiah a min a thlen tikah, nang cu miphun vialte pa na si cang lai. Nangmah thawngin Mi vialte nih thluachuahnak an co lai. Na chungkhar caah thluachuah petu, rawhralnak in an luatnak hnga Pathian nawlbia in cawmkengtu na si lai ti hi asi. Dawt mi u le nau hna, Chungkhar caah taksa, thinlung, thlarau ah an herh mi a petu dingah PA( Father) ah an thim, Chungkhar kha Him te le duhdim tein an nun khawhnak dingah zohkhenh tu PA ah an thim i , Chungkhar kha zungzal nunnak an ngeih i Chungtling tein Khrih nunnak  an I hrawm khawhnak ding caah PA ah an thim.

“NIHIN AHHIN KAN BIAK PATHIAN NIH ABRAHAM TIAH AUH AN DUH HRINGHRAN VE KO”

Pastor Lai Uk Thang

I CHAP U SIH

Hi ruang hrimhrim ah hin, nan zumhnak i ṭhatnak chap kha fak piin i zuam u; cun nan ṭhatnak ah khan hngalhnak i chap u; nan hngalhnak ah khan mah le mah i uk khawhnak i chap u; mah le mah i uk khawhnak ah khan in khawhnak i chap u; in khawhnak ah khan Pathian ṭihzahnak i chap u;Pathian ttih zahnak ah khan unau bantukin i dawtnak i chap u law Unau bantukin i dawtnak ah khan zawnruahnak i chap u, Hi thil hi nan herhmi an si i tam piin nan ngeih hna ahcun Bawipa Jesuh Khrih nan hngalhnak ah khan ṭhawnnak an pek hna lai i rian tampi an ṭuanter khawh hna lai.{2 Peter  1:5-8}.

 Khrih ah zumtu hawi dawt hna Bawipa nih kan relmi ah “ I chap u” a ti mi kha kan hmuh. Zumtu hna kan nunnak lam tluan cu I chap nun ngeih khawh hi a si kan ti cun kan palh tuk lai lo. Cucu kan Bible rel mi ah khan fiangtein kan hmuh khawh. nan zumhnak i ṭhatnak chap kha fak piin i zuam u; zumh sawhsawh lawng kha a za lo ti a lang. Zumtu hna cu ṭhatnak thinlung ngeih hi  fakpi in i zuam kan herh. Mah pin zongah mah le mah i uk khawh zong kan hau. Can tampi ah cun kan mah le mah i uk khawh lo ruang ah ṭhat lo nak tampi kan chuah ter tawn. Zumtu hna kan caah kan ral nganpi pakhat cu mah le mah kan I uk khawh tawn lo mi hi a si tawn. Cupin zongah cun In khawhnak ngeih hi a rak herh tuk ṭhan. Mi nih kan cungah thil an tuah sual tikah in khawhnak rak ngei cio hna usih law rem nak a chuak peng ko hnga mu. Kan mah nih kan rak in khawh ve lo caah midang zong nih an kan ing kho ve lo ti thei in, kan mah tu nih In khawhnak thinlung ngeih hmasat kan rak herh. Cu pin zongah I chap rih kan herh mi cu Pathian ṭih zahnak  thinlung te kha ngeih chap a herh. Pathian ṭihzah ko zongah khan Dawtnak taktak kha ngeih chin kan hau rih fawn. zeiruangah dah dawtnak nun ngeih cu zumtu vialte nih kan herh ti ahcun vawleicung i a ummi minung vialte hna hi zei bantuk thil hmanh nih hnangamnak a kan pek khawh lo caah a si. Cu ruangah cun minung vialte nih dawtnak kan ngeih hi a rak herh tukmi a si. Mi pakhat nih dawtnak kan ngeih i dawtnakin pawngkam Minung hawi/thil nung vialte hna sinah dawtnak in an caah thil ttha kan tuahpiak hna a si ahcun cu dawtnak nih cun an hna a ngamter hna i an lung a lawmhter hna." keimah zong nih ka tonmi tampi a um..Mirum miṭhawng, mifim hna zong hi a ka lawmhtertu tak le ka hna a ka ngamtertu tak cu an si hna lo. A ka lawmhtertu le ka hnangamnak a ka petu hna cu ka cungah dawtnak a ngei zungzal tu, a dawtnak a dawng bal lo in a ka dawtu Bawi Ka Pathian tu hi a si, Haleluiah.! Cu ve bantukin nihin ah nang zong nih na nunnak kong kha vung ruat ve law na lung an lawmhtertu le na hna an ngamtertu tak cu zeidang thil ṭha tampi hna nakin na cungah ui lo te in a dawtnak an hrawmh tu kha a si ve ko lai. Cu si caah nihin nangle kei nih nitin tein kan nunnak ah zeidang thil tampi va ngeih nakin dawtnak va ngeih hi i zuam deuh hna u si. Dawtnak nun in kan nun awk tu kha a kan cawnpiak. Zeicahtiah ahcun Bible chungah kan hmuhmi cu,"Mi pakhat nih Zeizong thil a hei ngeih ko hnga cun thiamnak zong a hei ngei ko hnga cun zumhnak zongah a ṭhawng ngai mi a hei si ko hnga cun a pum zong kangh thawinak caah a hei pek ko hna sihmanhsehlaw cu vialte thil cu dawtnak a ngeih ṭung lo ahcun zeihmanh a ṭhahnem lo a ti"1 Korin 13:1.3. Cucaah dawtnak nun hi kan rak herh takmi nun a si. Dawtnak tampi in kan I chap hna a hau.. Dawtnak kan ngeih a si ahcun kan nunnak aa lawm zungzal lai i hnangam in kan um ko hna lai. Phungthlukbia 15:16.17 ahcun,"Bawipa ṭihbu tein tlawmte ngeih hi tampi ngeih i hnahnok ngai i um nak in a ṭha deuh.Cun dawtnak aa telnak zanriah cu anhringso he lawnghmanh sisehlaw, a thaumi caw sa in tuahmi zanriah huatnak aa telmi zanriah nakin a ṭha deuh"a ti. ,"Keimah nih kan dawt hna bantukin pakhat le pakhat nan i dawt awk a si. Johan 13:34 a ti. Cun"Kan i dawtnak hi lungthin taktak in a si awk a si Rom 12:9, a ti. Cun"Keimah nih kan dawt hna bantukin pakhat le pakhat i daw u, Johan 15:12 a ti ṭhiamṭhiam. A rummi a ṭhawngmi duh paoh I a ummi zong sihmanh usilaw, dawtnak kan ngeih ṭung lo  ahcun zeihmanh ṭhat hnemnak a ngei lomi a si ko. Cusicaah kannih zumtu vialte hna cu kan umnak hmun cio in nitinte kan nunnak ah khrih zesuh dawtnak kha ruat in dawtnak hi ngei hna usilaw dawtnak nun in nung hna usi. Cun kan Dawtnak  ngei  mi cung hmanh ah khan zawnruahnak taktak kha ngeih chap/chih kan hau. Cu nunning cu zumtu vialte kan nunnak ah Pathian zong nih a kan duh piakmi nunning an si.

 Dawtmi  hawi le hna a donghnak lei i chim ka duhmi cu zei rian kan ṭuannak paoh ah mah kan Bible ca te hi rel ṭhan in, i nunpi khawh cio i zuam hna usih. Pathian ṭihnak in kan i thok lai i dawtnak le zawnruahnak tiang in i chap nun ngei hna usih. Ka rak tuah cang, ka rel cang, khua le ram le bu caah kan rak tuah cang i a za cang ti mi thinlung  si lo in  I chap ṭhan nun kha ngeih khawh i zuam hna usih law, kan i timhmi kan rian hlawhtlinnak kan hmu lai i rian tampi in kanṭtuan khawh  ko lai. Cucu Bible kan rel mi zong nih an kan cawnpiak mi a si. Reltu pumpak cio cungah bawipa nih thluachuahnak kan pekpiak ko she! Amen.

Dawtnak nun in nun le dawtnak ngeih hi zumtu vialte kan sinah Jesuh khrih hrim nih a kan cah takmi a si.Cucaah kannih Lai miphun zumtu khrihfa vialte nih vawleicung ramza kan umnak hmun cio ah khrih zesuh nih a kan duh piakmi dawtnak nun le vawleicung thil nung vialte nih kan herhmi dawtnak nun hi ngei hna u silaw dawtnak nun in nung hna u silaw kan tuahsermi thil kipah dawtnak i tel zungzal ko seh..

Lawmhnak tampi he…

Pastor Cung Bik (Thawngthawng pa)

Cavite

Philippines