PCCF: Na min le Na chuahnak , na nu na pa min le Unau pawl a tawwinak in nan kan chim kho hnga maw?
RLC: Ka min cu Roland Ceu ka si. Than Tlang ah ka chuak, Hriphi ah ka tthang. Ka nu le ka pa min cu Pu Chum Tler le Daw Iang Par an si. U nau pariat chuak kan si, a pasarihnak ka si.
PCCF: Na sianginn kai nak, nan um nak le na khrihfabu na kan chim kho hnga maw?
RLC: Tangcheu in tanghnih tiang, Hriphi (A) Primary sianginn ah ka kai, Tangthum in tangkua tiang Hriphi ( B) High school ah ka kai, Tanghra cu Hakha No(1) High school ah ka kai, B.Th. cu Gospel for Asia sianginn, Yangon ah ka kai, M.Min, le M.Div cu Asia Evangelical College And Theological Seminary sianginn, Bangalore India ah ka kai. M.Th cu Tabernacle Baptist Bible College, Bangalore India ah ka kai, D.Min cu Union Theological Seminary sianginn Philippines ram ah ka kai, Ph.D cu Philippine Christian University Philippine ram ah ka kai. Ka umnak krifa bu cu, (BCM) Believer Church of Myanmar a si. Hakha ah kan um.
PCCF: Na sianginn kai chungah sianghnga chia pakhat dir hmun in a harbik tiah na ruahmi le, a nuambik tiah na ruah mi, na kan chim kho hnga maw?
RLC: Sianginn ka kai chungah a har bik in ka ruah mi cu, kan zawt kan dam lo can kan chung le kan pawng ah an um fawn lo, cun phaisa hna a herh ninginn kan ngeih lo can, kan min hna notice board ah an vun tar hrawg khi a har ngai pin ah ning le a zak fawn, cun a nuamh cem can cu caminpuai kan dih zan assignment hna kan dih can khi a nuam tuk in ka theih. Cun Degree kan lak can khi a nuam tuk.
PCCF: Hmailei na riantuannak ding he peh tlai in, saduh na thah mi , na chunmang na kan chimkho hnga maw?
RLC: Pathian nih a ka hruai ning poh in a si ko lai. Ka si khawh tawk in Pathian rian ttuan hi ka tim peng.
PCCF: Philippines sianginn na kai chung ah thiltha cawnawk tlak a si tiah na hmuh mi na kan chim kho hnga maw?
RLC: Philippine ram sianginn ka kai chung ah cawn awk tlak a si ka ti mi cu, mi tam deuh cu open mind an ngei, cun an thianghlim, ttamh mawih an thiam, An lung a sau hi hi cawnawk tlak an si ka ti.
PCCF: Kan ram na kir tikah laimi nunning chung in thlending ah na sia a herh bik mi na kan chim kho hnga maw?
RLC: Laimi kan nun ning chungin thlen ding mi hi cu kei mah ka hmuh ning in cun a tam ngai na in a har ngai ding a si fawn. Cu lak ah tlawmte chim ka duh mi cu Vel hle chim kan hmang tuk, thian hlim nun kan ttanh lo, Lihsen lihrang hna a tam tuk cang lai mi nun chungin…
PCCF: Laimi khrih fa nun a thancho nak ding ah a herh bik tiah na ruah mi na kan chim kho hnga maw?
RLC: Krifa nun a tthan chonak ding ah cun, Kan biak mi kan pathian sin ah zumhawk tlak te in nun kan hau. Kan biak mi pathian cu kan ttanh a hau fawn. Kan biaknak ah kan ni biatak a hau fawn.
PCCF: PCCF sinah siaherh bia chimh na kan duhmi a um maw? Kan chim ta kho law kan I lawm ko hnga?
RLC: PCCF bia cah kan duh mi hna cu hmunkhat te le lungrual te in PCCF hi rak dirh kamh peng uh tiah kan cah duh hna. Thlei dannak um hin lo te in cun pakhat le pakhat i daw zungzal uh.
PCCF: Tlangval bu in Ph.D na lim khawh mi cungah kan in lawmh pi, hnakruh hna na hmuh cang maw? Na kawl lio dah?
RLC: Nan ka lawmh pi caah ka lawm tuk ve. Tu hi ka kawl cuahmah lio a si ko hih.
PCCF: Ph.D na dih bak i na feeling na kan chim kho hnga maw?
RLC: Pathian sin ah lunglomhnak bia ka chim hmasa, Ka nu le ka pa an nun chung te ah Ph.D ka dih khawh cu ka lung hmuih kho tuk cun, Tlanval lio kum 30 bak ah ka dih khawh ca-ah hin ka lung hmuih khun.
PCCF: Na Caan tampi na kan pek caah kan i lawm tuk.
RLC: Ka lawm tuk ve.
No comments:
Post a Comment