PCCF le Ram Ceu Hnin Tonnak

Pastor Dr. Ram Ceu Hnin (CBA)

Dr. Ram Ceu Hnin Tlamtling tein UTS ah Doctor of Ministry na kan dih piak caah kan lung ai lawm hringhran i can pek in tlawmpal biaruahnak kan pe ta ko law ti ah kan in nawl.

PCCF le Dr. Ram Ceu Hnin tonnak

PCCF: Na Chuahkehnak le na tthan nak, Pastor na tuan nak a tawi nak in nan kan chim kho hnga maw?
RCH : Philippine Chin Christian Fellowship (PCCF) nih hmunkhat te ton biaruah nak nan ka ngeih caah riantuan tu Upa te nan dihlak cung ah le PCCF ka sianginn kai ti hawi nan dihlak cung ah ka lawm i a tu bantuk in Caantha a kan timhtuah piak tu kan Pathian a min ka thangthat. A cung lei nan ka hal bantuk in Ka min cu Ram Ceu Hnin (Rose Pa) ka si. Pu Van Awr (Zokhua) le Pi Hniar Meng (Sakta) hna nih 1976 April 5, ah Hakha khua Pyidawta sang ah an ka hrin. Unau 5 chuak kan si i kei mah hi Upa bik ka si. Hakha khua ah ka thang. Pastor ka tuan nak hi Kale Peng, Kyar-inn khua ah a tuan mi ka si.

PCCF : Na sianginn kainak le na tthutt umnak na kan chim kho hnga maw?
RCH: Ka sianginn kai nak chim ah hin ka ning zong a zak pah nain nan ka hal caah ka chim lai.
1. Chin Christian College (1996-1998) Diploma third year tiang ka kai, 1998 kum ah hin Tanghra ka awng i B.Th ah ka thial than, (1999-2001) first year le second year ka kai than, dih lo in Institute for Mission and Church Planting (IMCP) Yangon ah ka thial i (February, 2003) ah Bachelor of Theology (B.Th) ka Aung.
2. University of Monywa in (May2003) B.A (Law) ka Aung.
3. Saint’s Andrew Theological Seminary (S.A.T.S) in (2006 -2009) Master of Divinity, (M.Div) ka aung.
4. Union Theological Seminary & Philippine Christian University (UTS-PCU) in (2009-2012) Doctor of Ministry (D.Min) ka Aung.


PCCF: Philippines ah kum sau nawn na um cang i, a tu cu dam tein sianginn zong na dih cang kan ni lawmh pi tuk. Philippines sianginn kai a harnak le a fawinak na hmuhtonmi chung in nan kan chim kho hnga maw?
RCH: Pathian dawtnak le lam hruainak thawng in lunglawmh nak a ka hrawm pi tu PCCF nan dihlak cung ka lawmtuk ve ti kha langhter ka duh. Cun Philippine ram ah hin a fawinak a harnak ti hi cu chim ding tampi nan ngei kan ngei cio ko lai, a ruang cu kan rak har ning cio hi a khat dih lai lo, cu ca’ah kei mah ka har ning hi chim ning law a dang ka hawi le caah harnak a si lo kho man mi a si ca’ah hi hi cu sianginn kai kan dihtik hnu ah a fawinak le a harnak hi cu a phi a chuak te hnga mi a si ko tiah ka ruah.(“Pumpak in kan ton mi harnak/ Nuamhnak hi kan caah a har bik le a nuam bik mi an si”)


PCCF: Doctor Of ministry Degree na lak tik ah hin na feeling na kan chim kho hnga maw?
RCH: Minung nih kan hmuh kan ton mi ning cio hin feeling hi cu a rak ngei dih tiah ka hmuh. A ruang cu a tutan ah ka phu ka tawk lo pi in Doctor of Ministry degree ka hmuh khawh tik ah hin thil pakhat a ka ruah ter mi cu sianginn ka rak kai ka i Pathian sin ah ka rak hal mi kha Pathian nih a ka leh rua tiah ka hmuh, cu cu minung nih kan rak hmuh khawh lo mi feeling a si tiah ka ruah, chim zia zong ka thiam ve lo, mitam pi caah cun a hme te a si nain kei ka caah cun hi hi ka tuan bia a tial tu pakhat a si tiah ka ruah caah ka lawm khun nak hi a si. “Feeling ti mi cu a tingco mi lawng nih theihkhawh, hngalhkhawh a si” Feeling cu mi tampi he ihrawm khawh a si lo.


PCCF: Philippins ah can sau pi na um cang si kaw, kan ram fim cawnnak he tahchun ah a thatnak a chiatnak na hmuhning na kan chimkho hnga maw?
RCH: Philippine ram fim cawn ning le kan ram fim cawn nak hi an mah le sining cio in an rak tha dih ko, A cheu cu kawl ram zong ah a thadeuh mi a um ve bantuk in Philippine ram zong ah a thatnak a rak tam pi ve, cu chung cun kan ram fim cawnnak nih I cawn ding ah ka duh mi pakhat te cu “Mah le duh mi line te khi kan ram ah cawn khawh si ve sehlaw cucu a tha tuk hnga tiah ka hmuh, cun research hi tamdeuh tuah kho ve uh sih law thancho nak tampi a kan pek lai ti hi ruahchan nak ka ngei.


PCCF: Kawlram ah na va tlung lai i Khrihfabu ah siseh, Community ah siseh zeibantuk pawl dah thlending ah na duh mi na sia herh mi a um?
RCH: Khrihfabu ah siseh, kan (community) chung ah hin thlen ding cu tampi a um ko, a sinain cu thlennak cu tuan lo ah hin cun a phit awk a um lo mi a si caah, kan ram/ kan khrihfabu le kan mipi sin kan kir tik hnu le kan riantuan nak hmun cio tu ah langter
Khawh i zuam ko hna usih. “Tampi chim i tuanlo nak cun chimlo te um i hmunthur phiah te hmanh khi kan tuan a si ahcun san a tlai deuh” tiah ka hmuh.

PCCF: A tlung cang ding na si, PCCF president hlun dirhmun in PCCF si ter na duh mi le na sia herh mi na kan chim kho hnga maw?
RCH: Philippine Christian Fellowship (PCCF) nih hmai lei a kal nak lam tluan caah ka sia a herh mi tampi lak ah Pakhat te ka chim lai, Cucu a zei dang pi khi a si lo, hi ka Philippine ram ah caan tawi te chung sianginn a rak kai mi kan si tik ah, a herh bik tiah ka ruah mi cu “Pakhat le Pakhat dawtnak lungthin ngei bu in thutdir tti khawh i zuam zungzal usih law Pakhat le Pakhat hi lungrual te in hmailei ah kar hlan i zuam ko hna usih”, ti hi ka sia a herh ngai mi a si. “Dawtnak a tel lo ah hin cun Van Cung Khua zong hi a nuam bal lai lo”

PCCF: Philippines pawl an nunning ah i cawn awktlak a si tiah na ruahmi kan chim law kan duh ko.
RCH: Philippines ram chung minung an dihlak nunning ah i cawn awk ah atha ngai tiah ka hmuh mi cu “Nun nuam te in zingzaan” an tlonlen ning te hi i cawn awk ah ka duh tuk. A ruang cu Bawi Jesuh nih thlacam a kan cawn piak mi ah“Paw cawm nak khim in nifa rawl kan pe ko sawh” ti mi hi an rak fiang tuk tiah ka ruah. An tlonlen ah sifak/mirum an ni khat dih.

PCCF: Laimi hi, Biaknak lei sianginn kai mi kan tam tikah nihin kan ram dir hmun in zoh tik ah Secular lei hi, tha kan pek deuh a herh tiah na ruat maw? Na hmuhning tlawm pal in na kan chim kho hnga maw?
RCH: Lai mi hi biak nak lei ah sianginn a kai mi hi kan tam tuk cang tiah kan ruah mi hi kan rak i palh nak a si. Kai khawh ah cun hi nak tam pi kai chap ko hna usih, Mah bal te cu ipum pekdeuh cu hi nak let 3 in i pumpek deuh cu a hau ve hnga, Cun Secular lei hi a tha lo ka ti nak a si lo, a tu nak in mitam pi nih an kai khawh nak ding le an tha thawh khawh nak ding ah cun a that nak kha tampi chim rel thiam a hau, Cucaah Biak nak lei siseh, Secular lei siseh kan ram kan miphun a thancho nak ding ah hin tampi kan kai khawh nak ding ca’h tu ah Pakhat le Pakhat thazang pek izuam zungzal ko hna usih.


PCCF: Caan na kan pek caah kan i lawm…Pathian nih nan cawlcangh nak vialte hi a mah sunpar lianngan nak caah cohlang ko seh ti in …Bye ..Bye.
RCH: Ka Lawm tuk ve..