2011 PCCF Retreat Nasugbu Beach ah Hlunghlai Ngai in

Pathian nih lam a kan hruai, kan nunnak ah akan umpi ti hi kan hna lawng nih theih si lo in kan mihnuh kuttongh hrimhrim in PCCF nih a ton caah Pathian sin lila ah lawmhnak bia kan chim i a min kan thangtthat.

Cucu Pathian lamhruainak tangah a kal cuahmah mi PCCF zong cu kumpi kum hra (10) leng a kal cuahmah ve. PCCF nih ai hmaithlak ngaimi kumkhat ah voikhat te lawng tuah tawn mi

Retreat zong cu Pathian lamhruainak thawng in le ramchung ramleng a um mi hna kan unau hna bawmhnak thawngin December 30, 2011 in January 1, 2012 tiang hlunghlai ngaingai in Philippines ramchung ah a nuamh ngaingainak hmun pakhat a si ve mi M.Garden Beach and Resorts, Nasugbu, Batangas ah kan tuah i a kal kho mi 40 kan si i cuticun cuka hmun ahcun nihnih chung cawnpiaknak le a dangdang activities tete tuahnak in kan caan kan hmang hna, lam a kan hruaitu kan biakmi kan Pathian a min kan thangtthat ko.

Atu bantuk kumdongh Retreat ngeih caan te ah hin hruaitu thar thimnak hi tuah tawn a si bantukin tutan zong cucu thimnak cu Democracy phung le lam ning tein tuah a si tthan.

2012 PCCF hruaitu hna cu a tanglei bantuk hin an si

1. President --Pastor Uk Ceu
2. Vice President --Mr. Van Thang
3. Secretary --Pastor Bei Rona
4. Asst. Secretary --Miss Ruby Sui Tin Cuai
5. Treasurer --Pastor Siang Zi
6. Asst. Treasurer --Rev. L. Ne Hone
7. Moderator --Pastor Cung Bik
8. Auditor1--Rev. Khai Za Nawl
9. Auditor2--Miss Hnin Wai Oo

Advisers Hna cu:

1. Rev. Dr. Dennis Shu Maung
2. Saya David That Mang
3. Pastor Khar Ling
4. Pastor Lai Uk Thang
5. Pastor Ngai Men

2012 PCCF hruaitu hna zong Pathian lamhruai in umpi hna sehlaw miphun le ram caah hman awkthlak Pathian salttha an si i an hruaimi hna caah zumhtlak pasal/nusalttha si hram hna seh ti kha kan thlacamnak zong a si.